Áskerı oıyndarǵa daıyndyq

Qazaqstannyń Qarýly Kúshterindegi áskerı medısınalyq qyzmetter alǵash ret «Áskerı medısınalyq estafeta» baıqaýynda Armııa halyqaralyq oıyndaryna qatysady. Osyǵan baılanysty jaqyn­da Qurlyq áskerleriniń Gvar­deısk garnızony oqý-jattyǵý ortalyǵynyń bazasynda baı­qaý­dyń ashylý rásimi ótti. Onda 34 áskerı-medısınalyq maman jattyǵýdan ótip, Qur­lyq áskerleri arasynda «Ás­ke­rı-medısınalyq estafeta» baı­­qaýyna qatysatyn bolyp she­shildi. Baıqaýdyń maq­saty – halyqaralyq áskerı yn­ty­­maqtastyqty nyǵaıtý, áske­rı qyzmet pen medısınalyq ma­man­­dardyń áskerı-kásiptik qyzmetiniń bedelin arttyrý. Saıysta «Jeke sheberlik» pen «Komandalyq birinshilik» atalymdarynda úzdikter anyqtalady. Sodan keıin konkýrstyń jeńim­paz­dary Reseıde ótetin Armııa oıyndaryna qatysady. Qazirgi kezde Armııa halyqara­lyq oıyndarynda el namysyn qorǵaıtynyn áskerılerdi anyq­taý jumystary júrgizilýde. Jýyrda osy oıyndarǵa qaty­sýǵa arnalǵan taǵy bir baıqaý ótti. Ol «Ońtústik» óńirlik qolbasshylyǵyna qaras­ty «Aısha-bıbi» polıgonyn­da ótip, oǵan 5 komandadan quralǵan áskerı qyzmetshiler qatysty. Saıysta «Ońtústik», «Shyǵys», «Batys», «Astana» óńirlik qol­bas­shylyqtary men Aeroutqyr ásker­leriniń áskerı qyzmetshileri jaq­sy qyrynan kórindi. Áskerıler «Qarý-jaraq sheberi» baıqaýynda AK-74 pen artıllerııalyq qarý-jaraqty bólshektep jınady. Odan keıin qarý-jaraqty tekserip, sol qarýdan mejege oq atyp, 400-500 metrlik estafetany júgirý tapsyrmasyn oryndady. Baıqaýdyń sońynda «Oń­tústik» О́ńQ 01731 áskerı bóli­mi birinshi oryndy, «Shyǵys» О́ńQ ko­mandasy ekinshi oryndy ıelen­di. Aeroutqyr áskerleri, «Batys» jáne «Ońtústik» óńir­lik qolbasshylyqtary Qarýly Kúshter Qurlyq áskerleri bas qol­basshysynyń gramotasymen marapattaldy. Endi jeńimpaz komandalar Armııa oıyndaryna daıyndalady. Dastan KENJALIN, «Egemen Qazaqstan»