Qazaqstan Respýblıkasy Qarjy mınıstrligi №213, №247 BIRLESKEN BUIRYQ

Qazaqstan Respýblıkasy Qarjy mınıstrligi 2015 jyly 26 naýryz                 №213               Astana qalasy Qazaqstan Respýblıkasy Ulttyq ekonomıka mınıstrligi 2015 jyly 26 naýryz                   №247                   Astana qalasy BIRLESKEN BUIRYQ Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý qaǵıdasyn bekitý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 192-babynyń 8-tarmaǵyna sáıkes, buıyramyz: 1. Qosa berilip otyrǵan Keden odaǵynyń kedendik shekarasy arqyly avtomobıl ótkizý pýnktterinde sanıtarııalyq-karantındik baqylaýdy júzege asyrý qaǵıdasy bekitilsin. 2. «Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý qaǵıdasyn bekitý týraly» Qazaqstan Respýblıkasy Densaýlyq saqtaý mınıstriniń 2011 jylǵy 27 maýsymdaǵy № 422 jáne Qazaqstan Respýblıkasy Qarjy mınıstriniń 2011 jylǵy 29 maýsymdaǵy № 336 birlesken buıryǵynyń (Normatıvtik quqyqtyq aktilerdiń Memlekettik tirkeý tiziliminde 2011 jylǵy 26 shildede № 7086 tirkelgen) kúshi joıyldy dep tanylsyn. 3. Qazaqstan Respýblıkasy Qarjy mınıstrligi Memlekettik kirister komıtetine (D. E. Erǵojın) zańnamamen belgilengen tártipte: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryqty memlekettik tirkeýden ótkizgennen keıin kúntizbelik on kún ishinde merzimdik baspa basylymdarda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýyn qamtamasyz etsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Qarjy mınıstri ____________ B. Sultanov Qazaqstan Respýblıkasynyń Ulttyq ekonomıka mınıstriniń mindetin atqarýshy ______________ M. Qusaıynov Qazaqstan Respýblıkasy Qarjy mınıstriniń 2015 jylǵy 26 naýryzdaǵy №213 jáne Qazaqstan Respýblıkasy Ulttyq ekonomıka mınıstriniń 2015 jylǵy 26 naýryzdaǵy №247 birlesken buıryǵymen bekitilgen Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý qaǵıdasy 1. Jalpy erejeler 1. Osy Keden odaǵynyń kedendik shekarasy arqyly avtomobılmen ótý pýnktterinde sanıtarlyq-karantındik baqylaýdy júzege asyrý qaǵıdasy «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 192-babynyń 8-tarmaǵyna sáıkes ázirlendi jáne Keden odaǵynyń kedendik shekarasy arqyly avtomobılmen ótý pýnktterinde tulǵalarǵa, kólik quraldaryna jáne baqylaýǵa jatatyn taýarlarǵa (júkterge) qatysty sanıtarııalyq-karantındik baqylaýdy júzege asyrý tártibin (budan ári - Qaǵıda) aıqyndaıdy. 2. Osy Qaǵıdada mynadaı uǵymdar paıdalanylady: 1) aqparatpen almasý – osy Qaǵıdaǵa sáıkes júktelgen fýnksııalardy oryndaý barysynda alynǵan Qazaqstan Respýblıkasy Qarjy mınıstrliginiń Memlekettik kirister komıteti (budan ári - QR QM MKK) men Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti (budan ári - QR UEM TQQK) arasynda Qazaqstan Respýblıkasy zańnamasynyń talaptary sheńberindegi málimetterdi berý rásimi; 2) baqylaýǵa jatatyn taýarlar – Keden odaǵyna múshe memleketterdiń zańnamasyna sáıkes memlekettik sanıtarııalyq-epıdemologııalyq qadaǵalaýǵa (baqylaýǵa) jatatyn, adamǵa qaýip tóndiretin taýarlar, hımııalyq, bıologııalyq jáne radıoaktıvti zattar, qaldyqtar jáne ózge de júkter, Keden odaǵynyń kedendik shekarasy arqyly jáne Keden odaǵynyń kedendik aýmaǵyna jyljyıtyn tamaq ónimderi, materıaldar jáne buıymdar; 3) mejeli keden organy – qyzmet óńirinde jóneltýshi keden organy belgilegen taýarlardy jetkizý orny bar ne kedendik tranzıt kedendik rásimin aıaqtaıtyn memlekettik kirister organy jáne (nemese) Keden odaǵyna múshe memlekettiń basqa organy; 4) sanıtarııalyq-karantındik baqylaý – Keden odaǵynyń kedendik aýmaǵyna juqpaly, parazıtarlyq aýrýlardy, sondaı-aq adam densaýlyǵyna yqtımal qaýipti zattardy jáne ónimderdi kirgizýge jol bermeý maqsatynda júrgiziletin Keden odaǵynyń kedendik shekarasy arqyly adamdar men taýarlardy (júkterdi) ótkizý kezinde taýarlardyń (júkterdiń) sanıtarııalyq-epıdemıologııalyq jáne adamdardyń densaýlyq jaǵdaıyna baqylaý. 