Qazaqstan Respýblıkasy Energetıka mınıstrliginiń buıryǵy  №118

2015 jylǵy 20 aqpan, Astana qalasy Jańartylatyn energııa kózderin qoldaýǵa arnalǵan tarıfti aıqyndaý qaǵıdalaryn bekitý týraly Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasy Zańynyń 6-babynyń 10-1) tarmaqshasyna sáıkes buıyramyn: 1. Qosa berilip otyrǵan Jańartylatyn energııa kózderin qoldaýǵa arnalǵan tarıfti aıqyndaý qaǵıdalary bekitilsin. 2. Qazaqstan Respýblıkasy Energetıka mınıstrliginiń Jańartylatyn energııa kózderi departamenti Qazaqstan Respýblıkasynyń zańnamasynda belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde osy buıryqty merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldanýyn; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń Energetıka mınıstri V.ShKOLNIK. «KELISILGEN» Qazaqstan Respýblıkasy Ulttyq ekonomıka mınıstri E. Dosaev ______________ 2015 jylǵy 18 aqpan Qazaqstan Respýblıkasy Energetıka mınıstriniń 2015 jylǵy 20 aqpandaǵy №118 buıryǵymen bekitilgen Jańartylatyn energııa kózderin qoldaýǵa arnalǵan tarıfti aıqyndaý qaǵıdalary 1. Jalpy erejeler 1. Osy Jańartylatyn energııa kózderin qoldaýǵa arnalǵan tarıfti aıqyndaý qaǵıdalary (budan ári – Qaǵıdalar) «Jańartylatyn energııa kózderin paıdalanýdy qoldaý týraly» Qazaqstan Respýblıkasynyń 2009 jylǵy 4 shildedegi Zańynyń (budan ári – Zań) 6-babynyń 10-1) tarmaqshasyna sáıkes ázirlendi jáne jańartylatyn energııa kózderin qoldaýǵa arnalǵan tarıfti aıqyndaý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) gaz – shıki, taýarlyq, suıytylǵan munaı jáne suıytylǵan tabıǵı gaz; 2) jańartylatyn energııa kózderinen alynatyn elektr energııasyn shartty tutynýshylar (budan ári – shartty tutynýshylar) – kómirdi, gazdy, munaı ónimderi men ıadrolyq otyndy paıdalanatyn energııa óndirýshi uıymdar; Qazaqstan Respýblıkasynyń sheginen tys jerden elektr energııasyn satyp alatyn elektr energııasy naryǵynyń sýbektileri; jıyntyq qýaty otyz bes megavattan asatyn, bir gıdrotorapta ornalasqan qondyrǵylary bar gıdroelektr stansııalary; 3) jańartylatyn energııa kózderin qoldaý jónindegi esep aıyrysý-qarjy ortalyǵy (budan ári – esep aıyrysý-qarjy ortalyǵy) – júıelik operator quratyn jáne ýákiletti organ aıqyndaıtyn, jańartylatyn energııa kózderin paıdalaný obektileri óndirgen jáne Qazaqstan Respýblıkasynyń birtutas elektr energetıkasy júıesiniń elektr jelilerine berilgen elektr energııasyn Zańda kózdelgen tártippen ortalyqtandyrylǵan satyp alýdy jáne satýdy júzege asyratyn zańdy tulǵa; 4) jańartylatyn energııa kózderin qoldaýǵa arnalǵan tarıf – osy Qaǵıdalarǵa sáıkes esep aıyrysý-qarjy ortalyǵy ózdiginen belgileıtin jańartylatyn energııa kózderin paıdalaný obektileri óndirgen elektr energııasyn esep aıyrysý-qarjy ortalyǵynyń satýyna arnalǵan tarıf; 5) jańartylatyn energııa kózderin paıdalanýdy qoldaýǵa jumsalatyn shyǵyndar – esep aıyrysý-qarjy ortalyǵynyń jańartylatyn energııa kózderin paıdalaný obektileri óndirgen elektr energııasyn satyp alýǵa jumsalatyn shyǵyndary, elektr energııasyn óndirý-tutynýdy teńgerimdeýdi uıymdastyrý boıynsha kórsetiletin qyzmetterge jumsalatyn shyǵyndary jáne Qazaqstan Respýblıkasynyń tabıǵı monopolııalar jáne retteletin