Quqyqtyq aktiler týraly
Osy Zań Qazaqstan Respýblıkasynyń quqyqtyq aktilerin ázirleý, usyný, talqylaý, qabyldaý, tirkeý, qoldanysqa engizý, ózgertý, tolyqtyrý, olardyń qoldanysyn toqtatý, toqtata turý jáne olardy jarııalaý tártibine baılanysty qoǵamdyq qatynastardy retteıdi.
1-BО́LIM. JALPY EREJELER
1-taraý. NEGIZGI EREJELER
1-bap. Osy Zańda paıdalanylatyn negizgi uǵymdar
Osy Zańda mynadaı negizgi uǵymdar paıdalanylady:
1) ázirleýshi organ – Qazaqstan Respýblıkasynyń Konstıtýsııasynda, osy Zańda jáne basqa da normatıvtik quqyqtyq aktilerde belgilengen quzyretine sáıkes normatıvtik quqyqtyq aktilerdi ázirleıtin memlekettik organdar, jergilikti ókildi jáne atqarýshy organdar;
2) ereje – qandaı da bir memlekettik organnyń mártebesi men ókilettikterin aıqyndaıtyn normatıvtik quqyqtyq akt;
3) jeke-dara qoldanylatyn quqyqtyq akt – jeke-dara aıqyndalǵan tulǵalar tobyna (jeke jáne (nemese) zańdy tulǵalarǵa) qoldanylatyn, olardyń Qazaqstan Respýblıkasynyń zańnamasynda belgilengen quqyqtary men mindetterin iske asyratyn jáne quqyq normalaryn qamtymaıtyn, belgilengen nysandaǵy jazbasha resmı qujat;
4) zań – asa mańyzdy qoǵamdyq qatynastardy retteıtin, Qazaqstan Respýblıkasynyń Konstıtýsııasynda kózdelgen negizge alynatyn qaǵıdattar men normalardy belgileıtin normatıvtik quqyqtyq akt;
5) zańǵa táýeldi normatıvtik quqyqtyq aktiler – zańnamalyq jáne satysy boıynsha ózge de joǵary turǵan normatıvtik quqyqtyq aktilerdiń negizinde jáne (nemese) olardy oryndaý úshin jáne (nemese) odan ári iske asyrý úshin shyǵarylatyn, zańnamalyq aktiler bolyp tabylmaıtyn ózge de normatıvtik quqyqtyq aktiler;
6) zań jobasynyń tujyrymdamasy – Qazaqstan Respýblıkasy Úkimetiniń bastamasy boıynsha zań jobasyn ázirleý qajettiginiń negizdemesin, ony qabyldaý maqsattaryn jáne Qazaqstan Respýblıkasynyń Úkimeti aıqyndaıtyn ózge de erejelerdi qamtıtyn qujat;
7) zańnamalyq akt – Qazaqstan Respýblıkasynyń Konstıtýsııasyna ózgerister men tolyqtyrýlar engizetin zań, konstıtýsııalyq zań, Qazaqstan Respýblıkasy Prezıdentiniń konstıtýsııalyq zań kúshi bar jarlyǵy, kodeks, shoǵyrlandyrylǵan zań, zań, Qazaqstan Respýblıkasy Prezıdentiniń zań kúshi bar jarlyǵy, Qazaqstan Respýblıkasy Parlamentiniń qaýlysy, Qazaqstan Respýblıkasy Parlamenti Senatynyń jáne Májilisiniń qaýlylary;
8) zań saraptamasy – normatıvtik quqyqtyq aktiniń jobasyn ne qabyldanǵan normatıvtik quqyqtyq aktini Qazaqstan Respýblıkasynyń Konstıtýsııasyna jáne Qazaqstan Respýblıkasynyń zańnamasyna, onyń ishinde sybaılas jemqorlyqqa qarsy is-qımyl salasyndaǵy zańnamaǵa sáıkestigi turǵysynan tekserý;
9) zań tehnıkasy – quqyqtyq aktilerdi resimdeý tásilderiniń, talaptary men qaǵıdalarynyń jıyntyǵy;
10) zań uqsastyǵy – uqsas qoǵamdyq qatynastardy retteıtin zańdardyń normalaryn rettelmegen qoǵamdyq qatynastarǵa qoldaný;
11) kodeks – osy Zańnyń 8-babynda kózdelgen birtektes asa mańyzdy qoǵamdyq qatynastardy retteıtin quqyq normalary biriktirilgen jáne júıege keltirilgen zań;
12) konstıtýsııalyq zań – Qazaqstan Respýblıkasy Konstıtýsııasy 62-babynyń 4-tarmaǵynda belgilengen tártippen, Qazaqstan Respýblıkasynyń Konstıtýsııasynda kózdelgen máseleler boıynsha qabyldanatyn zań;
13) qaǵıdalar – qandaı da bir qyzmet túrin uıymdastyrý jáne júzege asyrý tártibin aıqyndaıtyn normatıvtik quqyqtyq akt;
14) Qazaqstan Respýblıkasy normatıvtik quqyqtyq aktileriniń memlekettik tizilimi – normatıvtik quqyqtyq aktilerdiń derektemelerin jáne osy aktiler týraly aqparattyq-anyqtamalyq sıpattaǵy basqa da málimetterdi qamtıtyn Qazaqstan Respýblıkasynyń normatıvtik quqyqtyq aktilerin memlekettik esepke alýdyń biryńǵaı júıesi;
15) Qazaqstan Respýblıkasy normatıvtik quqyqtyq aktileriniń etalondyq baqylaý banki – Qazaqstan Respýblıkasy normatıvtik quqyqtyq aktileriniń memlekettik tizilimine olar týraly málimetter engizilgen, qaǵaz jetkizgishtegi normatıvtik quqyqtyq aktiler jıyntyǵy jáne elektrondyq qujat nysanyndaǵy normatıvtik quqyqtyq aktilerdiń elektrondyq júıesi;
16) Qazaqstan Respýblıkasynyń zańnamasy – belgilengen tártippen qabyldanǵan normatıvtik quqyqtyq aktiler jıyntyǵy;
17) Qazaqstan Respýblıkasynyń Konstıtýsııasyna ózgerister men tolyqtyrýlar engizetin zań – Qazaqstan Respýblıkasy Konstıtýsııasy 62-babynyń 3-tarmaǵynda jáne 91-babynyń 1-tarmaǵynda bel gilengen tártippen qabyldanatyn zań;
18) quqyq normasy – retteletin qoǵamdyq qatynastar sheńberinde kóp márte qoldanýǵa arnalǵan, jeke-dara aıqyndalmaǵan tulǵalar tobyna qoldanylatyn, turaqty nemese ýaqytsha sıpattaǵy jalpyǵa mindetti minez-qulyq qaǵıdasy;
19) quqyqtyq akt – respýblıkalyq referendýmda qabyldanǵan ne ýákiletti organdar qabyldaǵan, quqyq normalaryn nemese jeke-dara bılik etetin quqyqtyq nusqamalardy qamtıtyn, belgilengen nysandaǵy jazbasha resmı qujat;
20) quqyqtyq monıtorıng – osy Zańnyń 50 jáne 51-baptaryna sáıkes júzege asyrylatyn, Qazaqstan Respýblıkasy zańnamasynyń jaı-kúıi jáne ony qoldaný praktıkasy týraly aqparatty únemi baqylaý, jınaý, taldaý júıesi;