3. Keden odaǵynyń kedendik aýmaǵy arqyly avtomobılmen ótý pýnktterinde sanıtarııalyq-karantındik baqylaýdy sanıtarııalyq-karantındik baqylaýdy uıymdastyrý úshin qajetti ǵımarattardy, úı-jaılar men qurylystaryn jabdyqtaý men tehnıkalyq jaraqtandyrýǵa qoıylatyn úlgi talaptaryna sáıkes keletin jaǵdaıda memlekettik kirister organdarynyń laýazymdy tulǵalary júrgizedi. 4. Laýazymdy tulǵalar, sanıtarııalyq-karantındik baqylaý fýnksııalaryn júzege asyrý sheńberinde óz qyzmetinde «Keden odaǵynda sanıtarlyq sharalardy qoldaný týraly» Keden odaǵy komıssııasynyń 2010 jylǵy 28 mamyrdaǵy № 299 sheshimin, Qazaqstan Respýblıkasynyń jáne Keden odaǵyna múshe memleketterdiń zańnamasyn basshylyqqa alady. 2. Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý  tártibi jáne MKK men TQQK aýmaqtyq organdarynyń ózara is-qımyly 5. Memlekettik kirister organynyń laýazymdy tulǵalary kólik quraldaryna, konteınerlerge, baqylaýǵa jatatyn taýarlarǵa (júkterge), olar Keden odaǵynyń kedendik aýmaǵyna (aýmaǵynan) kelgen (ketken) kezde sanıtarııalyq-karantındik baqylaý júrgizý sheńberinde: 1) Keden odaǵynyń kedendik shekarasyn kesip ótetin kólik quraldaryn, konteınerlerdi kózben qarap tekserýdi, avtokólik júrgizýshilerine saýalnamany; 2) kólik quraldaryn, konteınerlerdi, onyń ishinde ınfeksııany tasýshylar men ınfeksııany juqtyrǵyshtardyń bar bolýyna (jándikter, tiri jáne ólgen kemirgishterdiń nemese olardyń bolýynyń izi) sanıtarlyq tekserip qaraýdy; 3) avtomobılmen ótý pýnkti basshysynyń sheshimi boıynsha ınfeksııany juqtyrǵyshtar men tasýshylary bar bolǵan jaǵdaıda (jándikter, tiri jáne ólgen kemirgishterdiń nemese olardyń bolýynyń izi) kólik quraldaryn, konteınerlerdi sanıtarııalyq turaqqa jetkizýdi; 4) dezınfeksııalyq, dezınseksııalyq jáne (nemese) deratızasııalyq is-sharalardyń júrgizýin uıymdastyrýdy; 5) naryqta sanıtarııalyq-epıdemıologııalyq qadaǵalaýǵa (baqylaýǵa) jatatyn taýarlarǵa Biryńǵaı sanıtarııalyq-epıdemıologııalyq jáne gıgıenalyq talaptarǵa (budan ári – Biryńǵaı sanıtarııalyq talaptar) jáne (nemese) jańadan qabyldanǵan Eýrazııalyq ekonomıkalyq odaqtyń Tehnıkalyq reglamentterine sáıkes kelmeıtin taýarlardyń aınalymyna jol bermeý maqsatynda KOK sheshimimen bekitilgen Keden odaǵynyń kedendik shekarasynda jáne kedendik aýmaǵynda sanıtarııalyq-epıdemıologııalyq qadaǵalaýǵa (baqylaýǵa) jatatyn taýarlarǵa biryńǵaı tizbege (budan ári – Taýarlardyń biryńǵaı tizbesi) sáıkes Keden odaǵynyń kedendik shekarasyndaǵy avtomobılmen ótý pýnktterinde baqylaýǵa jatatyn taýarlarǵa sanıtarııalyq-karantındik baqylaýdy uıymdastyrýdy; 6) olarǵa qatysty Qazaqstan Respýblıkasynyń Memlekettik sanıtarlyq bas dárigeriniń qaýlysymen ákelýge jáne QR UEM TQQK-ǵa baqylaý nátıjeleri boıynsha aqparatty usynýǵa shekteýleri bar ónimderdi (taýarlardy) ákelýge sanıtarııalyq-karantındik baqylaý júrgizýdi; 7) avtomobılmen ótý pýnktterinde Keden odaǵynyń kedendik shekarasyn kesip ótetin jeke tulǵalarǵa dene qyzýyn qashyqtyqtan ólsheýge arnalǵan jabdyqtyń kómegimen sanıtarııalyq-karantındik baqylaý uıymdastyrýdy júzege asyrady. 