naryqtar týraly zańnamasynda belgilengen baǵa belgileý tártibine sáıkes aıqyndalatyn, onyń qyzmetin júzege asyrýǵa baılanysty shyǵyndar; 6) jańartylatyn energııa kózderin paıdalanatyn energııa óndirýshi uıym – jańartylatyn energııa kózderin paıdalana otyryp, elektr jáne (nemese) jylý energııasyn óndirýdi júzege asyratyn zańdy tulǵa; 7) operasııalyq shyǵyndar – esep aıyrysý-qarjy ortalyǵynyń qyzmetin júzege asyrýǵa baılanysty shyǵyndar; 8) tehnıkalyq ekonomıkalyq negizdemedegi tarıf (budan ári – TEN-degi tarıf) – ýákiletti nemese jergilikti atqarýshy organmen kelisilgen jáne bekitilgen jańartylatyn energııa kózderin paıdalaný obekticin salý jobasynyń tehnıkalyq-ekonomıkalyq negizdemesinde belgilengen bosatý baǵasy deńgeıinen aspaıtyn tarıf; 9) tirkelgen tarıf – jańartylatyn energııa kózderin paıdalaný obektileri óndiretin elektr energııasyn Zańda belgilengen tártippen esep aıyrysý-qarjy ortalyǵynyń satyp alýyna arnalǵan tarıf; 10) ýákiletti organ – jańartylatyn energııa kózderin paıdalanýdy qoldaý salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ; 11) elektr energııasyn tutyný aımaǵy – jańartylatyn energııa kózderin paıdalaný obektisi óndirgen elektr energııasyn tutynýǵa kedergi keltiretin tehnıkalyq sıpattaǵy shekteýler joq Qazaqstan Respýblıkasynyń biryńǵaı elektr energetıkasy júıesiniń bir bóligi. 2. Jańartylatyn energııa kózderin qoldaýǵa arnalǵan tarıfti aıqyndaý tártibi 3. Shartty tutynýshylar jyl saıyn jıyrmasynshy jeltoqsanǵa qaraı esep aıyrysý-qarjy ortalyǵyna aldaǵy jylǵa elektr energııasyn shyǵarýdyń, jelilerge jiberýdiń, energııa berýshi uıymdarǵa berýdiń boljamdy kólemderi týraly aqparat joldaıdy. 4. Jańartylatyn energııa kózderin paıdalanatyn energııa óndirýshi uıymdar jyl saıyn jıyrmasynshy jeltoqsanǵa qaraı esep aıyrysý-qarjy ortalyǵyna aılarǵa bóle otyryp, elektr energııasyn shyǵarýdyń, jelilerge jiberýdiń aldaǵy jylǵa arnalǵan boljamdy kólemderi týraly aqparat joldaıdy. 5. Júıelik operator jyl saıyn jıyrmasynshy jeltoqsanǵa qaraı esep aıyrysý-qarjy ortalyǵyna aılarǵa bóle otyryp shartty tuynýshylardyń Qazaqstan Respýblıkasynyń sheginen tys jerlerinen elektr energııasyn satyp alýdyń boljamdyq kólemderi týraly aqparat joldaıdy. 6. Ýákiletti organ jyl saıyn jıyrmasynshy jeltoqsanǵa qaraı esep aıyrysý-qarjy ortalyǵyna jańartylatyn energııa kózderin paıdalanatyn, aldaǵy jyly boljamdyq iske qosý merzimi kórsetilip, paıdalanýǵa berý josparlanyp otyrǵan obektiler men aldaǵy jyly atalǵan obektilerdiń elektr energııasyn óndirýdegi boljamdyq kólemi týraly aqparat joldaıdy. 7. Esep aıyrysý-qarjy ortalyǵy jyl saıyn aǵymdaǵy jyldyń otyzynshy jeltoqsanyna deıin alynǵan boljamdy derekter negizinde: 1) elektr energııasyn tutyný aımaqtary boıynsha jańartylatyn energııa kózderin paıdalanatyn energııa óndirýshi uıymdardyń elektr energııasyn boljamdy jıyntyq óndirýiniń aldaǵy esepti jylǵa arnalǵan esebin; 2) elektr energııasyn tutyný aımaqtary boıynsha jańartylatyn energııa kózderin paıdalanýdy qoldaýǵa jumsalatyn shyǵyndardaǵy árbir shartty tutynýshynyń boljamdy úlesiniń aldaǵy esepti jylǵa arnalǵan esebin; 3) jańartylatyn energııa kózderin paıdalanýdy qoldaýǵa jumsalatyn, aldaǵy