21) quqyq uqsastyǵy – zańnamanyń mánin, quqyqtyń jalpy qaǵıdattaryn jáne quqyqtyń naqty salalarynyń qaǵıdattaryn rettelmegen qoǵamdyq qatynastarǵa qoldaný;
22) memlekettik kórsetiletin qyzmet reglamenti – memlekettik kórsetiletin qyzmet standartyn saqtaý jónindegi talapty belgileıtin jáne kórsetiletin qyzmetti berýshilerdiń qyzmet etý tártibin, onyń ishinde ózge de kórsetiletin qyzmetterdi berýshilermen, halyqqa qyzmet kórsetý ortalyqtarymen ózara is-qımyl jasaý tártibin, sondaı-aq memlekettik qyzmetterdi kórsetý prosesinde aqparattyq júıelerdi paıdalaný tártibin aıqyndaıtyn normatıvtik quqyqtyq akt;
23) memlekettik kórsetiletin qyzmet standarty – memlekettik qyzmet kórsetýge qoıylatyn talaptardy belgileıtin, sondaı-aq memlekettik qyzmet kórsetý prosesiniń sıpattamalaryn, nysanyn, mazmuny men nátıjesin qamtıtyn normatıvtik quqyqtyq akt;
24) normatıvtik emes quqyqtyq akt – quqyq normalaryn qamtymaıtyn, ýákiletti organ óz quzyreti sheginde shyǵarǵan (qabyldaǵan), jeke-dara aıqyndalǵan tulǵalardyń zańnamada belgilengen quqyqtary men mindetterin iske asyratyn ne normatıvtik quqyqtyq aktide qamtylǵan normalarǵa túsindirme beretin jazbasha resmı qujat, sondaı-aq memlekettik josparlaý júıesi salasyndaǵy quqyqtyq aktiler;
25) normatıvtik quqyqtyq akt – respýblıkalyq referendýmda qabyldanǵan ne ýákiletti organ qabyldaǵan, quqyq normalaryn belgileıtin, ózgertetin, tolyqtyratyn, olardyń qoldanysyn toqtatatyn nemese toqtata turatyn, belgilengen nysandaǵy, qaǵaz jetkizgishtegi jazbasha resmı qujat jáne sonymen birdeı elektrondyq qujat;
26) normatıvtik quqyqtyq aktilerdi keıinnen resmı jarııalaý – Qazaqstan Respýblıkasy normatıvtik quqyqtyq aktileriniń etalondyq baqylaý bankine sáıkestigi turǵysynan saraptamadan ótken normatıvtik quqyqtyq aktilerdi baspa basylymynda jarııalaý;
27) Normatıvtik quqyqtyq aktilerdi memlekettik tirkeý tizilimi – osy Zańnyń 7-baby 2-tarmaǵynyń 6), 7), 8) jáne 9) tarmaqshalarynda kórsetilgen, Qazaqstan Respýblıkasynyń ádilet organdarynda memlekettik tirkeýden ótken normatıvtik quqyqtyq aktilerdiń memlekettik tirkeý nómiri men derektemeleri qamtylǵan jazbasha tizbe;
28) normatıvtik quqyqtyq aktiniń deńgeıi – normatıvtik quqyqtyq aktiniń normatıvtik quqyqtyq aktiler satysynda óziniń zańdyq kúshine qaraı alatyn orny;
29) normatıvtik quqyqtyq aktiniń zańdyq kúshi – normatıvtik quqyqtyq aktiniń tıisti qoǵamdyq qatynastarǵa qoldanylý mindettiligin, sondaı-aq ózge de normatıvtik quqyqtyq aktilerge qatysty basymdyǵyn nemese qosa baǵynystylyǵyn aıqyndaıtyn sıpattamasy;
30) normatıvtik quqyqtyq aktini resmı jarııalaý – osy Zańda kózdelgen jaǵdaılarda, normatıvtik quqyqtyq aktiniń tolyq mátinin jalpyǵa birdeı málimet úshin elektrondyq túrde Qazaqstan Respýblıkasy normatıvtik quqyqtyq aktileriniń etalondyq baqylaý bankinde, resmı baspasóz basylymdarynda, sondaı-aq merzimdi baspasóz basylymdarynda qazaq jáne orys tilderinde jarııalaý;
31) normatıvtik quqyqtyq aktige resmı túsindirme berý aktisi – osy Zańnyń 13-taraýynda kórsetilgen talaptar men sharttarǵa saı keletin, normatıvtik quqyqtyq aktide qamtylǵan normalarǵa túsindirme beretin belgilengen nysandaǵy jazbasha resmı qujat;
32) nusqaýlyq – qoǵamdyq qatynastardyń qandaı da bir salasynda zańnamanyń qoldanylýyn tııanaqtaıtyn normatıvtik quqyqtyq akt;
33) tehnıkalyq reglament – Qazaqstan Respýblıkasynyń tehnıkalyq retteý týraly zańnamasyna sáıkes ázirlenetin jáne qoldanylatyn, ónimge jáne (nemese) olardyń ómirlik sıkli prosesterine qoıylatyn mindetti talaptar belgilenetin normatıvtik quqyqtyq akt;
34) ýákiletti organ – Qazaqstan Respýblıkasynyń Konstıtýsııasynda, osy Zańda, sondaı-aq osy memlekettik organdar men laýazymdy adamdardyń quqyqtyq mártebesin aıqyndaıtyn Qazaqstan Respýblıkasynyń zańnamasynda belgilengen ózderiniń quzyretine sáıkes quqyqtyq aktilerdi qabyldaýǵa quqyly Qazaqstan Respýblıkasynyń memlekettik organdary men laýazymdy adamdary (Qazaqstan Respýblıkasynyń Prezıdenti, Qazaqstan Respýblıkasynyń Parlamenti, Parlament Palatalary, Qazaqstan Respýblıkasynyń Úkimeti, Qazaqstan Respýblıkasynyń Konstıtýsııalyq Keńesi, Qazaqstan Respýblıkasynyń Joǵarǵy Soty, Qazaqstan Respýblıkasynyń Ortalyq saılaý komıssııasy, Qazaqstan Respýblıkasynyń Respýblıkalyq bıýdjettiń atqarylýyn baqylaý jónindegi esep komıteti, Qazaqstan Respýblıkasynyń Ulttyq Banki, ortalyq atqarýshy organdar, jergilikti ókildi jáne atqarýshy organdar, ákimder, ózge de memlekettik organdar men laýazymdy adamdar);
35) ýákiletti uıym – ázirleýshi organ ázirlegen jáne Qazaqstan Respýblıkasynyń Parlamentine engizýge jatatyn zańnamalyq aktilerdiń jobalary boıynsha qazaq jáne orys tilderindegi mátinderdiń teńtúpnusqalylyǵy bóliginde ǵylymı lıngvıstıkalyq saraptamany júzege asyrý jónindegi Qazaqstan Respýblıkasynyń Úkimeti aıqyndaıtyn uıym;
36) shoǵyrlandyrylǵan zań – osy Zańnyń 9-babynda kózdelgen salalardaǵy (aıadaǵy) sıpaty jaǵynan keshendi qoǵamdyq qatynastardy retteıtin zań.
