Quptaımyn jáne qoldaımyn
Iаdrolyq qarýlaný úderisteri jańadan óristeı túsip otyrǵan jaǵdaıda Qazaqstan Prezıdenti N.Nazarbaevtyń Azııa men Taıaý Shyǵysta ıadrosyz aımaq qurý týraly usynysy úlken mańyzǵa ıe. Qazaqstannyń sońǵy 10 jyl ishindegi antııadrolyq bastamalaryn quptaımyn jáne qoldaımyn. Qazaqstan basshylyǵynyń keıbir elderdiń jappaı qyryp-joıatyn qarýǵa qol jetkizýge umtylyp, halyqaralyq qoǵamdastyqty turaqsyzdyqqa ıtermelep otyrǵan jaǵdaıynda, osy qaýipti úrdistiń keń qanat jaımaýyna asa úlken úles qosyp otyrǵanyn atap kórsetken abzal. Ortalyq Azııadaǵy ıadrosyz aımaq mysalynan biz atalǵan sharttyń óziniń qorǵaý qyzmetin oryndap, Ortalyq Azııadaǵy barlyq eldiń qaýipsizdigin qamtamasyz etip qana qoımaı, olardy jappaı qarýlanýdan bas tartýdan saqtandyryp kele jatqanyn kórip otyrmyz. Qazaqstannyń kúsh-jigeri ıadrolyq derjavalar arasyndaǵy dúrdarazdyq táýekeliniń aıtarlyqtaı tómendeýine de oń yqpal etýde. Astananyń qarýsyzdaný, qarýlanýǵa baqylaý jasaý, ıadrosyz aımaqtar qurý jáne ıadrolyq arsenaldardy qysqartý jónindegi jańa kelisimder jasasý boıynsha belsendiligi basqa elder úshin úzdik úlgi bolyp tabylady. Men Qazaqstan basshylyǵyna atalǵan bastamalardy júzege asyrýda tabystar tileımin. Aksel FIShER, Germanııa Býndestagynyń depýtaty, Eýropalyq keńestegi Eýropa halyq partııasy fraksııasynyń tóraǵasy.
Bas tartý bastamasy basqalarǵa úlgi
Iаdrolyq qaýipsizdik jónindegi sammıt halyqaralyq qoǵamdastyqtyń ıadrosyz álem qurý jónindegi belsendiliginiń mańyzdy temirqazyǵy bolyp tabylady. Qazaqstan Respýblıkasynyń Prezıdenti Nursultan Nazarbaev mýltıpolıarly álemniń táýekelderin, shyn máninde, dóp basty. Osy oraıda aıtqanda, Ortalyq Azııaǵa geografııalyq jaǵynan jaqyn ornalasqan Soltústik Koreıanyń ıadrolyq synaqtar júrgizýi búkil óńir úshin qaýipti syn-qater bolyp qalyp otyr. Sondyqtan Qazaqstan, esh qaýiptenbesten, óziniń ıadrolyq qarýdan bas tartý úlgisin basqalarǵa ashyq jarııalap keledi. Biz tek osyndaı jolmen ǵana uzaq merzimdi jáne ornyqty álemdi qamtamasyz ete alatyn bolamyz. Aleksandr RAR, jýrnalıst, saıasattanýshy, kósemsózshi.