jylǵa boljanatyn shyǵyndardy jańartylatyn energııa kózderiniń barlyq túrlerinen óndirilgen jáne Qazaqstan Respýblıkasynyń biryńǵaı elektr energetıkasy júıesine berilgen elektr energııasynyń bir kılovatt-saǵatyna esebin; 4) elektr energııasyn tutyný aımaqtary arasynda esep aıyrysý-qarjy ortalyǵynyń shyǵyndaryn odan ári proporsıonaldy bólý maqsatynda tıisti elektr energııasyn tutyný aımaqtary arasynda aldaǵy jylǵa shartty tutynýshylardyń jelisine bosatýǵa josparlanǵan elektr energııasyn boljamdy kólemderiniń ara qatynasy esebin júzege asyrady. 8. Esep aıyrysý-qarjy ortalyǵy boljamdalǵan jyldyń on besinshi qańtarynan keshiktirmeı esepti jylǵa arnalǵan elektr energııasyn tutyný aımaqtary boıynsha jańartylatyn energııa kózderin qoldaýǵa arnalǵan tarıfti shartty tutynýshylardyń nazaryna óziniń ınternet-resýrsynda jarııalaý jolymen jetkizedi. 9. Tutyný aımaǵyna baılanysty boljamdalǵan jylǵa arnalǵan jańartylatyn energııa kózderin qoldaý tarıfi Qaǵıdalardyń 7-tarmaǵynda kózdelgen esepterge sáıkes mynadaı formýla boıynsha aıqyndalady: TZi= (OZEQO +Zbal+Ztir)/Vsp munda: TZi – Zi tutyný aımaǵy úshin eseptelgen jańartylatyn energııa kózderin qoldaý tarıfi; OZEQO – Zi tutyný aımaǵyna jatatyn, osy Qaǵıdalardyń 15-tarmaǵyna sáıkes eseptelgen esep aıyrysý-qarjy ortalyǵynyń jyldyq operasııalyq shyǵyndarynyń úlesi; Zbal – Zi tutyný aımaǵyna jatatyn, elektr energııasyn óndirý-tutyný teńgerimin uıymdastyrý jónindegi qyzmetterge jumsalatyn shyǵyndar; Zi – tutyný aımaǵy; Ztir – esep aıyrysý-qarjy ortalyǵynyń Zi tutyný aımaǵynda jańartylatyn energııa kózderin paıdalaný obektileri óndiretin elektr energııasyn satyp alýǵa jumsalatyn jyldyq shyǵyndary, ol bylaısha qurylady: ýákiletti nemese jergilikti atqarýshy organmen kelisilgen jańartylatyn energııa kózderin paıdalaný obektisin salý jobasynyń tehnıkalyq-ekonomıkalyq negizdemesinde belgilengen deńgeıden aspaıtyn bekitilgen bosatý tarıfi joq jańadan iske qosylatyn jańartylatyn energııa kózderin paıdalanatyn energııa óndirýshi uıymnyń tirkelgen tarıfi boıynsha nemese (ne); ýákiletti nemese jergilikti atqarýshy organmen kelisilgen jáne bekitilgen jańartylatyn energııa kózderin paıdalaný obektisin salý jobasynyń tehnıkalyq-ekonomıkalyq negizdemesinde belgilengen deńgeıden aspaıtyn bosatý tarıfi bar jańartylatyn energııa kózderin paıdalanatyn energııa óndirýshi uıymnyń TEN-degi tarıfi boıynsha; Ztir = (Ztir.gıdro*Vp+1+…+Ztir.gıdro*Vp+N+Ztir.jel*Vp+1+…+Ztir.jel*Vp+N+ Ztir.kún*Vp+1+…+Ztir.kún*Vp+N+Ztir.bıo*Vp+1+…+Ztir.bıo*Vp+N)+(Z.ten.gıdro1*Vp+1+…+ Z.ten.gıdroN*Vp+N+Zteo.jel1*Vp+1+…+Zten.jelN*Vp+N+Zteo.kún1*Vp+1+…+Zten.kúnN*Vp+N+ Zteo.bıogaz1*Vp+1+…+ Zten.bıogazN*Vp+N), mundaǵy Ztir gıdro – shaǵyn GES úshin tirkelgen tarıf; Ztir.jel – jel elektr stansııalary úshin tirkelgen tarıf; Ztir.kún– kún elektr stansııalary úshin tirkelgen tarıf; Ztir.bıo – bıogazdy elektr stansııalary úshin tirkelgen tarıf; Zten.gıdro1 – 1-shi shaǵyn GES úshin TEN-degi tarıf; Zten.gıdroN – N-shi shaǵyn GES úshin TEN-degi tarıf; Zten.jel1 – 1-shi jel elektr stansııasy úshin TEN-degi tarıf; Zten.jelN – N-shi jel elektr stansııasy úshin TEN-degi tarıf; Zten.kún1 – 1-shi kún