2-bap. Osy Zańnyń qoldanylý aıasy
1. Osy Zań Qazaqstan Respýblıkasynyń quqyqtyq aktileri júıesin aıqyndaıdy, normatıvtik quqyqtyq aktilerdiń jáne normatıvtik emes quqyqtyq aktilerdiń quqyqtyq mártebesiniń arajigin ajyratady.
2. Osy Zań:
1) Qazaqstan Respýblıkasynyń Konstıtýsııasyn qabyldaý, ózgertý, tolyqtyrý jáne onyń qoldanylýyn toqtatý tártibin;
2) Qazaqstan Respýblıkasy Konstıtýsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik qaýlylaryn qabyldaý, ózgertý, tolyqtyrý jáne olardyń qoldanylýyn toqtatý tártibin;
3) Qazaqstan Respýblıkasynyń halyqaralyq sharttaryn jasasý, oryndaý, ózgertý, tolyqtyrý jáne toqtatý tártibin;
4) Qazaqstan Respýblıkasynyń ákimshilik quqyq buzýshylyq týraly zańnamasynda, Qazaqstan Respýblıkasynyń qylmystyq-prosestik jáne azamattyq prosestik zańnamasynda belgilengen jeke-dara qoldanylatyn quqyqtyq aktilerdi qabyldaý, ózgertý, tolyqtyrý jáne olardyń qoldanylýyn toqtatý tártibin rettemeıdi.
3-bap. Quqyqtyq aktilerge qoıylatyn jalpy talaptar. Quqyqtyq aktilerdiń túrleri
1. Quqyqtyq aktiler mynadaı jalpy talaptarǵa saı kelýge:
1) normatıvtik nemese jeke-dara bılik etetin quqyqtyq nusqamalardy qamtýǵa;
2) respýblıkalyq referendýmda ne osy Zańda jáne ózge de zańnamalyq aktilerde belgilengen tártippen qabyldanýǵa;
3) aıqyndalmaǵan tulǵalar tobyna nemese jeke-dara aıqyndalǵan tulǵalarǵa arnalýǵa;
4) qoǵamdyq qatynastardy retteýge baǵyttalýǵa;
5) jeke jáne (nemese) zańdy tulǵalardyń quqyqtary men mindetteriniń týyndaýyna, olardy ózgertýge, tolyqtyrýǵa nemese toqtatýǵa baǵyttalýǵa tıis.
2. Quqyqtyq aktiler mynadaı túrlerge:
1) normatıvtik quqyqtyq aktilerge;
2) normatıvtik emes quqyqtyq aktilerge bólinedi.
2-taraý. QAZAQSTAN RESPÝBLIKASYNYŃ ZAŃNAMASY
4-bap. Qazaqstan Respýblıkasy zańnamasynyń júıesi, onyń tutastyǵyn qamtamasyz etý
1. Qazaqstan Respýblıkasy zańnamasynyń júıesin Qazaqstan Respýblıkasynyń Konstıtýsııasy, oǵan sáıkes keletin zańnamalyq aktiler, ózge de normatıvtik quqyqtyq aktiler, onyń ishinde Qazaqstan Respýblıkasy Konstıtýsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik qaýlylary quraıdy.
2. Qazaqstan Respýblıkasy zańnamasy júıesiniń tutastyǵy:
1) normatıvtik quqyqtyq aktilerdi qabyldaý, olarǵa Qazaqstan Respýblıkasynyń Konstıtýsııasynda, zańnamalyq jáne ózge de normatıvtik quqyqtyq aktilerde belgilengen ózgerister men tolyqtyrýlar engizý tártibin saqtaý;
2) Qazaqstan Respýblıkasynyń Konstıtýsııasynda jáne osy Zańda bekitilgen normatıvtik quqyqtyq aktiler satysyn saqtaý;
3) azamattardyń quqyqtaryna, bostandyqtary men mindetterine qatysty normatıvtik quqyqtyq aktilerdi resmı jarııalaý arqyly qamtamasyz etiledi.
5-bap. Qazaqstan Respýblıkasy Konstıtýsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik qaýlylary
1. Qazaqstan Respýblıkasy Konstıtýsııalyq Keńesiniń normatıvtik qaýlylary Qazaqstan Respýblıkasynyń Konstıtýsııasyna ǵana negizdeledi jáne barlyq ózge de normatıvtik quqyqtyq aktiler olarǵa qaıshy kele almaıdy.
2. Qazaqstan Respýblıkasy Konstıtýsııalyq Keńesiniń normatıvtik qaýlylary olardy qabyldaýǵa negiz bolǵan Qazaqstan Respýblıkasy Konstıtýsııasy normalarynyń zańdyq kúshine ıe bolady.
3. Qazaqstan Respýblıkasy Joǵarǵy Sotynyń normatıvtik qaýlysynda sot praktıkasy máseleleri boıynsha túsindirmeler qamtylady.
6-bap. Qazaqstan Respýblıkasynyń halyqaralyq sharttary
1. Qazaqstan Respýblıkasynyń halyqaralyq sharttaryn jasasý, oryndaý, ózgertý, tolyqtyrý jáne toqtatý tártibi arnaıy zańmen aıqyndalady.
2. Qazaqstan Respýblıkasy ratıfıkasııalaǵan halyqaralyq sharttar onyń zańdary aldynda basym bolady jáne halyqaralyq shartta ony qoldaný úshin zań shyǵarý talap etiletin jaǵdaıdan basqa retterde tikeleı qoldanylady.
