Qazaqstan Respýblıkasy Úkimetiniń qaýlysy №245

2016 jylǵy 25 sáýir,   Astana, Úkimet Úıi «Úkimettik boryshtyń jáne jergilikti atqarýshy organ boryshynyń lımıtin, memlekettik kepildikter men memleket kepilgerlikterin berý lımıtterin aıqyndaý erejesin bekitý týraly» Qazaqstan Respýblıkasy Úkimetiniń  2009 jylǵy 15 maýsymdaǵy №906 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Úkimettik boryshtyń jáne jergilikti atqarýshy organ boryshynyń lımıtin, memlekettik kepildikter men memleket kepilgerlikterin berý lımıtterin aıqyndaý erejesin bekitý týraly» Qazaqstan Respýblıkasy Úkimetiniń 2009 jylǵy 15 maýsymdaǵy №906 qaýlysyna mynadaı ózgerister men tolyqtyrý engizilsin: kórsetilgen qaýlymen bekitilgen Úkimettik boryshtyń jáne jergilikti atqarýshy organ boryshynyń lımıtin, memlekettik kepildikter men memleket kepilgerlikterin berý lımıtterin aıqyndaý erejesinde: 3 jáne 3-1-tarmaqtar mynadaı redaksııada jazylsyn: «3. Tıisti qarjy jylyna arnalǵan úkimettik borysh lımıti osy Erejege 1-qosymshaǵa sáıkes josparlanatyn qarjy jylynyń aldyndaǵy jyldyń sońyndaǵy úkimettik borysh lımıtine, josparlanatyn qarjy jylynda valıýtalardy aıyrbastaýdyń eseptik baǵamyn esepke alýmen, respýblıkalyq bıýdjettiń tapshylyǵyn ishki naryqtaǵy úkimettik qaryz alý jáne syrtqy naryqtaǵy úkimettik qaryz alý esebinen qarjylandyrýdyń jalpy kólemine súıene otyryp qalyptastyrylady jáne respýblıkalyq bıýdjet komıssııasynyń qaraýyna engiziledi. 3-1. Úkimettik borysh lımıtin naqtylaý josparlanatyn qarjy jylyna belgilengen respýblıkalyq bıýdjet tapshylyǵynyń kólemi nemese valıýtalardy aıyrbastaýdyń eseptik baǵamy ózgergen jaǵdaılarda, respýblıkalyq bıýdjetti tıisti qarjy jyly ishinde naqtylaý kezinde júrgiziledi.»; mynadaı mazmundaǵy 3-2-tarmaqpen tolyqtyrylsyn: «3.2. Josparlanatyn qarjy jylyna arnalǵan respýblıkalyq bıýdjetti ázirleý barysynda kózdelgen teńgeniń AQSh dollaryna eseptik baǵamyna qatysty valıýtalardy aıyrbastaýdyń naryqtyq baǵamy ózgergen jaǵdaıda, úkimettik borysh lımıti asyp túsýi múmkin.»; 6, 7, 8 jáne 8-1-tarmaqtar mynadaı redaksııada jazylsyn: «6. Oblystardyń, respýblıkalyq mańyzy bar qalanyń, astananyń jergilikti atqarýshy organdarynyń qaryz alýy Qazaqstan Respýblıkasynyń Úkimetinen qaryz alý túrinde júzege asyrylǵan jaǵdaılarda borysh lımıti josparlanatyn qarjy jylynda qaryz alýdy jáne qarajat kólemin eskere otyryp qalyptastyrylady; 7. Respýblıkalyq mańyzy bar qalanyń, astananyń jergilikti atqarýshy organdarynyń qaryz alýy Qazaqstan Respýblıkasynyń Úkimetinen qaryz alý jáne respýblıkalyq mańyzy bar qalanyń, astananyń jergilikti atqarýshy organdarynyń respýblıkalyq mańyzy bar qala, astana bıýdjetiniń tapshylyǵyn qarjylandyrý úshin ishki naryqtaǵy aınalym úshin memlekettik baǵaly qaǵazdar shyǵarýy túrinde, sondaı-aq memlekettik jáne úkimettik baǵdarlamalardy iske asyrý sheńberinde turǵyn úı