elektr stansııasy úshin TEN-degi tarıf; Zten.kúnN – N-shi kún elektr stansııasy úshin TEN-degi tarıf; Zten.bıo1 – 1-shi bıogazdy elektr stansııasy úshin TEN-degi tarıf; Zten.bıoN – N-shi bıogazdy elektr stansııasy úshin TEN-degi tarıf; Vp+1 – jańartylatyn energııa kózderin paıdalanatyn 1-shi obekti óndirgen jáne bosatqan elektr energııasynyń kólemi; Vp+N – jańartylatyn energııa kózderin paıdalanatyn N-shi obekti óndirgen jáne bosatqan elektr energııasynyń kólemi; Vp – jańartylatyn energııa kózderin paıdalanatyn árbir obekti óndirgen jáne bosatqan elektr energııasynyń kólemi; Vsp – Zi tutyný aımaǵyndaǵy shartty tutynýshylarǵa satylatyn jańartylatyn energııa kózderin paıdalaný obektileri óndirgen elektr energııasynyń jyldyq jıyntyq kólemi. 10. Jańartylatyn energııa kózderin qoldaýǵa arnalǵan tarıf esep aıyrysý derekteriniń ózgerýine qaraı aı saıyn túzetilýi tıis. 11. Shartty tutynýshylar aı saıyn esep aıyrysý-qarjy ortalyǵyna elektr energııasy berilgen aıǵa deıin kúntizbelik on kún buryn ony shyǵarýdyń, jelilerge jiberýdiń, energııa berýshi uıymdarǵa berýdiń boljamdy kólemderi nemese Qazaqstan Respýblıkasynyń sheginen tys jerlerden qabyldaý týraly aqparat beredi. 12. Jańartylatyn energııa kózderin paıdalanatyn energııa óndirýshi uıymdar aı saıyn esep aıyrysý-qarjy ortalyǵyna elektr energııasy berilgen aıǵa deıin kúntizbelik on kún buryn ony shyǵarýdyń, jelilerge jiberýdiń boljamdy kólemderi týraly aqparat beredi. 13. Esep aıyrysý-qarjy ortalyǵy alynǵan aqparat negizinde aı saıyn esepti aıdyń onyna deıin aǵymdaǵy kúntizbelik jyldyń sońyna deıingi kezeńde qalǵan jańartylatyn energııa kózderin qoldaýǵa arnalǵan tarıfke túzetý engizedi jáne túzetý engizilgen tarıf bekitilgen sátten bastap bes kúntizbelik kún ishinde túzetý engizilgen tarıfti óziniń ınternet-resýrsynda jarııalaıdy. 14. Jańartylatyn energııa kózderin qoldaýǵa arnalǵan tarıfti qurý kezinde ózindik qunynda mynadaı shyǵyndar esepke alynady: 1) esep aıyrysý-qarjy ortalyǵynyń jańartylatyn energııa kózderin paıdalaný obektileri óndiretin elektr energııasyn satyp alý shyǵyndary; 2) elektr energııasyn óndirý-tutyný teńgerimin uıymdastyrý jónindegi qyzmetterge jumsalǵan shyǵyndar; 3) esep aıyrysý-qarjy ortalyǵynyń operasııalyq shyǵyndary. 15. Esep aıyrysý-qarjy ortalyǵynyń operasııalyq shyǵyndary «Tabıǵı monopolııalar jáne retteletin naryqtar týraly» Qazaqstan Respýblıkasynyń 1998 jylǵy 9 shildedegi № 272 Zańynyń 7-2-babynyń 1-tarmaǵyna sáıkes aıqyndalyp jyl saıyn esepteledi jáne esep aıyrysý-qarjy ortalyǵy aǵymdaǵy jyldyń jıyrmasynshy jeltoqsanyna deıingi merzimde aldaǵy jylǵa bekitedi. 16. Esep aıyrysý-qarjy ortalyǵynyń elektr energııasyn óndirý-tutyný teńgerimdeýin uıymdastyrý jónindegi kórsetiletin qyzmetterge jumsalatyn shyǵyndary esep aıyrysý-qarjy ortalyǵynyń jyl saıynǵy jańartylatyn energııa kózderin paıdalanatyn obektiler óndirgen elektr energııasyn satyp alý jáne ony shartty tutynýshylarǵa satý kólemi negizinde júıelik operatordyń tarıfi boıynsha esepteledi. Buıryq Qazaqstan Respýblıkasynyń Ádilet mınıstrliginde 2015 jylǵy 3 sáýirde Normatıvtik quqyqtyq kesimderdi memlekettik tirkeýdiń tizilimine №10622 bolyp engizildi.