Qytaıda Ýnıversıadaǵa qyzyǵýshylar kóp

Kelesi jyly Almatyda ótetin Ýnıversıadaǵa Qytaıdyń Qorǵas aımaǵynan 5000-ǵa jýyq týrıst keledi. Bul týraly qysqy Oıyndardy uıymdastyrý jáne ony ótkizý jónindegi dıreksııa habarlady. Qolda bar málimetterge qara­ǵanda, Qorǵas qalalyq týrızm basshylyǵy Búkilálemdik Ýnıversıadaǵa kóp adam aparý úshin marketıngtik joba jasap, qytaı halqyna Ýnıversıadany barynsha nasıhattaǵysy keledi. Qytaı aımaǵynyń basshysy Van Shýlınniń aıtýynsha, olar byltyr shetelge 18 000-ǵa jýyq týrısti aparǵan. Bul – mar­ketıngtik kompanııanyń atqarǵan jumysynyń nátıjesi. – Endi biz Almatyda ótetin Ýnıversıadany barynsha nasıhattap, Qazaqstanǵa kóp týrıst aparǵymyz keledi. Ýnı­versıadany nasıhattaý jumy­syna Qazaqstan eshqandaı shyǵyn shyǵarmaıdy. Bárin ózimiz kóte­remiz, – deıdi ol. Qazir Ýnıversıadanyń bastalýyna bir jyldan az ýaqyt qaldy. Sondyqtan, qysqy Oıyndardy uıymdastyrý jáne ony ótkizý jónindegi dıreksııa atalǵan jarysty jan-jaqty nasıhattaý, qalanyń ımıdjin kóterý boıyn­sha kez kelgen elmen jumys is­teýge daıyn tur. Jumystaryn jasap ta jatyr. Jaqynda Al­ma­tyda Ýnıversıadanyń týrıstik múmkindigine arnalǵan KITF-2016 kórmesi ótti. Onda elimiz ben Ýnıversıada týraly keńinen málimet berildi. Ýnıversıadany uıymdastyrý jáne ony ótkizý jónindegi dırek­sııa basshysy Dastan Seıt­qa­zınniń aıtýynsha, jarystar kezinde qalaǵa 30 000-ǵa jýyq týrıst keledi dep josparlanyp otyr. Qazir qazaqstandyq tý­rıstik kompanııalarmen birge Ýnı­versıadanyń týr-paketi j­a­salyp jatyr. Týr-pakette tý­rısterdiń vıza máselesin she­shýi, qonaqúılerge ornalasýy, jarys bıletterin ońaı jolmen satyp alýy qarastyrylýda. Rústem JUMAN