Ońtústikte energııa qajettiligi 20 paıyzǵa azaıady

ShYMKENT. 7 sáýir. Ońtústik Qazaqstan oblysynda energııa qajettiligi 20 paıyzǵa azaıady. Bul týraly oblystyq energetıka jáne turǵyn úı-kommýnaldyq sharýashylyq basqarmasynyń aqpary boıynsha egemen.kz tilshisi habarlady. «Elbasy usynǵan 100 naqty qadamda energetıka salasy boıynsha da birqatar mindetter aıtylǵan bolatyn. Al, atalǵan qadamdardy iske asyrý boıynsha jaýapty oryndaýshylar – bolyp Energetıka Mınıstrligi, «KEGOK» aksıonerlik qoǵamy jáne Ulttyq kásipkerler palatasy» delingen basqarmanyń habarlamasynda. Qazirgi kezde oblysta tutynylatyn elektr qýatynyń 60 paıyzdan astamy elimizdiń soltústik aımaqtarynan jáne Jambyl MAES-nan tasymaldanýda. Osy qajettilikti birshama azaıtý maqsatynda basqarma Energetıka mınıstrligimen birlese birqatar jumystardy júrgizýde. Máselen, 2009-2017 jyldary «Shardara SES» AQ-nyń qýatyn 100 MVt-tan 126 MVt-qa ulǵaıtylsa, 2017-2018 jyldary «3-Energoortalyq» AQ-na ornatylǵan qýatyn 160 MVt-tan 210 MVt-qa kóbeıtilmek. Osy jumystar iske asyrylǵan jaǵdaıda, 2019 jyldan bastap, oblysqa tasymaldanatyn elektr energııa kólemin 20 paıyzǵa azaıtý kózdelýde. Baqtııar Taıjan. Derek, foto: egemen.kz