Qarttar árdaıym áskerıler nazarynda

Qazaqstan Qarýly Kúshteriniń áskerı qyzmetshileri ózderiniń jaýyngerlik daıarlyǵyn arttyrýǵa úlgerip qana qoımaı, sonymen birge, Uly Otan soǵysynyń arda­gerlerine, qamqorlyq pen yqy­lasqa muqtaj adamdardyń bar­lyǵyna arnap qaıyrymdylyq is-sharalaryn ótkizýde. Astana qalasynyń Qarttar úıinde Otan qorǵaýshy kúni qarsańynda 68665 áskerı bóliminiń 70-ten asa áskerı qyzmetshisi ardagerler men qarııalarǵa kómek kórsetti.  Osy bólimniń ofıserleri men serjanttary ájeıler men atalarǵa udaıy baryp, hal-jaǵdaılaryn surastyryp turady. Olarǵa sharýa­shylyq boıynsha qolǵabys etedi, baý-baqshanyń jerin qazyp beredi, aýmaqtaryn tazalaıdy, kúrkeler men oryndyqtardy jóndeıdi. «Ardagerlerge qolushyn soza ala­tynymyzǵa qýanyshtymyz. Minekı, biz ekinshi jyl qatarynan kelip, kómek kórsetip jatyrmyz. Olarmen áńgime-dúken quramyz, konsertter ótkizemiz, ártúrli is-sharalar uıym­dastyramyz.  Munyń barlyǵy biz­ge patrıotızm sabaq­taryn, dás­túr sabaq­tastyǵyn beredi. Qamqorlyqqa muqtaj jandardyń janynda bolý biz úshin úlken qurmet», – dedi 68665 áskerı bóliminiń vzvod komandıri, aǵa leıtenant Dıas Ahmetov. «Jas jigitter bizge únemi kelip turady jáne sharýashylyq jumys­­tarǵa kómektesedi, qyzmet týra­ly hıkaıalarymen bólisedi. Er­lik sabaqtary men konsert­ter ótki­zedi. Bozbalalardyń Otanǵa adal qyz­met etip, bizdi umyt­paıtyndary qýan­tady», – dedi Uly Otan soǵy­synyń ardageri Oleg Lınnık. Qazaqstan Qarýly Kúshteriniń áskerı qyzmetshileri qaıyrymdylyq is-sharalaryn udaıy ótkizip turaty­nyn aıta keteıik. Balalar úıi men qart­tar úıin, UOS ardagerlerin qam­qor­lyqqa alady. Jan jylýy men qam­qorlyqqa zárý jandarǵa kómektesedi. «Egemen-aqparat»