Joǵary mártebe

Elbasynyń «Álem. XXI ǵasyr» manıfesi BUU Bas Assambleıasy men Qaýipsizdik Keńesiniń resmı qujaty mártebesin aldy

ASTANA. QazAqparat – 2016 jylǵy 31 naýryz - 1 sáýir aralyǵynda Va­shıngton qalasynda ótken IV Iаdrolyq qaýipsizdik sammıti jumysyna Qa­zaqstan Respýblıkasy Prezıdenti Nursultan Nazarbaevtyń qatysýyna baılanysty BUU janyndaǵy Qazaqstan Respýblıkasynyń Turaqty ókildigi Birikken Ulttar Uıymynyń basshylyǵyn, tutastaı Nıý-Iorktegi dıplomatııalyq qaýymdastyqty osy kezdesýde joǵary deńgeıde usynylǵan Qazaqstan Prezıdentiniń avtorlyǵymen shyqqan «Álem. XXI ǵasyr» manıfest ataýymen múldem jańa qujat-paradıgmany tanystyrdy. BUU Bas hatshysy Pan Gı Mýnǵa, sondaı-aq álemdik uıym janyndaǵy barlyq múshe memleketterdiń Turaqty ókilderine tıisti hat jiberildi. Qazaqstan Respýblıkasy Turaqty ókil­diginiń Bas hatshysyna úndeýi nátıjesinde manıfest BUU Bas Assambleıasynyń jáne Qaýipsizdik Keńesiniń resmı qujaty mártebesin aldy. Manıfest barlyq múshe memleketterge qoljetimdi Birikken Ulttar Uıymy Hatshylyǵynyń elektrondy júıesine ornalastyryldy. Oǵan BUU Bas Assambleıasy 70-shi sessııasynyń resmı qujaty retinde A/70/818 tirkeý nómiri jáne BUU Qaýipsizdik Keńesiniń resmı qujaty retinde S/2016/317 tirkeý nómiri berildi. Bir ýaqytta, Qazaqstan Respýblıkasy Turaqty ókildigi manıfespen Nıý-Iorkte 2016 jylǵy 4 sáýirde jumysyn bastaǵan BUU Qarýsyzdaný jónindegi komıssııasynyń 2016 jylǵy sýbstantıvti sessııasynyń delegattaryn da tanystyrdy. Manıfest sondaı-aq, resmı qujat retin­de BUU Bas Assambleıasynyń Birinshi komı­tetiniń jáne BUU Qarýsyzdaný jónin­degi komıssııasynyń Quick First júıe­sine resmı qujat retinde ornalasty­ryldy. BUU Bas Assambleıasynda jáne Qaýip­sizdik Keńesinde manıfeske osyn­daı erekshe mártebe berý Memle­ket basshysynyń halyqaralyq qaýym­dastyqtaǵy mártebesiniń joǵary ekendigin kórsetedi jáne soǵys pen beıbitshiliktiń ózekti máselelerin qamtıtyn ony saqtaý qundylyǵyn kórsetetin qujattyń kúlli adamzat, qazirgi álem úshin asa mańyzdy ekenin tanýyn bildiredi.