2-BО́LIM. NORMATIVTIK QUQYQTYQ AKTILER
3-taraý. NORMATIVTIK QUQYQTYQ AKTILER TÝRALY JALPY EREJELER
7-bap. Normatıvtik quqyqtyq aktilerdiń negizgi jáne týyndy túrleri
1. Normatıvtik quqyqtyq aktiler negizgi jáne týyndy bolyp bólinedi.
2. Normatıvtik quqyqtyq aktilerdiń negizgi túrlerine mynalar jatady:
1) Qazaqstan Respýblıkasynyń Konstıtýsııasy, Qazaqstan Respýblıkasynyń konstıtýsııalyq zańdary, Qazaqstan Respýblıkasynyń kodeksteri, Qazaqstan Respýblıkasynyń shoǵyrlandyrylǵan zańdary, Qazaqstan Respýblıkasynyń zańdary;
2) Qazaqstan Respýblıkasy Prezıdentiniń konstıtýsııalyq zań kúshi bar jarlyqtary; Qazaqstan Respýblıkasy Prezıdentiniń zań kúshi bar jarlyqtary; Qazaqstan Respýblıkasy Prezıdentiniń ózge de normatıvtik quqyqtyq jarlyqtary;
3) Qazaqstan Respýblıkasy Parlamentiniń jáne onyń Palatalarynyń normatıvtik quqyqtyq qaýlylary;
4) Qazaqstan Respýblıkasy Úkimetiniń normatıvtik quqyqtyq qaýlylary;
5) Qazaqstan Respýblıkasy Konstıtýsııalyq Keńesiniń, Qazaqstan Respýblıkasy Joǵarǵy Sotynyń normatıvtik qaýlylary;
6) Qazaqstan Respýblıkasy Ortalyq saılaý komıssııasynyń, Qazaqstan Respýblıkasynyń Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdarynyń normatıvtik quqyqtyq qaýlylary;
7) Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń normatıvtik quqyqtyq buıryqtary;
8) ortalyq memlekettik organdardyń vedomstvolary basshylarynyń normatıvtik quqyqtyq buıryqtary;
9) máslıhattardyń normatıvtik quqyqtyq sheshimderi, ákimdikterdiń normatıvtik quqyqtyq qaýlylary, ákimderdiń normatıvtik quqyqtyq sheshimderi jáne tekserý komıssııalarynyń normatıvtik quqyqtyq qaýlylary.
3. Normatıvtik quqyqtyq aktilerdiń týyndy túrlerine mynalar jatady:
1) ereje;
2) tehnıkalyq reglament;
3) memlekettik kórsetiletin qyzmet standarty;
4) memlekettik kórsetiletin qyzmet reglamenti;
5) qaǵıdalar;
6) nusqaýlyq.
Qazaqstan Respýblıkasynyń zańnamalyq aktilerinde týyndy túrdegi normatıvtik quqyqtyq aktilerdiń ózge de nysandary kózdelýi múmkin.
4. Týyndy túrdegi normatıvtik quqyqtyq aktiler negizgi túrdegi normatıvtik quqyqtyq aktiler arqyly qabyldanady nemese bekitiledi jáne olarmen birtutastyqty quraıdy.
5. Ýákiletti organdardyń aýmaqtyq bólimsheleri, sondaı-aq jergilikti bıýdjetterden qarjylandyrylatyn, ákim ýákilettik bergen jergilikti atqarýshy organdar normatıvtik quqyqtyq aktiler shyǵarýǵa quqyly emes.
6. Ortalyq memlekettik organdar vedomstvolarynyń basshylary qurylymyna osy vedomstvo kiretin memlekettik organnyń normatıvtik quqyqtyq aktilerinde normatıvtik quqyqtyq buıryqtardy bekitý jóninde tikeleı quzyret bolǵan kezde normatıvtik quqyqtyq buıryqtardy qabyldaıdy jáne olar adam men azamattyń quqyqtaryn jáne bostandyqtaryn qozǵaı almaıdy.
8-bap. Qazaqstan Respýblıkasynyń kodeksterimen retteletin qoǵamdyq qatynastar
Qazaqstan Respýblıkasynyń kodeksteri mynadaı:
1) bıýdjettik;
2) azamattyq;
3) azamattyq prosestik;
4) neke-otbasy;
5) ekologııalyq;
6) sý;
7) jer;
8) orman;
9) salyq;
10) keden;
11) eńbek;
12) qylmystyq jazalardy oryndaýǵa baılanysty;
13) ákimshilik jaýaptylyqqa tartýǵa baılanysty;
14) qylmystyq jaýaptylyqqa tartýǵa baılanysty;
15) qylmystyq-prosestik;
16) densaýlyq saqtaý salasyndaǵy;
17) kásipkerlik salasyndaǵy;
18) jer qoınaýy jáne jer qoınaýyn paıdalaný salasyndaǵy birtektes asa mańyzdy qoǵamdyq qatynastardy retteý maqsatynda qabyldanady.
9-bap. Shoǵyrlandyrylǵan zańdarmen retteletin qatynastar
Qazaqstan Respýblıkasynyń shoǵyrlandyrylǵan zańdary zańnamanyń qurylymyn jetildirý maqsatynda qabyldanady jáne:
1) memlekettik múlik;
2) jergilikti memlekettik basqarý jáne ózin-ózi basqarý;
3) bilim jáne ǵylym;
4) azamattyq qorǵaý;
5) turǵyn úı qatynastary;
6) qarjy naryǵy men qarjylyq uıymdardy retteý, baqylaý jáne qadaǵalaý;
7) kólik;
8) ruqsattar jáne habarlamalar;
9) ońaltý jáne bankrottyq;
10) sáýlet, qala qurylysy jáne qurylys salasyndaǵy (aıasyndaǵy) óziniń sıpaty jaǵynan keshendi qoǵamdyq qatynastardy retteıtin zańdardy biriktiredi.
10-bap. Normatıvtik quqyqtyq aktiler satysy
1. Qazaqstan Respýblıkasy Konstıtýsııasynyń joǵary zańdyq kúshi bar.
2. Qazaqstan Respýblıkasynyń Konstıtýsııasyn qospaǵanda, ózge normatıvtik quqyqtyq aktilerdiń zańdyq kúshiniń araqatynasy mynadaı tómendeı beretin deńgeılerge sáıkes bolady:
1) Konstıtýsııaǵa ózgerister men tolyqtyrýlar engizetin zańdar;
2) Qazaqstan Respýblıkasynyń konstıtýsııalyq zańdary jáne Qazaqstan Respýblıkasy Prezıdentiniń konstıtýsııalyq zań kúshi bar jarlyqtary;
3) Qazaqstan Respýblıkasynyń kodeksteri;
4) Qazaqstan Respýblıkasynyń shoǵyrlandyrylǵan zańdary, zańdary, sondaı-aq Qazaqstan Respýblıkasy Prezıdentiniń zań kúshi bar jarlyqtary;
5) Qazaqstan Respýblıkasy Parlamentiniń jáne onyń Palatalarynyń normatıvtik qaýlylary;
6) Qazaqstan Respýblıkasy Prezıdentiniń normatıvtik quqyqtyq jarlyqtary;
7) Qazaqstan Respýblıkasy Úkimetiniń normatıvtik quqyqtyq qaýlylary;
8) Qazaqstan Respýblıkasy mınıstrleriniń jáne ortalyq memlekettik organdardyń ózge de basshylarynyń normatıvtik quqyqtyq buıryqtary, Qazaqstan Respýblıkasy Ortalyq saılaý komıssııasynyń, Qazaqstan Respýblıkasy Respýblıkalyq bıýdjettiń atqarylýyn baqylaý jónindegi esep komıtetiniń, Qazaqstan Respýblıkasy Ulttyq Bankiniń jáne ózge de ortalyq memlekettik organdardyń normatıvtik quqyqtyq qaýlylary;
9) ortalyq memlekettik organdardyń vedomstvolary basshylarynyń normatıvtik quqyqtyq buıryqtary;
10) máslıhattardyń normatıvtik quqyqtyq sheshimderi, ákimdikterdiń normatıvtik quqyqtyq qaýlylary, ákimderdiń normatıvtik quqyqtyq sheshimderi jáne tekserý komıssııalarynyń normatıvtik quqyqtyq qaýlylary.
