Bankomatty 3 sekýndta úptegen

ury men onyń áriptesi qolǵa tústi Almatyda bank termınalynyń qabyrǵasyn nebári 3 sekýndta qaqyrata oıyp, bar somany dorbaǵa salyp úlgergen jas jigit qylmys álemindegi rekordtyq kórsetkishke qol jetkizdi... Alaı­da, bul Gınnestiń rekordtar kitabyna kirý úshin bolǵan básekelestik jarys emes edi. Qımylyna kóz ilespes ákki ury sondaılyq tez qımyl tanytqanyna qaramastan, dúkenniń qyraǵy kúzetshileriniń quryǵyna tústi. Polısııa da ýaqytty kóp sozbaı, «rekordshynyń» dúken aldynda tosyp turǵan áriptesiniń qolyna kisen saldy. Endi qylmyskerler temir tor­dyń arjaǵynda 5 jyl jazasyn óteıdi. Qaladaǵy barlyq termı­nal­darǵa ıelik jasaıtyn bank ókil­deri sońǵy eki jylda Almatyda dál osyǵan uqsaǵan 86 tonaýdyń bolǵanyn aıtady. Kúni keshe áleýmettik je­li­lerge salynǵan eki beıne-úzin­dige qatysty Kaspi Bank-tiń bas­pasóz ortalyǵy bankomat­tar arqyly jasalǵan esep aıy­ry­sýdyń klıentterge, sondaı-aq, termınal ıelerine zalaly tımeıtini týraly málimdedi. Málimdemede «sońǵy aptada bol­ǵan qaraqshylyq eki shabýylda 750 myń teńge qoldy boldy. Alaıda, bul arada klıentterdiń esep aıyrysý operasııasy ur­lyqqa deıin jasalǵany qa­perge alynady. Bank múlkiniń qıraýy men bank shyǵyndaryn óteý, ustalǵan urylardy jazalaý Qazaq­stan Respýblıkasynyń Zań­dary aıasynda júrgizildi», – delingen. Sońǵy kezde Almatyda árqıly urlyq jasaý órship tur... Talǵat SÚIINBAI, «Egemen Qazaqstan». ALMATY.