Mansaptyq ósý modeliniń mańyzy zor

Keshe Ortalyq kommýnıkasııalar qyzmetinde «100 naqty qadam» Ult josparynyń 10-qadamy – «Memlekettik qyzmetkerlerdi mansaptyq joǵarylatý úshin konkýrstyq negizge kóshýdi» júzege asyrýǵa baǵyttalǵan is-sharalar jóninde brıfıng ótkizildi. Onda Memlekettik qyzmet isteri mınıstrligi Memlekettik qyzmet departamentiniń dırektory Álı Kómekbaev atalǵan sala boıynsha júrgizilgen jumystar jóninde jáne qolǵa alynǵan tyń bastamalar jaıynda aıtyp berdi. Á.Kómekbaevtyń sózine qara­ǵanda, búginde mınıstrlik memle­kettik qyzmetti jetildirý úshin aý­qymdy jumystar júrgizý­de. Jańadan qabyldanǵan «Qazaq­stan Res­pýblıkasynyń Memle­kettik qyzmeti týraly» Zańnyń nátı­jesinde memlekettik qyzmettiń mansaptyq modelin júzege asyrý bastaý alǵan. «Bul jumystar merıtokratııa qaǵıdaty, ashyqtyq, ádep­tilik, sybaılas jemqorlyqqa múl­dem tózbeýshilik negizinde já­ne kompetensııalyq tásilder ar­qy­ly memlekettik apparatty ká­si­­bılendirýdiń ońtaıly ozyq ól­­shemderine aıtarlyqtaı jaqyn­data tústi», – deıdi departament dırektory. Sonymen qatar, shara barysynda 2016 jyldan bastap memlekettik qyzmetke úmitkerlerdi irikteý úderisine kompetensııalyq tásildi engizý maqsatynda olardyń jeke qasıetterin avtomattandyrylǵan túrde baǵalaý ádisi qolǵa alyn­ǵany bel­gili boldy. Osyǵan qa­tysty Á.Kó­­mekbaev: «Mundaı qadam mem­­­lekettik qyzmettiń negi­z­gi qun­­dy­lyqtaryna degen shy­­naıy­lyq­ty anyqtaıdy. Odan bólek, atal­ǵan baǵdar­lama basta­mashylyq, kommýnı­katıv­tilik, sarapta­malyq, ádeptilik, stra­tegııalyq oılaý syndy qasıet­ter deńgeıin anyq­taýǵa septigin tıgizedi. Al úmit­ker­lerdiń bazalyq deńgeıin baǵalaý úshin úsh satyly irikteý júıesi engizildi», – dedi. Mınıstrlik ókiliniń aıtýy­nsha, memlekettik qyzmetke alǵash kelgender 3 aılyq synaq merziminen ótedi. Qazirgi tańda olar úshin tálim­gerlik ınstıtýtynyń róli kúsheı­tilýde. Bul tásil synaq merzi­miniń sátti ótýine oń áserin tıgiz­­bek. Sondaı-aq, departament bas­­shysy memlekettik qyzmetshi­ler­di yntalandyrý maqsatynda ju­mysynyń nátıjeliligine qaraı ba­ǵalaý men syıaqy berý júıesi zańnamalyq deńgeıde júrgizilip, soǵan saı tólemaqy jasaý sharalary qabyldanyp jatqanyn nazarǵa aldy. Memlekettik qyzmetshilerdiń mansaptyq ósý modeli jó­nin­de Álı Amantaıuly: «Bu­dan ári mem­lekettik qyzmet óz mamandaryn ózderi qalyp­tas­tyrady. Mem­lekettik qyzmetshiniń mansaptyq josparlaýy biliktiligi men jınaǵan tájirıbesine baılanysty bolmaq. Búginde «B» korpýsynyń joǵary laýazymdaryna ornalasý tek tómengi laýa­zymdaǵy memlekettik qyzmetshiler qatarynan konkýrstyq negizde júzege asyrylýda. Osy maqsatta merıtokratııa qaǵıdatyn beki­tý úderisi jalǵasyp jatyr. Man­sap­tyq model boıynsha jalpy kon­kýrs – tómengi laýazymdar, al ishki konkýrs joǵary laýazym­dar arqyly júrgiziledi. Sondyqtan joǵary laýazymdarǵa taǵaıyndalý úshin mindetti túrde tómengi laýazymdarda tájirıbeniń bolýy talap etiledi», – dedi. Budan bólek, brıfıngte man­saptyq model men keń aýqymdy konkýrstyq irikteý nátıjesinde jáne aýysý tártibimen taǵaıyn­dalý ınstıtýtyn joıý arqyly mem­le­kettik qyzmettegi komandalyq aýys-túıis joldaryna barynsha tosqaýyl qoıylǵany aıtyldy. Sondaı-aq, jańa jyldan bastap buryn testileýden ótken qyzmet­shiler ishki laýazymdar úshin uıymdastyrylǵan konkýrstarǵa qatys­sa, qaıtadan atalǵan synaq­ty tapsyrmaıtynyn atap ótken jón. Iаǵnı, testileý synaǵy tek tómengi laýazymdarǵa kelgen jańa memlekettik qyzmetshiler úshin uıymdastyrylady. Elaman QOŃYR, «Egemen Qazaqstan».