3. Tómen turǵan deńgeıdegi normatıvtik quqyqtyq aktilerdiń árqaısysy joǵary turǵan deńgeılerdegi normatıvtik quqyqtyq aktilerge qaıshy kelmeýge tıis.
4. Týyndy túrdegi normatıvtik quqyqtyq aktiniń normatıvtik quqyqtyq aktiler satysyndaǵy orny negizgi túrdegi aktiniń deńgeıimen aıqyndalady.
5. Qazaqstan Respýblıkasy Konstıtýsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik qaýlylary osy bapta belgilengen normatıvtik quqyqtyq aktiler satysynan tys turady.
11-bap. Normatıvtik quqyqtyq aktilerdiń tikeleı qoldanylýy
1. Eger normatıvtik quqyqtyq aktilerdiń ózderinde nemese olardy qoldanysqa engizý týraly aktilerde ózgeshe eskertilmese, barlyq normatıvtik quqyqtyq aktiler tikeleı qoldanylady.
2. Qoldanysqa engizilgen normatıvtik quqyqtyq aktilerdi qoldaný úshin qandaı da bolsyn qosymsha nusqaýlar talap etilmeıdi.
3. Eger normatıvtik quqyqtyq aktiniń ózinde onyń qandaı da bir quqyq normasy qosymsha normatıvtik quqyqtyq akt negizinde qoldanylatyndyǵy kórsetilse, onda bul norma negizgi jáne qosymsha normatıvtik quqyqtyq aktige sáıkes qoldanylady.
Qosymsha normatıvtik quqyqtyq akt qabyldanǵanǵa deıin tıisti qatynastardy retteıtin normatıvtik quqyqtyq aktiler qoldanylady.
12-bap. Ártúrli normatıvtik quqyqtyq aktilerdiń quqyq normalarynyń qaıshylyqtary
1. Ártúrli deńgeıdegi normatıvtik quqyqtyq aktilerdiń normalarynda qaıshylyqtar bolǵan kezde neǵurlym joǵary deńgeıdegi aktiniń normalary qoldanylady.
2. Zańdar normalarynyń Qazaqstan Respýblıkasy kodeksteriniń normalarymen alshaqtyǵy bolǵan jaǵdaılarda, olar kodeksterge tıisti ózgerister jáne (nemese) tolyqtyrýlar engizilgennen keıin ǵana qoldanylýy múmkin.
3. Bir deńgeıdegi normatıvtik quqyqtyq aktilerdiń normalarynda qaıshylyqtar bolǵan kezde qoldanysqa keshirek engizilgen akt normalary qoldanylady.
13-bap. Zań uqsastyǵy men quqyq uqsastyǵyn paıdalaný tártibi
1. Naqty qoǵamdyq qatynastardy retteıtin quqyq normalary bolmaǵan kezde zań uqsastyǵy nemese quqyq uqsastyǵy qoldanylýy múmkin.
2. Naqty qoǵamdyq qatynastardy retteıtin quqyq normalary bolmaǵan jaǵdaıda, zań uqsastyǵy qoldanylady.
3. Osy baptyń 2-tarmaǵynda kózdelgen jaǵdaılarda zań uqsastyǵyn paıdalaný múmkin bolmaǵan kezde quqyq uqsastyǵy paıdalanylady.
4. Zań uqsastyǵy men quqyq uqsastyǵyn qoldaný prosesinde jeke nemese zańdy tulǵalardyń jańa mindetterin belgileýge nemese quqyqtaryn shekteýge jol berilmeıdi.
Zańnamanyń naqty salalarymen retteletin qatynastarda zań uqsastyǵy men quqyq uqsastyǵyn qoldaný múmkindigi tıisti zańnamalyq aktilermen aıqyndalady.
14-bap. Merzimderdi esepteý
1. Zańnamada belgilengen merzim kúntizbelik kúnmen nemese bastalýy sózsiz bolatyn oqıǵa kórsetile otyryp aıqyndalady. Merzim jyldarmen, toqsandarmen, aılarmen, aptalarmen, kúndermen (táýliktermen) nemese saǵattarmen esepteletin ýaqyt kezeńi retinde de belgilenýi múmkin.
2. Jyldarmen esepteletin merzim onyń bastalýy aıqyndalǵan kúntizbelik kúnnen nemese oqıǵa bastalǵan kúnnen (táýlikten) bastalady jáne merzimniń sońǵy jylynyń tıisti aıy men kúninde aıaqtalady. Eger merzimniń aıaqtalýy tıisti kún sany joq aıǵa týra kelse, onda merzim osy aıdyń sońǵy kúninde (sońǵy táýliginde) aıaqtalady.
Aılarmen esepteletin merzim onyń bastalýy aıqyndalǵan kúntizbelik kúnnen nemese oqıǵa bastalǵan kúnnen (táýlikten) bastalady jáne merzimniń sońǵy aıynyń tıisti kúninde (kúni) aıaqtalady. Eger merzimniń aıaqtalýy tıisti kún sany joq aıǵa týra kelse, onda merzim osy aıdyń sońǵy kúninde (sońǵy táýliginde) aıaqtalady.
Aptalarmen esepteletin merzim onyń bastalýy aıqyndalǵan kúntizbelik kúnnen nemese oqıǵa bastalǵan kúnnen (táýlikten) bastalady jáne merzimniń sońǵy aptasynyń tıisti kúninde (tıisti táýliginde) aıaqtalady.
Kúndermen (táýliktermen) esepteletin merzim Qazaqstan Respýblıkasynyń Konstıtýsııasynda kórsetilgen oqıǵa bastalǵan kúnnen bastalatyn konstıtýsııalyq merzimderdi qospaǵanda, onyń bastalýy aıqyndalǵan kúntizbelik kúnnen nemese oqıǵa bastalǵan kúnnen (táýlikten) bastalady jáne belgilengen kezeńniń sońǵy kúninde (táýliginde) aıaqtalady.
