Qazaqstan Respýblıkasy Úkimetiniń qaýlysy  №158

2016 jylǵy 26 naýryz, Astana, Úkimet Úıi «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryn bekitý jáne «Bolashaq» halyqaralyq stıpendııasyn jumsaý baǵyttaryn aıqyndaý týraly» Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryn bekitý jáne «Bolashaq» halyqaralyq stıpendııasyn jumsaý baǵyttaryn aıqyndaý týraly» Qazaqstan Respýblıkasy Úkimetiniń 2008 jylǵy 11 maýsymdaǵy №573 qaýlysyna (Qazaqstan Respýblıkasynyń PÚAJ-y, 2008 j., № 30, 297-qujat) mynadaı ózgerister engizilsin: kórsetilgen qaýlymen bekitilgen «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalarynda: 2-tarmaqtyń 1) tarmaqshasy mynadaı redaksııada jazylsyn: «1) «Bolashaq» halyqaralyq stıpendııasy – Qazaqstan Respýblıkasy azamattarynyń kúndizgi oqý nysany boıynsha sheteldik jetekshi joǵary oqý oryndarynda oqýy nemese Qazaqstan Respýblıkasynyń zańnamasyna sáıkes aıqyndalatyn qyzmetkerlerdiń sheteldik uıymdarda taǵylymdamadan ótýi úshin Qazaqstan Respýblıkasynyń Prezıdenti taǵaıyndaıtyn stıpendııa;»; 3-tarmaqtyń 2) tarmaqshasy mynadaı redaksııada jazylsyn: «2) Konkýrs jeńimpazdarynyń oqýy, tildik kýrstardan ótýi úshin usynylatyn sheteldik jetekshi joǵary oqý oryndarynyń, sheteldik uıymdardyń tizimine kiretin sheteldik jetekshi joǵary oqý oryndarynyń jáne olardyń janyndaǵy medısınalyq mekemelerdiń bazasynda basym mamandyqtar tizbesine sáıkes sheteldik uıymdarda, sondaı-aq tanymal álemdik, óńirlik ǵylymı-zertteý ortalyqtarynda, kompanııalarda jáne salalyq uıymdarda on eki aıǵa deıingi merzimmen (tildik kýrstardan ótý merzimderin qospaǵanda) Qazaqstan Respýblıkasy azamattarynyń qatarynan Respýblıkalyq komıssııa aıqyndaıtyn qyzmetkerler sanattarynyń taǵylymdamadan ótýi maqsatynda taǵaıyndaıdy.»; 4-tarmaqtyń 5) tarmaqshasy mynadaı redaksııada jazylsyn: «5) konkýrsqa qatysý úshin qujattar tapsyrý kezinde Qazaqstan Respýblıkasy uıymdarynyń Respýblıkalyq komıssııa aıqyndaǵan qyzmetkerler sanatyna jatatyn, keminde 3 (úsh) jyl, onyń ishinde mamandyǵynyń tańdaǵan salasynda sońǵy 12 (on eki) aı jalpy jumys ótili bar taǵylymdamadan ótýge úmitkerlerge (budan ári – taǵylymdamaǵa úmitkerler sanaty);»; 11-tarmaqtyń úshinshi bóligi mynadaı redaksııada jazylsyn: «Qujattar osy Qaǵıdalardyń talaptary men sharttaryna sáıkes kelmegen jáne «elektrondy úkimet» veb-portaly ne «Azamattarǵa arnalǵan úkimet» memlekettik korporasııasy arqyly ótinish berilgen kezde qujattar paketi tolyq usynylmaǵan jaǵdaıda, Ákimshi «elektrondyq úkimet» veb-portaly ne «Azamattarǵa arnalǵan úkimet» memlekettik korporasııasy arqyly ótinish berilgen kúnnen bastap 2 (eki) jumys kúni ishinde qujattardyń talaptarǵa sáıkessizdigin joıý jáne jetispeıtin qujattardy usyný qajettiligi týraly dáleldi jaýap beredi.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.