Qaýipsizdik pen beıbitshiliktiń kilti

Qazir álemdik arena­­daǵy saıası ahýal ýshy­ǵyp turǵan kez. Osyndaı qyrǵı-qabaq sátte batyl qadam ja­sap, qarýsyzdaný máse­lesin kótergen Elbasy Nursultan Nazarbaev adamzattyń jandy jerin dóp basty deýge bolady. Qazaqstan basshysy AQSh-ta ja­rııa­laǵan manıfesi arqyly búginde qolynda ıadrolyq qarýy bar elderge oılanatyn kez kelgenin aıtty. Mundaı bastama kóterýge biz­diń Prezıdenttiń tolyq quqyǵy bar. Olaı deıtin sebebim, Elbasy – óz pármenimen álemdegi eń úlken synaq alańyn jaýyp, adamzat órkenıetiniń órisin taryltqan qarýdyń joıylýyna alǵyshart jasaǵan tulǵa. Eger sol kezde Semeıdegi ıadrolyq polıgondy jap­­paǵanda, ókpe tusymyzdaǵy Qytaıdyń – Lobnor, anaý AQSh-taǵy – Nevada jáne Fransııa men Ulybrıtanııanyń Tynyq muhıt araldaryndaǵy synaq alańdary da jumysyn toqtatpaǵan bolar edi. Sondyqtan Qazaqstan Prezıdentiniń batyl áreketi álem boıynsha osyndaı ıgi isterge mu­ryndyq boldy deý­ge tolyq negiz bar. Ony búgin­de búkil álem tú­si­nip, moıyndap otyr. Adamzat ıadrolyq qarýdan osy ǵasyrda bas tartpasa, álemniń aldaǵy taǵdyry basqa baǵytta órbýi ábden múm­kin. Tipti, qudaı betin ári qyl­syn, eger dúnıejúzilik soǵys oty tutana qalsa, ol Jer betindegi sońǵysy bolýy da ǵajap emes. Sol sebepti, qazir múmkindik bolyp turǵanda, tıisti sharalardy qolǵa alýymyz kerek. Elbasy barsha álemge osyny aıtyp, áli de bolsa kesh emes ekenin jetkizdi. Ol úshin Prezıdent atqaratyn jumystardy naqty júıelep, terrorızmge qarsy kúreste Jer betindegi mem­leketter birigip, bir-birimen aq­pa­rat almasyp otyratyn jaǵdaı jasaý kerektigine nazar aýdardy. О́ıtkeni, qazir jankeshti sodyrlar kez kelgen qadamǵa barýǵa daıyn. Tipti, olar atom-elektr stansalaryn jaryp jiberýden de taıynbaıdy. Mine, osyndaı qaýip-qaterdiń aldyn alý joldaryn Elbasy óz manıfesinde anyq kórsetip berdi. Búkil álemniń erekshe nazar aýdarýy da sol sebepten dep bile­min. О́ıtkeni, Jer betindegi beıbit­shilikti saqtaýdyń jalǵyz kilti – osy ıadrolyq qarýdan bas tartý. Eger ol álgindeı qanypezerlerdiń qolyna tússe, adamzatqa, búkil ór­ke­nıetke qaýip tónedi. Sondaı-aq, Elbasy atomdy elektr energııasyn óndirýge, medı­sınada, taǵy basqa salalar­da tek beıbit maqsatta ǵana qol­danýdy nasıhattap, qarý retinde joıý kerek­tigin aıryqsha atap ótti. Qa­zaq­­stannyń Tómen baıy­tylǵan atom  bankin qurý máse­le­sinde al­­dyń­ǵy qatardan kórinýi­niń de sebebi sol. Bizdiń bul basta­ma­myz­ǵa MAGATE-niń ózi úlken senim bildirip otyr. Mundaı senim – bizdiń qaýipsizdik pen beı­bit­shilikke qosqan úlesimizge berilgen laıyqty baǵa. Osyny eskergen Elbasy kelesi sammıtti Qazaqstanda ótkizý­di usyndy. Bul da óte oryndy ári qoldaýǵa laıyq bastama. Ádil AHMETOV, L.N.Gýmılev atyndaǵy Eýrazııa ulttyq ýnıversıtetiniń etnostyq jáne dinı toleranttylyq jónindegi IýNESKO kafedrasynyń professory.