Saǵattarmen esepteletin merzim onyń bastalýy aıqyndalǵan oqıǵa bastalǵan mınýttan bastalady jáne belgilengen kezeńniń sońǵy mınýtynda aıaqtalady.
3. Ýaqyt kezeńimen aıqyndalatyn merzimniń ótýi Qazaqstan Respýblıkasynyń Konstıtýsııasynda kórsetilgen oqıǵa bastalǵan kúnnen bastalatyn konstıtýsııalyq merzimderdi qospaǵanda, onyń bastalýy aıqyndalǵan kúntizbelik kúnnen nemese oqıǵa bastalǵannan keıingi kelesi kúni bastalady.
Eger merzimniń sońǵy kúni jumys kúni bolmasa, merzimniń aıaqtalý kúni sol kúnnen keıingi taıaýdaǵy kelesi jumys kúni bolyp esepteledi.
4-taraý. NORMATIVTIK QUQYQTYQ AKTILERDIŃ JOBALARYN DAIYNDAÝDY JOSPARLAÝ
15-bap. Normatıvtik quqyqtyq aktilerdiń jobalaryn daıyndaý josparlary
1. Normatıvtik quqyqtyq aktilerdiń jobalaryn daıyndaý josparlary bir jylǵa jasalatyn aǵymdaǵy jáne neǵurlym uzaq merzimge jasalatyn perspektıvalyq bolyp bólinedi.
Perspektıvalyq josparlarda neǵurlym mańyzdy normatıvtik quqyqtyq aktilerdi, sondaı-aq olardy daıyndaý bir jyldan astam merzimge josparlanatyn normatıvtik quqyqtyq aktilerdi ázirleý kózdeledi.
2. Daıyndaý josparlarynda:
1) normatıvtik quqyqtyq aktiniń deńgeıin, nysanyn jáne retteý nysanasyn kórsetetin ataýy;
2) daıyndaý merzimderi;
3) jobany ázirleýge jaýapty organdar men uıymdar kórsetiledi.
3. Eger osy Zańda jáne Qazaqstan Respýblıkasynyń basqa da zańnamasynda ózgeshe kózdelmese, normatıvtik quqyqtyq aktilerdi daıyndaý josparlaryn tıisti aktilerdi qabyldaýǵa quzyretti ýákiletti organdar jasap, bekite alady.
4. Normatıvtik quqyqtyq aktilerdiń jobalaryn daıyndaý josparlaryn jasaǵan kezde memlekettik jáne ózge de organdar men uıymdardyń, onyń ishinde ǵylymı uıymdardyń usynystary, sondaı-aq Qazaqstan Respýblıkasy Ulttyq kásipkerler palatasynyń jáne ózge de múddeli tulǵalardyń quqyqtyq monıtorıng qorytyndylary boıynsha daıyndalǵan usynystary eskeriledi.
5. Normatıvtik quqyqtyq aktilerdiń jobalaryn daıyndaý josparlaryn jasaıtyn jáne bekitetin ýákiletti organdar josparlarǵa osy aktilerdiń daıyndalýyn kórsetetin basqa kórsetkishterdi de engize alady.
6. Qazaqstan Respýblıkasynyń Prezıdenti shyǵaratyn normatıvtik quqyqtyq aktilerdiń jobalaryn daıyndaýdy josparlaý tártibi men nysandaryn Qazaqstan Respýblıkasynyń Prezıdenti aıqyndaıdy.
16-bap. Zańnamalyq aktilerdiń jobalaryn daıyndaýdy josparlaý
1. Zańnamalyq aktilerdiń jobalaryn daıyndaýdy perspektıvalyq josparlaý Zań shyǵarý jumysynyń tujyrymdamalyq jospary sheńberinde júzege asyrylady.
2. Zań shyǵarý jumysynyń tujyrymdamalyq jospary Qazaqstan Respýblıkasy Parlamentiniń kezekti saılanymy kezeńine qabyldanady jáne Qazaqstan Respýblıkasy Parlamentiniń sessııalary bólinisinde zańnamalyq aktilerdiń jobalaryn (Qazaqstan Respýblıkasy Parlamentiniń jáne onyń Palatalarynyń qaýlylaryn qospaǵanda) daıyndaý solardyń sheńberinde boljanatyn zańnama salalaryn (aıasyn) kórsetedi.
3. Zań shyǵarý jumysynyń tujyrymdamalyq jospary Qazaqstan Respýblıkasy Parlamenti Palatalarynyń jáne Qazaqstan Respýblıkasy Úkimetiniń shoǵyrlandyrylǵan usynystary negizinde jasalady.
4. Zań shyǵarý jumysynyń tujyrymdamalyq josparyn Qazaqstan Respýblıkasynyń Ádilet mınıstrligi ázirleıdi, Qazaqstan Respýblıkasynyń Úkimeti Qazaqstan Respýblıkasy Parlamenti Palatalarynyń tóraǵalarymen kelisýge engizedi jáne Qazaqstan Respýblıkasynyń Prezıdenti bekitedi.
5. Zań shyǵarý jumysynyń tujyrymdamalyq josparyn iske asyrý maqsatynda Qazaqstan Respýblıkasynyń Úkimeti bir jylǵa jasalatyn zań jobalaý jumystarynyń aǵymdaǵy josparlaryn bekitedi.
6. Zań jobalaý jumystarynyń aǵymdaǵy josparlaryn Qazaqstan Respýblıkasynyń Ádilet mınıstrligi ázirleıdi jáne olar Qazaqstan Respýblıkasynyń Prezıdentimen kelisiledi.
7. Qazaqstan Respýblıkasy Úkimetiniń zań jobalaý jumystarynyń aǵymdaǵy josparlary:
1) ázirlenýi aldaǵy jyly boljanatyn, onyń deńgeıin, nysanyn jáne retteý nysanasyn kórsetetin zań jobasynyń ataýyn;
2) zań jobasyn ázirleý jáne Qazaqstan Respýblıkasynyń Parlamentine usyný merzimderin;
3) zań jobasyn ázirleýge jaýapty organdar men uıymdardy qamtýǵa tıis.
8. Qazaqstan Respýblıkasynyń Parlamenti qabyldaıtyn zańnamalyq aktilerdiń jobalaryn daıyndaýdy josparlaý tártibi men nysandaryn Parlament jáne onyń Palatalary Qazaqstan Respýblıkasy Konstıtýsııasy 61-babynyń 3-tarmaǵynda belgilengen óz quzyretterine sáıkes aıqyndaıdy.
9. Osy baptyń talaptary Qazaqstan Respýblıkasy Prezıdentiniń jáne Qazaqstan Respýblıkasy Parlamenti depýtattarynyń zań shyǵarý bastamasy tártibimen Qazaqstan Respýblıkasy Parlamentiniń Májilisine engiziletin zańnamalyq aktilerdiń jobalaryn daıyndaýǵa qoldanylmaıdy.
