Volkswagen kompanııasy úsh aıda eki jarym mıllıon kólik satty

ASTANA. 27 sáýir. Germanııanyń áıgili Volkswagen AG avtokonserni 2016 jyldyń alǵashqy toqsanynda kólik satý kórsetkishi boıynsha Toyota Motor Corp. kompanııasynan alǵa shyqty. Bul týraly «Interfaks» aqparat agenttigine silteme jasaǵan egemen.kz tilshisi habarlady. Toyota bul kórsetkish boıynsha sońǵy tórt jyl ishinde eshkimge jol bermegen. Alaıda, Bloombeg agenttiginiń habarlaýynsha, qańtar men naýryz aılary aralyǵynda 2,46 mıllıon kólik az satylyp, 2,3 paıyzǵa quldyraǵan. Al Volkswagen kólik satý kórsetkishin 0,8 paıyzǵa, ıaǵnı 2,5 mıllıonǵa arttyrdy. Úshtikke General Motors konserni endi. Biraq bul kompanııa osyǵan deıingi nátıjesinen 2,5 paıyzǵa azaıyp, 2,36 mıllıon kólik satty. Toyota osy jyldyń aqpan aıynda quramyndaǵy Aichi Steel Corp. kompanııasyndaǵy apatty jaǵdaıǵa baılanysty bir apta jumysyn toqtatqan bolatyn. Sonymen qatar, osy aıda Japonııanyń Kýmamoto prefektýrasynda birneshe márte bolǵan jer silkinisine baılanysty taǵy da ýaqytsha toqtatýǵa májbúr boldy. Avtokonsern basshylyǵy mundaı kedergiler kem degende 80 myńǵa jýyq avtomashınanyń qurastyrylyp shyǵýyna zardabyn tıgizetinin málimdedi. Aıta keteıik, Volkswagen-ge aýaǵa taraıtyn qaldyq kórsetkishin azaıtyp kórsetetin qurylǵy ornatqanyna baılanysty álemniń birneshe elderi iri kólemdi aıyppul saldy. Aıan Ábdýálı. Derek: «Interfaks». Foto: maximum-autoservice.ru.