Etikshi qyz

Etikshilik – ekiniń biriniń qo­­lynan kele bermeıtin kásip. Sonyń ishinde bul kásipke názik jan­dy­lardyń den qoıýy da sırek. Alaıda, kóńiliń qalaǵan kásipke eshkim de kedergi bola almaıtyny jáne bar. Tańnyń atysy, kúnniń batysy biz ben tebendi, balǵa-shegeni janyna serik etken názik jan Janna Qurmanǵalıeva etikshilikti sheberlik pen asa yj­da­ǵattylyqty, tózimdilikti, naǵyz eńbekti qajet etetin kásip dep esepteıdi. Onyń etikshi mamandyǵyn ıger­genine 15 jyldan astam ýa­qyt boldy. Ádette, er azamattar ǵana shuǵyl­danatyn bul kásipti meń­gergen etikshi qyz «Qaz­hrom «TUK» AQ fı­lıaly – Aqtóbe fer­ro­qorytpa zaýyty ákim­shilik-sharýashylyq bólimine qaras­ty aıaq kıim jóndeý sheberha­nasynda eńbek etip keledi. «Erinbegen etikshi bolady» degen qaǵıdany basty nazarda ustaǵan Janna etikshilik kásiptiń qyr-syryn jaqsy meńgerip, ábden ma­shyq­tanǵan jan. Zaýyttyń aıaq kıim jóndeý sheberhanasy bolǵan­dyqtan maýsymǵa baıla­nysty qys mezgilinde jumys­shy­lardyń baıpaqtaryn retke keltirý, jaz, kúz aılarynda etikterge taban japsyryp, jamap, jelimdep jóndeıdi. – Biz áýletimizben etikshilikti kásip etip kelemiz. Meniń osy ká­sipti meńgerýge aǵalarymnyń yqpa­ly zor boldy. Aǵalarym Shym­bolat, Islam etikshilik kási­biniń maıyn iship, jiligin shaqqan óz isiniń sheberleri. Al Shymbolat aǵamnyń etikshilik kásipti dóńgeletip kele jatqanyna 20 jyl bolyp qaldy. Jeke sheberhanasy bar. Solardyń izin jalǵastyryp, bar ómi­rimdi osy kásipke arnap, násibimdi ta­ýyp júrmin. Oǵan esh ókinbeımin. Kerisinshe, ekiniń biriniń qolynan kele bermeıtin tııanaq­tylyqty, sheber­likti, shydam­dylyqty talap etetin osy maman­dyqty ıgergenimdi maqtan tutamyn. Men alǵash ret Shym­bolat aǵamnyń aıaq kıim jóndeý sheber­hanasynda eńbek etip, osy salaǵa mashyqtandym. Qalamyzdaǵy elektrıkter da­ıyndaıtyn kolledjdiń túlegimin. Mamandyǵym elektr monteri bola tursa da etikshilikti tańdadym. 15 jyldyq is-tájirıbemde jón­del­gen aıaq kıimderge syn aıtyp, renish bildirgen tutynýshy bol­ǵan emes. Kerisinshe, alǵys aıtyp ketetinderdiń qatary kóp. Son­dyqtan da eldiń yqylasyna bólený men úshin bir ǵanıbet, – deıdi etikshi qyz Janna. Etikshilerdiń eńbegi shynymen de baǵalaýǵa turarlyq. О́ıtkeni, aıaq kıim jóndeý sheberhanasyna bir kirip shyqqannyń ózinde aıaq kıim­derden shyǵatyn jáne japsyr­manyń jaǵymsyz ıisteri adam­ǵa jaı­syzdyq týǵyzatyny belgili. Osyndaı jaısyzdyqqa qaramas­tan nápaqasyn taýyp, tutyný­shylardyń kóńilinen shyǵyp otyr­ǵan etikshiniń eńbegi shynymen baǵa­laýǵa turarlyq. О́z kásibiniń she­beri árdaıym sheberhanaǵa kelgen zaýyt­tyqtardy jyly shyraımen qarsy alyp, kóńilin tabýǵa tyrysady. Áriptesteri de Jannanyń osy qasıetterine jáne óz kásibin jetik biletinine súısine qaraıdy. «Bizdiń etikshi qyz Janna» dep erkeletip, maqtan tutady. Satybaldy SÁÝIRBAI, «Egemen Qazaqstan». Aqtóbe oblysy.