Ázirshe qoldanystaǵy kelisimmen júrgen tıimdi

Keshe Parlament Májili­siniń kezekti jalpy otyrysy bolyp, ony palata Spıkeri Baqtyqoja Izmuhambetov ashyp, júrgizip otyrdy. Jalpy otyrystyń jumysy Májilistiń quzyretine enetin kadr­lyq taǵaıyndaýlar másele­si­nen bastaldy. Aldymen Kons­tı­týsııalyq Keńestiń múshesi Ilııas Baqtybaevtyń óz erkimen óki­let­tigin toqtatýdy suraǵan óti­nishi oqyl­dy. Májilistiń bir­aýyz­dan qabyl­danǵan qaýly­symen onyń óti­nishi qanaǵattan­dyryldy. Odan keıin Májilis Tóraǵasy B.Izmuhambetov kúni keshege deıin Qazaqstan Respýblıkasynyń Bas prokýrory laýazymyn atqaryp kelgen Ashat Daýylbaevtyń kan­dı­datýrasyn Konstıtýsııalyq Keńes­tiń músheligine usyndy. Bul usynys ta Májilistiń tıis­ti qaý­lysymen biraýyzdan maqul­danyp, A.Daýylbaev Kons­tı­týsııa­lyq Keńestiń músheligine bekitildi. Bekitilgen kún tártibindegi má­se­­le­lerdiń alǵashqy ekeýi Máji­listiń qaraýyna túsken zań joba­lary boıynsha qorytyndy ázirleý merzimin belgileýge arnalypty. Sonyń ishinde birinshisi – Qazaq­stan men Saýd Arabııasy ara­syn­daǵy Qosarlanǵan salyq salý­dy boldyrmaý jáne salyq salý­dan jaltarýǵa jol bermeý tý­ra­ly konvensııany jáne oǵan ja­sal­ǵan Hattamany, ekinshisi – Qa­zaq­stan men Reseı arasyndaǵy «Baıqońyr» ǵarysh aılaǵynan zy­myran ushyrǵyshtardy ushyrý kezinde qulaıtyn bólikterge qulaý aýdany retinde Qazaqstannan jer ýchaskesin berý týraly kelisimdi ratıfıkasııalaý týraly boldy. Ekeýi týraly da Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev baıandap, zań jobalary boıynsha qorytyndy ázirleýge tıisti merzim belgilendi. Úshinshi másele, Qazaqstan men Reseı arasynda 2006 jyldyń 15 tamyzynda Qazaqstannyń Reseı Federasııasy aýmaǵynda, Reseı­diń Qazaqstan Respýblıkasy aýma­ǵynda ornalasqan temirjol ýchas­keleri boıynsha tasymaldaý tólemderin tóleý jáne júk tasy­mal­daryn resimdeý týraly keli­sim­ge ózgerister engizý týraly hat­­­­ta­many ratıfıkasııalaý týra­ly zań jobasy boldy. Bul – ha­lyq arasynda osy ýaqytqa deıin túsinbestik týdyryp kele jat­qan máseleniń biri. Keı-keıde el­­degi barlyq ózgerister men ja­ńa­­lyqtardan habary bar degen adam­dardyń ózi Petropavl qala­syna bara qalsa, onyń «Stansııa Petropavlovsk» dep atalatyn temirjol vokzalynyń Reseıge qaraıtyndyǵyn kórip, tań-tamasha qalady. Ýaqyty da Máskeý ýaqy­ty­men ólshenedi. Sondyqtan, onyń sonaý 1992 jyldardaǵy KSRO múlkin bólisý kezinde ekijaqty kelisim boıynsha qabyldanǵan sheshim ekenin eske salyp ótkendi artyq emes dep sanadyq. Reseı jaǵy sol kezdegi «Ońtústik Oral» temirjolyna qa­raı­tyn Qazaqstannyń Petro­pavl qa­lasyndaǵy «Petropavlovsk» stan­sasyn ózine aldy. Onyń aýma­­­ǵyndaǵy (kirý jáne shy­ǵý­da­­ǵy) 50 shaqyrymdyq jol da Re­s­eı­­­ge qaratyldy. Esesine Qa­zaq­­­stan jaǵy Reseı aýmaǵynyń Oryn­bor oblysyndaǵy Ilesk pen Altaı Respýblıkasyndaǵy Lokot stansalaryn ózine aldy. Bu­lar bizdiń Batys jáne Shyǵys aımaq­tarymyzǵa shyǵýǵa yńǵaı­ly­lyq týdy­rady. Sonymen qosa, osy eki stan­saǵa kirip-shyǵatyn Reseı aýma­ǵyndaǵy 200 shaqyrymdyq temir­jol da Qazaqstanǵa qaratyldy. Jalpy, otyrystaǵy úshinshi másele boıynsha baıandama jasa­ǵan Investısııalar jáne damý mı­nıstri Áset Isekeshevke soltús­tik­­qazaqstandyq depýtat Sergeı Zvolskıı naq osy máselege baı­la­nysty suraq qoıyp, «Petro­pavlovsk» stansasyndaǵy júk tarıfteriniń halyqaralyq qymbat tarıfterge deıin kóterilip ketetini Qazaqstan bıznesine yńǵaısyzdyq týdyratynyn aıtty. Oǵan mı­nıstr biz de ózimizge qaraıtyn Reseı aýmaǵyndaǵy eki stansadaǵy júk tarıfterin sondaı deńgeıge kótergenbiz dep jaýap berdi. Al eger biz atalǵan eki stan­sa­dan bas tartyp, ózimizge «Pet­ro­pavlovsk» stansasyn qaı­ta­ratyn bol­saq, Reseı jaǵy júkterin óz aýma­ǵyndaǵy aınalma joldarymen «Transsibir» boıynda tası berý múm­kinshiligi bar. Qınalatyn biz, óıt­keni, Batystaǵy qalalarymyzǵa jetý úshin 600 shaqyrymdyq jańa temir­jol tartýǵa májbúr bolamyz. Son­dyq­tan, ázirshe qoldanystaǵy keli­s­immen júrgen tıimdi, dedi ol. Negizgi kelisimge engiziletin ózgerister týraly jalpy oty­rysqa usynylǵan 2012 jyldyń 19 qyrkúıeginde jasalǵan hat­tamaǵa sáıkes kelisimnen reseılik temirjoldyń «Ozınkı», «Aqsaraı-II», «Qulyndy» jáne «Zolotaıa sopka» túıisý pýnktterinen júk­terdi tasymaldaý kezinde Qa­zaq­standa jáne tıisinshe qazaq­­stan­dyq temirjoldyń «Nıkeltaý», «Tobyl», «Presnogorkov», «Qyzyl tý» túıisý pýnktterinen júk­­terdi tasymaldaý kezin­de Reseı­de tasymaldaý tólem­derin tóleý tártibin reglamentteıtin 12 já­ne 14-baptar alynyp tastalǵan. Zań jobasy birshama talqy­laýdan keıin maquldandy. Osymen kún tár­tibindegi máseleler tolyq qara­lyp, jalpy otyrys ortalyq mem­le­kettik organdarǵa arnalǵan depý­tat­tardyń saýaldaryn jarııa­laýǵa kóshti. Jaqsybaı SAMRAT, «Egemen Qazaqstan»