5-taraý. NORMATIVTIK QUQYQTYQ AKTILERDIŃ JOBALARYN DAIYNDAÝ JÁNE RESIMDEÝ
17-bap. Normatıvtik quqyqtyq aktilerdiń jobalaryn ázirleýshiler
1. Prezıdent Ákimshiligi, Úkimet, ózge de memlekettik organdar – Qazaqstan Respýblıkasy Prezıdentiniń tapsyrmasy nemese Qazaqstan Respýblıkasy Prezıdentiniń tapsyrmasyna negizdelgen Qazaqstan Respýblıkasy Prezıdenti Ákimshiligi Basshysynyń tapsyrmasy boıynsha, olarmen kelisý boıynsha – uıymdar men azamattar Qazaqstan Respýblıkasy Prezıdentiniń zań shyǵarý bastamasy tártibimen Qazaqstan Respýblıkasy Parlamentiniń Májilisine engiziletin zańnamalyq aktiler jobalarynyń ázirleýshileri bola alady.
Parlament depýtattary Qazaqstan Respýblıkasy Parlamenti depýtattarynyń zań shyǵarý bastamasy tártibimen daıyndalatyn zańnamalyq aktiler jobalarynyń ázirleýshileri bolyp tabylady.
Ortalyq memlekettik organdar Qazaqstan Respýblıkasy Úkimetiniń zań shyǵarý bastamasy tártibimen daıyndalatyn zańnamalyq aktiler jobalarynyń ázirleýshileri bolyp tabylady.
2. Qazaqstan Respýblıkasy Prezıdentiniń zań shyǵarý bastamasy tártibimen Qazaqstan Respýblıkasy Parlamentiniń Májilisine engiziletin zań jobalaryn ázirleý týraly usynystardy Qazaqstan Respýblıkasy Prezıdentiniń qaraýyna onyń Ákimshiligi, Qazaqstan Respýblıkasynyń Úkimeti, ortalyq memlekettik, jergilikti atqarýshy jáne ókildi organdar, jergilikti ózin-ózi basqarý organdary, sondaı-aq uıymdar men azamattar engize alady.
3. О́zge de normatıvtik quqyqtyq aktilerdiń jobalaryn, eger Qazaqstan Respýblıkasynyń zańnamasynda ózgeshe belgilenbese, Qazaqstan Respýblıkasynyń zańnamasynda belgilengen ózderiniń quzyretine sáıkes memlekettik organdar óz bastamasymen nemese joǵary turǵan memlekettik organdardyń jáne laýazymdy adamdardyń tapsyrmalary boıynsha ázirleıdi.
4. О́zge de organdar, uıymdar men azamattar normatıvtik quqyqtyq aktilerdi ázirleý jóninde usynystar engizýge nemese mundaı aktilerdiń bastamashylyq jobalaryn ázirleýshi organdardyń qaraýyna berýge quqyly. Ázirleýshi organdar olardy ózderi ázirleıtin normatıvtik quqyqtyq aktilerdiń jobalary úshin negiz retinde qabyldaýy nemese olardyń odan ári ázirlenýin jáne jobalardyń qabyldanýyn orynsyz dep tanýy múmkin.
18-bap. Normatıvtik quqyqtyq aktiniń jobasyn ázirleý tártibi
1. Ázirleýshi organ jobany daıyndaý jónindegi jumys tobyn qurady nemese ony daıyndaýdy óz bólimshelerine tapsyrady.
Eger Qazaqstan Respýblıkasynyń zańnamasynda ózgeshe belgilenbese, ázirleýshi organ normatıvtik quqyqtyq aktiniń jobasyn daıyndaýdy ózine vedomstvolyq baǵynysty organdar men uıymdarǵa tapsyra alady nemese bólingen bıýdjet qarajaty men granttardy osy maqsattarǵa paıdalana otyryp, ony daıyndaýǵa sharttyq negizde mamandarǵa, Qazaqstan Respýblıkasynyń Ulttyq kásipkerler palatasyna, jeke kásipkerlik sýbektileriniń birlestikterine, ǵylymı mekemelerge, jekelegen ǵalymdarǵa jáne ujymdarǵa, onyń ishinde sheteldikterge, tıisti salalardaǵy sarapshylarǵa tapsyra alady.
Ýákiletti organ normatıvtik quqyqtyq aktilerdiń balama jobalaryn daıyndaýdy birneshe memlekettik organdar men uıymdarǵa tapsyrýǵa nemese olardy ázirleýdi sharttyq negizde, onyń ishinde konkýrs boıynsha Qazaqstan Respýblıkasynyń Ulttyq kásipkerler palatasyna, birneshe ǵylymı mekemelerge nemese ǵalymdarǵa tapsyrýǵa quqyly.
Normatıvtik quqyqtyq aktiniń jobasyn daıyndaýǵa normatıvtik quqyqtyq aktiniń jobasyn daıyndaýǵa jaýapty ázirleýshi organnyń zań bólimshesi qyzmetkerleriniń qatysýy mindetti.
Jeke kásipkerlik sýbektileriniń múddelerin qozǵaıtyn normatıvtik quqyqtyq aktilerdi ázirleýge Qazaqstan Respýblıkasynyń Ulttyq kásipkerler palatasy jáne jeke kásipkerlik sýbektileriniń akkredıttelgen birlestikteri ókilderiniń qatysýy mindetti.
Qazaqstan Respýblıkasy Parlamentiniń depýtattary zań jobasyn daıyndaý jónindegi jumys tobynyń jumysyna kez kelgen satyda qatysýǵa quqyly.
2. Ýákiletti organ zań jobasyn ázirleý bastalǵanǵa deıin onyń tujyrymdamasyn ázirleıdi.
Osy talap zań jobalaryn Qazaqstan Respýblıkasy Prezıdentiniń zań shyǵarý bastamasy tártibimen ázirleý jaǵdaılaryna qoldanylmaıdy.
Zań jobalary tujyrymdamalaryn qaraý tártibi jáne olarǵa qoıylatyn talaptar Qazaqstan Respýblıkasynyń Úkimeti bekitetin Qazaqstan Respýblıkasynyń ýákiletti organdarynda zań jobalaý jumysyn uıymdastyrý qaǵıdalarymen aıqyndalady.
Jeke kásipkerlik sýbektileriniń múddelerin qozǵaıtyn zań jobasynyń tujyrymdamasy osy Zańnyń 19-babynda kózdelgen tártippen saraptamalyq qorytyndy alý úshin jeke kásipkerlik sýbektileriniń akkredıttelgen birlestikterine jáne Qazaqstan Respýblıkasynyń Ulttyq kásipkerler palatasyna jiberilýge tıis.
