Vıse-premer Darıǵa Nursultanqyzy aldymen Aqkól qalasynda bolyp, osynda jańadan salynǵan 250 oryndyq emhananyń ashylý saltanatyna qatysty. Osynda dárigerler ujymymen kezdesip, elimizde medısına salasyn damytý baǵytynda qolǵa alynǵan jumystar týraly aıtyp berdi. Sondaı-aq, №1 Aqkól balalar úıindegi jetim jáne ata-anasynyń qamqorlyǵynsyz qalǵan balalarmen de kezdesti. Mekeme dırektory Raýza Qanatova vıse-premerge memleket tarapynan kórsetilip jatqan qamqorlyǵy úshin alǵysyn bildirip, qazirgi jaǵdaı jaıynda baıandap berdi. Balalar úıi 1969 jyly qurylǵan bolatyn. Munda byltyrǵy jazda kúrdeli jóndeý jumystary bastaldy. Ǵımaratty jańǵyrtýǵa 279 mıllıon teńge qarjy qarastyrylǵan. Osynyń arqasynda mekemede oqý-tárbıe isiniń sapasy anaǵurlym artyp otyr. Kezdesýde tárbıelenýshiler Vıse-premerge ózderiniń shyǵarmashylyq jumystaryn usynyp, ónerlerin kórsetti. Sonymen qatar, Darıǵa Nazarbaeva Eńbekshilder aýdanynyń Qoǵam aýylyndaǵy Shaımerden Qosshyǵulov atyndaǵy orta mekteptiń, Býrabaı aýdanyndaǵy kópsalaly aýdanaralyq aýrýhananyń jáne «Mereı» balabaqshasynyń jumysymen tanysty. Atalǵan balabaqshada mektepke deıingi bilim berý júıesin damytý jóninde dóńgelek ústel ótkizildi. Oblystyń ár óńirinen kelgen pedagogtardyń basyn qosqan jıynda mektepke deıingi bilim berý máseleleri talqylandy. Darıǵa Nazarbaeva bolashaq urpaqty tárbıeleý qoǵamnyń ortaq ári abyroıly boryshy ekendigin atap kórsetti. Bul oraıda, Gaýhar Hamzına jetekshilik etetin jekemenshiktik «Mereı» balalar baqshasy kesheni qyzmet órisin keńitip otyrǵany jaqsy qyrynan atalyp, memleket-jekemenshik áriptestigin qoldaýdyń túpki qaıtarymyna mańyz artyldy. Premer-Mınıstrdiń orynbasary Kókshetaý qalasyndaǵy «Býrabaı» sport saraıynda, jekemenshik «Avısenna» medısına ortalyǵyndaǵy jumystarmen tanysý barysynda áleýmettik saladaǵy básekelestik ortany damytýdyń tıimdiligin atap kórsetti. Darıǵa Nazarbaevanyń aıtýynsha, qazaqstandyqtar Ult Josparyn júzege asyrýdan týyndaıtyn múmkinshilikterdi bilýi jáne ony paıdalana bilýi qajet. Munyń alǵashqy qadamdary jasalyp jatyr. Ult Josparynyń tabysty júzege asyry- lýy Qazaqstanǵa damýdyń jańa deńgeıine kóterilýge, ekonomıkalyq ósim úshin laıyqty jaǵdaı jasaýǵa jáne barsha qazaqstandyqtardyń ómirin jaqsartýǵa múmkindik beredi. Úkimet basshysynyń orynbasary «Dostyq» úıinde etnomádenı ortalyqtar men birlestikter ókilderiniń qatysýymen dóńgelek ústel májilisin ótkizdi. Qazaqstan Prezıdenti N.Nazarbaev saltanatty jaǵdaıda ashqan ǵımarattyń ón-boıy dostyq pen tatýlyq aýanymen terbelip turǵandaı áser qaldyrady. Osydan bolsa kerek, áńgime jelisi de erkin arqaý tartty. Qazaqstan halqy Aqmola Assambleıasy tóraǵasynyń orynbasary, chývash etnomádenı ortalyǵynyń tóraıymy Elena Mashınskaıa, Aqmola oblystyq ardagerler keńesiniń tóraǵasy Ǵosman Tóleǵul, oblystyq polıak qaýymdastyǵynyń tóraǵasy Aleksandr Sýhoveskıı, Shahmet Qusaıynov atyndaǵy qazaq drama teatrynyń akteri Jaras Qaldarov oblys aýmaǵynda turatyn júzden astam ult pen ulys ókiliniń tatý-tátti tirshiliginen taratyp tálimdi áńgime órbitti. Premer-Mınıstrdiń orynbasary D.Nazarbaeva Memleket basshysynyń «Máńgilik El» jalpyulttyq patrıottyq ıdeıasynyń qundylyqtary negizinde qazaqstandyq birtektilik pen birlikti nyǵaıtý jáne damytý tujyrymdamasyn iske asyrýda jetekshi ról Qazaqstan halqy Assambleıasyna beriletindigin atap kórsetti. Osyǵan baılanysty Qazaqstan halqy Assambleıasy birqatar qaǵıdatty mindetterdi sheshýdi júzege asyrýda. Aıqyn maqsaty, jasampaz jarastyǵy bar elimiz bıik belesterden kórine beretini aıqyn. О́ıtkeni, el birligi barlyq izgi nıetterimizdiń tiregi bolyp tabylady. Úkimet basshysynyń orynbasary budan keıin №2 orta mektepte, Maǵjan Jumabaev atyndaǵy oblystyq ámbebap kitaphanada, Shoqan Ýálıhanov atyndaǵy Kókshetaý memlekettik ýnıversıtetinde boldy. Bolashaq – bilimdi urpaqtyń qolynda. Darıǵa Nazarbaevanyń atalǵan ýnıversıtettiń oqytýshy-professorlyq quramy men stýdenttermen kezdesýi osy taqyrypty tereńdetýge arnaldy. Úkimet tarapynan jasalyp jatqan jańa qadamdardyń mazmuny ashyp kórsetildi. Búgingi kúni bilim jáne ǵylym salasynda fýnksııalyq saýattylyq korpýsy qalyptasýda. Ony baıyptylyqpen jetildire túsý qajet. Osy maqsatta 2016-2019 jyldarǵa arnalǵan Qazaqstan Respýblıkasynyń memlekettik bilim jáne ǵylymdy damytý baǵdarlamasy qabyldandy, dedi ol óz sózinde. Vıse-premer Darıǵa Nazarbaevanyń jumys sapary barysynda oblys ákimi Sergeı Kýlagın birge boldy.
Baqbergen AMALBEK,
«Egemen Qazaqstan».
Aqmola oblysy.