qurylysyn qarjylandyrýǵa ishki naryqtaǵy aınalym úshin oblystardyń, respýblıkalyq mańyzy bar qalanyń, astananyń jergilikti atqarýshy organdarynyń memlekettik baǵaly qaǵazdar shyǵarýy túrinde júzege asyrylǵan jaǵdaılarda: 1) borysh lımıti oblystyń, respýblıkalyq mańyzy bar qalanyń, astananyń jergilikti atqarýshy organy usynǵan óz boryshtaryna derbes qyzmet kórsetý jáne olardy óteý múmkindiginiń eseptemeleri eskerile otyryp qalyptastyrylady; 2) lımıtti esepteý oblystyń, respýblıkalyq mańyzy bar qalanyń, astananyń jergilikti atqarýshy organy bıýdjetiniń bıýdjettik alyp qoıýlardy shegergende, salyqtyq jáne salyqtyq emes túsimder men negizgi kapıtaldy satýdan túsetin túsimderdiń kólemine sáıkes keletin kiristerine (budan ári - menshikti kirister) negizdele otyryp júzege asyrylady. 8. Memlekettik josparlaý jónindegi ortalyq ýákiletti organ bıýdjetti atqarý jónindegi ýákiletti organmen kelisim boıynsha osy Erejege 2-qosymshaǵa sáıkes formýlalar boıynsha oblystardyń, respýblıkalyq mańyzy bar qalanyń, astananyń jergilikti atqarýshy organdary boryshynyń josparlanatyn qarjy jylyna arnalǵan lımıtin josparlanatyn jyldyń aldyndaǵy jyldyń 15 tamyzyna deıingi merzimde aıqyndaıdy. 8-1. Jergilikti atqarýshy organdar boryshynyń lımıtin naqtylaý bıýdjettik ólshemder ózgergen jaǵdaıda, respýblıkalyq jáne jergilikti bıýdjetterdi tıisti qarjy jyly ishinde naqtylaý kezinde júrgiziledi.»; kórsetilgen Erejege 2-qosymshada: 1, 2-tarmaqtar mynadaı redaksııada jazylsyn: «1. Oblystardyń, respýblıkalyq mańyzy bar qalanyń, astananyń jergilikti atqarýshy organdary boryshynyń josparlanatyn kezeńge arnalǵan lımıti mynadaı formýlaǵa sáıkes aıqyndalady: Lslg = Dlg + BdefLg + Ss – Plg, munda Dlg - oblystyń, respýblıkalyq mańyzy bar qalanyń, astananyń jergilikti atqarýshy organynyń josparlanatyn qarjy jylynyń basyndaǵy boryshy; BdefLg - bıýdjettik zańnamaǵa sáıkes josparlanatyn qarjy jylynda belgili bir maqsattardy iske asyrý úshin respýblıkalyq bıýdjetten beriletin qaryzdar; Ss - oblystyń, respýblıkalyq mańyzy bar qalanyń, astananyń jergilikti atqarýshy organynyń josparlanatyn qarjy jylynda shyǵarýy boljanatyn memlekettik baǵaly qaǵazdarynyń kólemi; Plg - oblystyń, respýblıkalyq mańyzy bar qalanyń, astananyń jergilikti atqarýshy organynyń josparlanatyn qarjy jylynda boryshqa qyzmet kórsetýge jáne ony óteýge jumsalatyn qarajatynyń kólemi. 2. Aıqyndalatyn lımıt mynadaı talapqa sáıkes bolýy tıis: Lslg < MahL, munda Lslg - oblystyń, respýblıkalyq mańyzy bar qalanyń, astananyń jergilikti atqarýshy organy boryshynyń josparlanatyn qarjy jylyndaǵy óziniń menshikti kiristerine qatysty lımıti; MahL - oblystyń, respýblıkalyq mańyzy bar qalanyń, astananyń jergilikti atqarýshy organy boryshynyń eń joǵary lımıti, búl onyń menshikti kiristeri kóleminiń 75%-yn quraıdy.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV