ASTANA. 8 sáýir. Qazaqstannyń Qarýly Kúshteri UH-1H-II «Hıýı» tikushaǵymen tolyqty. Bul týraly egemen.kz tilshisi habarlady.
Tikushaq AQSh-ta jasalǵan. Ol elimizge AQSh-tan aqysyz negizde jetkizildi. Buǵan de Qurama Shtattardyn eki tikushaq aqysyz engizde, tegin jetkizilgen bolatyn.
«Hıýı» tikushaqtary ártúrli oqý-jattyǵýlarda, onyń ishinde qazaqstandyq «Qazbat» bitimgershilik batalony men Aeroutqyr áskerleri «Qazbrıg» bitimgershilik brıgadasynyń is-qımyldary pysyqtalatyn «Dala qyrany» taktıkalyq-arnaıy bitimgershilik oqý-jattyǵýlarda keńinen qoldanylady.
«Bul tikushaqtar aýa-raıyna qaramaı, jyl boıy 24 saǵat usha beredi. Isten shyqqany, buzylǵany bolǵan emes. UH-1H-II tikushaǵy 12 adamǵa deıin desantty, jaraly adamdardy, ártúrli júkterdi tasymaldaýǵa, izdestirý-qutqarý jumystaryn oryndaýǵa, áýeden barlaý jasaýǵa arnalǵan», deıdi ÁÁK qolbasshysynyń orynbasary polkovnık Erkin Jumaǵalıev.
Tikushaqtyń salmaǵy – – 4 762 kg. Saǵatyna 240 km-ge deıin usha alady. Bir ózinde 1 800 jylqynyń kúshindeı qýattylyǵy bar. T-53-L-703 bir qozǵaltqyshpen jabdyqtalǵan, sondaı-aq navıgasııalyq jáne radıoelektrondyq qondyrǵynyń keshenimen jabdyqtalǵan.
Dastan Kenjalın.
Derek, foto: Qorǵanys mınıstrligi.
