Qazaqstan Respýblıkasy Qarjy mınıstrliginiń buıryǵy №231

2015 jylǵy 30 naýryz,  Astana qalasy Mindetti aýdıt júrgizetin aýdıtorlyq uıymdarǵa qoıylatyn eń az talaptardy  bekitý týraly «Aýdıtorlyq qyzmet týraly» Qazaqstan Respýblıkasynyń 1998 jylǵy 20 qarashadaǵy Zańynyń 7-baby 1-2) tarmaqshasyna sáıkes buıyramyn: 1. Qosa berilip otyrǵan mindetti aýdıt júrgizetin aýdıtorlyq uıymdarǵa qoıylatyn eń az talaptary bekitilsin. 2. Qazaqstan Respýblıkasy Qarjy mınıstrliginiń Býhgalterlik esep pen aýdıt ádisnamasy departamenti (A.T. Bekturova) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin. 3. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Mınıstr B.SULTANOV. «KELISILDI» Qazaqstan Respýblıkasy Ulttyq bankiniń tóraǵasy ________________ Q.Kelimbetov 2015 jylǵy 26 naýryz Qazaqstan Respýblıkasy Qarjy mınıstriniń 2015 jylǵy 30 naýryzdaǵy №231 buıryǵymen bekitilgen Mindetti aýdıt júrgizetin aýdıtorlyq uıymdarǵa qoıylatyn eń az talaptar 1. Osy mindetti aýdıt júrgizetin aýdıtorlyq uıymdarǵa qoıylatyn eń az talaptar (budan ári – Eń az talaptar) «Aýdıtorlyq qyzmet týraly» Qazaqstan Respýblıkasynyń 1998 jylǵy 20 qarashadaǵy Zańyna sáıkes ázirlendi jáne uıymdarǵa mindetti aýdıt júrgizýge jiberiletin aýdıtorlyq qoıylatyn uıymdarǵa eń az talaptardy belgileıdi. 2. Uıymdarǵa mindetti aýdıt júrgizý úshin aýdıtorlyq qyzmetti júzege asyrýǵa lısenzııasy bar aýdıtorlyq uıym mynadaı: 1) múshesi aýdıtorlyq uıym bolyp tabylǵan ótkizilgen syrtqy sapany baqylaýdyń nátıjeleri boıynsha aýdıtorlyq uıymnyń halyqaralyq aýdıt standarttary jáne Etıka kodeksi talaptarynyń saqtalýyn rastaıtyn akkredıttelgen kásibı aýdıtorlyq uıymnyń qorytyndysynyń bar bolýy; 2) sońǵy bir jyl ishinde «Ákimshilik buzýshylyqtar týraly» Qazaqstan Respýblıkasynyń 2014 jylǵy 5 shildedegi kodeksine sáıkes aýdıtorlyq qyzmet týraly zańnamany buzǵany úshin salynǵan ákimshilik jazanyń bolmaýy eń az talaptarǵa sáıkes keledi. 3. Ulttyq kompanııalardyń, ulttyq holdıngterdiń jáne ulttyq basqarýshy holdıngterdiń mindetti aýdıtin júrgizý úshin aýdıtorlyq uıym Eń az talaptaryna qosymsha mynadaı: 1) aýdıtorlyq uıym basshysynyń aýdıtorlyq qyzmetpen shuǵyldaný merzimi keminde 5 (bes) jyl bolýy; 2) keminde 10 (on) aýdıt júrgizilgen sýbektilerdiń halyqaralyq qarjylyq eseptilik standarttaryna sáıkestigine aýdıtorlyq esepteriniń bolýy; 3) kásibı býhgalter sertıfıkaty bar keminde 2 (eki) mamannyń bolýy eń az talaptarǵa sáıkes keledi. 4. Qarjylyq uıymdardyń jáne «Qazaqstan Damý Banki» aksıonerlik qoǵamynyń mindetti aýdıtin júrgizý úshin aýdıtorlyq uıym osy Eń az talaptardyń 2 jáne 3-tarmaqtarynda kózdelgen eń az talaptardan basqa quramynda: 1) top jetekshisi etip taǵaıyndalatyn «aýdıtor» degen biliktilik kýáligi jáne sońǵy bes jyldyń 3 (úsh) jyl ishinde qarjylyq uıymdardyń aýdıti salasynda jumys tájirıbesimen birge aýdıtorlyq biliktilik kýáligi bar maman; 2) býhgalterlik esep jáne (nemese) aýdıt salasynda Certified Public Accountant (CPA), The Association of Chartered Certified Accountants (ACCA), The Chartered Institute of Management Accountants (CIMA), The Institute of Chartered Accountants in England and Wales (ICAEW) birinde tolyq biliktigi bar, nemese sońǵy bes jyldyń 2 (eki) jyl ishinde qarjylyq uıymdardyń aýdıti salasynda jumys tájirıbesimen birge «aýdıtor» biliktigi bar keminde 2 (eki) qyzmetkeriniń bolýy. Qarjylyq qyzmetter kórsetetin ulttyq kompanııalardyń, ulttyq holdıngterdiń jáne ulttyq basqarýshy holdıngterdiń mindetti aýdıtin júrgizý kezinde osy tarmaqtyń talaby qoldanylmaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10875 bolyp engizildi.