3. Zańdardyń, Qazaqstan Respýblıkasy Prezıdentiniń normatıvtik quqyqtyq jarlyqtarynyń, Qazaqstan Respýblıkasy Úkimetiniń normatıvtik quqyqtyq qaýlylarynyń jobalaryn jáne basqa da ýákiletti organdardyń normatıvtik quqyqtyq aktileriniń jobalaryn daıyndaýǵa ártúrli bilim salalarynyń mamandary, ǵylymı mekemeler men ǵylymı qyzmetkerler, qoǵamdyq birlestikterdiń ókilderi tartylýy múmkin.
4. Ýákiletti organdardyń bir deńgeıdegi zańǵa táýeldi normatıvtik quqyqtyq aktileriniń jobalaryn birneshe ýákiletti organ ázirleýi, al qajet bolǵanda – qabyldaýy múmkin.
Birneshe ýákiletti organnyń zańǵa táýeldi normatıvtik quqyqtyq aktileriniń jobalaryn olar osy Zańda kózdelgen tártippen birlesip ázirleıdi jáne ýákiletti organdardyń basshylary qol qoıatyn birlesken normatıvtik quqyqtyq aktiler túrinde qabyldaıdy.
Birlesken normatıvtik quqyqtyq aktilerdiń týyndy túrleri týyndy normatıvtik quqyqtyq aktini qabyldaǵan ýákiletti organdardyń negizgi normatıvtik quqyqtyq aktileri arqyly bekitilip, onda týyndy aktini qabyldaýǵa arqaý bolǵan negizgi normatıvtik quqyqtyq aktiler kórsetiledi.
5. Qazaqstan Respýblıkasy Prezıdentiniń zań shyǵarý bastamasy tártibimen zańnamalyq aktiniń jobasyn ázirleý tapsyrylǵan Qazaqstan Respýblıkasy Prezıdentiniń Ákimshiligi nemese Qazaqstan Respýblıkasynyń ózge de memlekettik organdary, eger Qazaqstan Respýblıkasynyń Prezıdenti nemese onyń tapsyrmasy boıynsha Qazaqstan Respýblıkasy Prezıdenti Ákimshiliginiń Basshysy ózgeshe merzim belgilemese, zańnamalyq aktiniń jobasyn ázirleýdi bir aı merzimde júzege asyrady.
6. Osy Zańnyń 7-baby 2-tarmaǵynyń 3), 5), 6), 7), 8) jáne 9) tarmaqshalarynda kózdelgen normatıvtik quqyqtyq aktilerdi qospaǵanda, Qazaqstan Respýblıkasy Úkimetiniń zań shyǵarý bastamasy tártibimen ázirlengen normatıvtik quqyqtyq aktilerdiń jobalary boıynsha zań saraptamasyn Qazaqstan Respýblıkasynyń Ádilet mınıstrligi júrgizedi.
7. Eger Qazaqstan Respýblıkasy zańnamalyq aktisiniń, Qazaqstan Respýblıkasy Prezıdentiniń normatıvtik quqyqtyq jarlyǵynyń, Qazaqstan Respýblıkasy Úkimetiniń normatıvtik quqyqtyq qaýlysynyń daıyndalyp jatqan jobasynyń quqyq normalaryn iske asyrý úshin bir deńgeıdegi nemese tómen turǵan deńgeıdegi normatıvtik quqyqtyq aktilerge ózgerister jáne (nemese) tolyqtyrýlar engizý qajet bolsa, onda negizgi túrdegi normatıvtik quqyqtyq aktiniń jobasymen bir mezgilde kórsetilgen ózgeristeri jáne (nemese) tolyqtyrýlary bar aktilerdiń jobalary daıyndalýǵa nemese tıisti organdarǵa osyndaı aktilerdi daıyndaý týraly tapsyrmalar berilýge tıis.
8. Qazaqstan Respýblıkasy Konstıtýsııalyq Keńesiniń jáne Qazaqstan Respýblıkasy Joǵarǵy Sotynyń normatıvtik qaýlylaryn qospaǵanda, zań jobalary tujyrymdamalarynyń jáne normatıvtik quqyqtyq aktilerdiń ázirlengen jobalary túsindirme jazbalarymen jáne olarǵa salystyrma kestelerimen (zańnamalyq aktilerge ózgerister jáne (nemese) tolyqtyrýlar engizilgen jaǵdaılarda) birge múddeli memlekettik organdarǵa kelisýge jiberilgenge deıin ashyq normatıvtik quqyqtyq aktilerdiń ınternet-portalyna kópshilik talqylaýy úshin ornalastyrylady.
Ashyq normatıvtik quqyqtyq aktilerdiń ınternet-portalyna zań jobalary tujyrymdamalarynyń jobalary men normatıvtik quqyqtyq aktilerdiń jobalaryn ornalastyrý jáne olardy kópshilik talqylaýy tártibin aqparattandyrý salasyndaǵy ýákiletti organ Qazaqstan Respýblıkasynyń Ádilet mınıstrligimen kelisý boıy
Sońǵy jańalyqtar
Saýalnama: Respondentterdiń 86,5%-y jańa Konstıtýsııa jobasyn qoldaıdy
Qoǵam • Búgin, 15:07
Qaraǵandy oblysynda Sý-30SM joıǵysh ushaǵy apatqa ushyrady
Oqıǵa • Búgin, 14:28
Batys Qazaqstanda jol jóndeýge bólingen 56,5 mln teńge jymqyrylǵan
Qoǵam • Búgin, 14:00
EO AQSh-tyń tarıf saıasatyn qabyl almaıtynyn málimdedi
Álem • Búgin, 13:48
Qazaqstanda eń iri derekter ortalyǵy qurylady
Úkimet • Búgin, 13:34
Memleket basshysy Power International Holding basshylyǵymen kezdesý ótkizdi
Prezıdent • Búgin, 13:13
«Strandja kýbogi»: Búgin 7 boksshymyz sharshy alańǵa shyǵady
Boks • Búgin, 13:11
1414-ten SMS kelse, saq bolyńyz: Azamattardy aldaýdyń jańa shemasy belgili boldy
Qoǵam • Búgin, 13:00
Qazaqstan syrtqy saýdada rekordtyq taýar aınalymy kórsetkishine jetti
Qazaqstan • Búgin, 12:54
Astanadan bir túnde 53 myń tekshe metr qar men muz shyǵaryldy
Elorda • Búgin, 12:46
Sport jáne óner maıtalmandary referendýmdy qoldaýǵa shaqyrdy
Ata zań • Búgin, 12:37
Nadejda Pareskaıa daýy: Bizdiń tóreshi Shaıdorov pen Samodelkınanyń ónerin ádeıi tómen baǵalady ma?
Qysqy sport • Búgin, 12:22
11,4 mlrd teńge zalal: «Problemalyq kredıtter qorynyń» burynǵy tóraǵasy ustaldy
Zań men Tártip • Búgin, 12:13
Keles aýdanyna «Dıplommen aýylǵa» baǵdarlamasymen 120 maman keldi
Aımaqtar • Búgin, 12:04
