Malaızııanyń «jasyl» tehnologııalary

Jaqynda EKSPO-2017 halyqaralyq ma­man­dandyrylǵan kórmesiniń komıssary Rápil Joshybaevtyń Malaızııaǵa sapary boldy. Sapar barysynda Malaızııa Mınıstrler ka­bı­netiniń bas hat­shysy Alı Ham­samen, Energetıka, jasyl tehno­logııalar jáne sý resýrs­tary mınıstrliginiń bas hatshysy – «EKSPO-2017» Malaızııa bóliginiń komıssary Lý Djımen, jergilikti ǵylymı jáne isker toptardyń ókilderimen kezdesýler uıymdastyryldy. Malaızııa úkimetiniń ǵı­mara­tynda ótken kezdesýde A.Ham­sa men R. Joshybaev eki el­­diń saýda-ınvestısııalyq jáne ǵy­lym salalaryndaǵy ynty­maqtastyǵyna qatysty ózekti máselelerdi, onyń ishinde «jasyl» tehnologııalar men «EKSPO-2017»-ge malaızııalyq týrıs­terdi tartý baǵyty boıynsha máselelerdi, sondaı-aq, halyq­aralyq mamandandyrylǵan kór­mege malaızııalyq kompanııalardy keńinen qatystyrý múmkindikterin talqylady. Bas hatshy Astanada kórmeniń ótýi tehnologııalyq aǵyn men ǵy­lymı bazanyń nyǵaıýyna sep­tigin tıgizip, Qazaqstannyń halyq­aralyq sahnadaǵy bedelin artty­rýǵa oń yqpal etetinin atap ótti. Malaızııanyń Energetıka, «jasyl» tehnologııalar jáne sý resýrs­tary mınıstrligindegi kezdesýde L.Djı Malaızııanyń bıomassadan eko­logııalyq taza otyn óndirý salasyn­daǵy sońǵy tehnologııalyq taldama­lary men kún energetıkasyndaǵy sheshim­derin usynýǵa daıyndyǵyn jáne Qa­zaqstanda kún panelderi men olar­dyń komponentterin birlesip óndirý múmkindigin, sondaı-aq óz eli­niń jańartylmaly energııa kózderi sala­syndaǵy birlesken ǵylymı zertteýler júrgizýge múddeli ekendigin habarlady. Bas hatshynyń aıtýynsha, Malaızııada energotıimdi qurylys pen turmystyq jáne ónerkásiptik qaldyqtardy qaıta óńdeý, «jasyl» kólikterdi, onyń ishinde qoǵamdyq kólikterdi damytý salalarynda jańa tehnologııalar sátti iske asyrylýda. Sapar aıasynda «SEDA» balamaly energetıka kózderin damytý boıynsha agenttigi, «GreenTech» ǵylymı-zertteý ortalyǵy, «Petronas» memlekettik mu­naı-gaz kompanııasy, «MATRADE» Syrt­qy saýdany damytý korporasııa­sy, «MIDA» ınvestısııalardy damytý agenttigi, «MATTA» Ulttyq týrıs­tik qaýymdastyǵy jáne t.b. qury­lym­dar ókilderiniń qatysýymen dóńge­lek ústel ótkizildi. Dóńgelek ústel basyn­daǵy talqylaýlar barysynda EKSPO-2017 kezeńinde isker toptar­dyń óz qyzmetterin tanystyrý rásimin ótkizýge joǵary qyzyǵýshylyǵy bar ekeni atap kórsetilip, malaızııalyq týrıstik operatorlarmen yntymaqtastyqty keńeıtýdiń múmkindikteri qarastyryldy jáne kórmege osy elden týrıster tartý máselesi egjeı-tegjeı sóz boldy. Kezdesý qorytyndysy boıyn­sha, «MATTA» ulttyq týrıstik qaý­ym­­das­tyǵymen jáne «GreenTech» ǵy­lymı-zertteý ortalyǵy men Yn­ty­maq­tastyq týraly memorandýmdarǵa qol qoıyldy. «GreenTech-pen» yntymaqtastyq Astanada BUU-nyń «Jasyl tehnolo­gııalar» men ınvestısııalyq jobalar ortalyǵyn qurý aıasynda erekshe mańyzdy bolyp tabylady. Mem­le­ket-jekemenshik áriptestigi tetigin qol­daný, jobalardyń tıimdiligin baǵa­laý men ony odan ári «jasyl» tehnologııalar salasynda kommersııalandyrý boıynsha Malaızııa tarapynyń úlken tájirıbesi bar ekendigin atap ótken jón. R.Joshybaev Malaızııada oqı­tyn qazaqstandyq stýdenttermen kezdesýinde olardy shetelderde halyq­aralyq kórmeni nasıhattaýǵa bel­sendi túrde atsalysýǵa shaqyrdy. Kezdesýden keıin qazaqstandyq stýdentter halyqaralyq mamandandyrylǵan kórmesin qoldaý flesh-mobyn ótkizdi. Sapar nátıjeleri boıynsha EKSPO-2017 komıssary Ma­laı­zııa­nyń eń iri jáne bedeldi «ASTRO AWANI» te­learnasynyń jańalyqtar baǵ­­dar­la­ma­syna suhbat berdi. «Egemen-aqparat».