Mınıstrdiń esepti kezdesýi

L.N.Gýmılev atyndaǵy Eýrazııa ulttyq ýnıversıtetinde Bilim jáne ǵylym mınıstri Erlan Saǵadıevtiń jurtshylyq ókilderimen esepti kezdesýi ótti. Kezdesý barysynda mınıstr bilim berý salasynda keń jolaq­ty ınternetti engizýdiń ońtaıly qadamdaryna toqtala kele, bıyl oǵan 2,5 myń mektep qosylatynyn, taǵy 1,5 myńy aldaǵy úsh jylda qamtylatyndyǵyn aıtty. Al 2020 jylǵa qaraı oqýshylardyń 90, pedagogtardyń da 90 paıyzyn jáne JOO stýdentteriniń 100 paıyzyn qamtý josparlanǵa­nyn, bolashaqta ınternet bizdiń bilim berý ınfraqurylymynyń negizgi tuǵyr-tııanaǵy bolatynyn jetkizdi. Mınıstrdiń aıtýynsha, bıyl­ǵy oqý jylynan  bastap 1 sy­nyp­tar jańartylǵan bilim berý baǵdarlamasyna kóshpek. Ol úshin jaz mezgilinde 73 myń muǵal­im arnaıy oqýdan ótedi. О́z keze­gin­de ol: «Jańartylǵan bilim baǵ­dar­lamasy bes kúndikke kóship, pán­der­diń sanyn qysqartýǵa múm­­kin­dik beredi. Atap ótsem, jo­ǵa­ry synyptarda 18-19-dan 13-14-ke deıin qysqarady. Bul oqý­shylar úshin de, ustazdar úshin de qo­laıly. Bul jumys bıyl at­qa­rylmaıdy, synyptardyń jańar­tyl­ǵan oqý baǵdarlamasyna kóshýi­ne oraı kezeń-kezeńimen jú­ze­ge asyrylady», dedi Erlan Saǵadıev. Atalǵan jańartylǵan oqý baǵdarlamasyn búginde 100-den astam mektep engizip úlgeripti. Bul bilim oshaqtarynda bir orynǵa 20 oqýshy kezekte turǵanǵa uqsaıdy. Aıta keteıik, jıyn barysynda arnaıy aqparattyq alań uıymdastyrylyp, kezdesýge elimizdiń 16 aımaǵy qosyldy. Ár oblystyń turǵyndary tikeleı efırde mınıstrge saýal qoıýǵa múmkindik aldy. Sóıtip, oqý júıesiniń negizgi damý baǵyttary baıandalyp, kókeıde júrgen  saýaldarǵa tıisti jaýaptar berilip, keleli keńester aıtyldy. Erlan Saǵadıevtiń mınıstr laýazymyn atqarý kezinde Qazaqstan Respýblıkasynyń bilim berý júıesindegi strate­gııa­lyq mańyzdy qujat­tarǵa qol qoıyldy. Memleket basshysynyń Jarlyǵymen Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasy bekitildi, ony iske asyrý boıynsha is-shara­lar jospary qabyldanyp, qolda­nystaǵy memlekettik bilim berý standarty jańartyldy. 250-den astam kezdesýler men tal­­qylaýlar ótkizilgen. Sonyń ishinde Izraıl, Uly­brı­­tanııa, Latvııa, Vengrııa, Ita­lııa elshilerimen, EQYU, EYDU elderi, Álem Banki, Qazaq­standyq ÚEM ókilderimen, jýr­nalıstermen jáne qoǵam qaıratkerlerimen ótkizilgen kezdesýlerdi ataýǵa bolady. Raýshan TÁÝIRHANQYZY, «Egemen Qazaqstan»