6. Sanıtarııalyq-karantındik baqylaýdy júzege asyratyn QR QM MKK men QR UEM TQQK aýmaqtyq bólimsheleri naýqasty nemese ınfeksııalyq aýrýmen (parazıtarlyq) aýyrady dep kúdik týdyrǵan adamdy kólik quralynda jáne (nemese) ótkizý pýnktinde anyqtaǵan jaǵdaıda birlesken jarııalaý shemasyn jáne jedel ózara is-qımyl josparyn bekitedi. 7. QR QM MKK aýmaqtyq bólimsheleriniń avtomobılmen ótý pýnktteriniń laýazymdy tulǵalary jáne QR UEM TQQK-nyń aýmaqtyq bólimsheleri mynadaı jaǵdaılarda: 1) aýrý adamdy nemese ınfeksııalyq (parazıtarlyq) aýrýmen aýyrady dep kúdik týdyrǵan adamdy anyqtaǵan kezde osy buıryqqa 1-qosymshaǵa sáıkes Keden odaǵynyń kedendik shekarasy arqyly avtomobılmen ótý pýnktterinde ózara is-qımyldyń tehnologııalyq shemasyna (budan ári – Tehnologııalyq shema) sáıkes sanıtarııalyq-epıdemııaǵa qarsy (aldynı alý) is-sharalardy ýaqtyly ótkizý úshin; 2) adam densaýlyǵy úshin yqtımal qaýipti baqylaýdaǵy taýarlardy (júkterdi) ákelý qaýipi bolǵan kezde; 3) Keden odaǵyna múshe memleketterde jáne basqa memleketterde epıdemıologııalyq jaǵdaı nasharlaǵan kezde; 4) konsýltatıvtik jáne ádistemelik kómek kórsetý qajet bolǵan jaǵdaıda ózara is-qımylda bolady. 8. QR UEM TQQK-men ózara is-qımyldy qamtamasyz etý maqsatynda, Memlekettik organdardyń biryńǵaı kóliktik ortasynyń arnalary arqyly avtomobılmen ótý pýnktterinde sanıtarııalyq-karantındik baqylaýdy júrgizý týraly aqparatpen almasý uıymdastyrylady. 9. Infeksııalyq jáne parazıtarlyq aýrýlardy, sondaı-aq adam ómiri úshin yqtımal qaýipti zattar men ónimderdi (taýarlardy) ákelýdiń naqty qaýipi týyndaǵan jaǵdaılarda, QR UEM TQQK QR QM MKK-ǵa ınfeksııalyq jáne jappaı ınfeksııalyq emes aýrýlardy ákelýdiń (ýlanýdyń) jáne taralýdyń, adam densaýlyǵy úshin yqtımal qaýipti ónimderdi (taýarlardy) ákelýden aldyn alýǵa baǵyttalǵan tıisti sharalar (budan ári – profılaktıkalyq sharalar) qabyldaý qajettiligi týraly habarlaıdy. QR QM MKK alynǵan aqparatty QR QM MKK-nyń aýmaqtyq bólimshelerine profılaktıkalyq is-sharalardy uıymdastyrý úshin joldaıdy. Sanıtarııalyq-karantındik baqylaýdy júzege asyratyn memlekettik kirister organdarynyń laýazymdy tulǵalary avtomobılmen ótý pýnktterinde QR UEM TQQK aýmaqtyq bólimshelerimen birlesip Keden odaǵynyń kedendik shekarasyna sanıtarııalyq kúzetýdi qamtamasyz etý úshin talap etiletin profılaktıkalyq is-sharalardy júrgizedi. 10. Qazaqstan Respýblıkasynyń zańnamasyn saqtaý jáne Keden odaǵynyń kedendik shekarasy arqyly avtomobılmen ótý pýnktterinde tıisti sanıtarııalyq-karantındik baqylaýdy júrgizý maqsatynda QR UEM TQQK: 1) Keden odaǵynyń kedendik shekarasy arqyly avtomobılmen ótý pýnktterinde turǵan aýdandarda jáne shekaralas aýmaqtarda, adamdardyń ınfeksııalyq aýrýlary paıda bolǵan oshaqtary týraly, sondaı-aq shekaralas aýmaqtarda, sol nemese ózge ónimderdiń lastanǵany nemese ınfeksııalanǵany týraly aqparatty alý kezinde qabyldanýy qajet sharalar, sondaı-aq epıdemıologııalyq qaýiptiń joıylǵany týraly ýaqtyly habarlaıdy; 2) QR QM MKK-ny Qazaqstan Respýblıkasynyń Memlekettik sanıtarııalyq bas dáriger qaýlysynyń kúshin toqtatý nemese joıý týraly ýaqtyly aqparattandyrady. 11. Qazaqstan Respýblıkasynyń zańnamasyn saqtaý jáne Keden odaǵynyń kedendik shekarasy arqyly avtomobılmen ótý pýnktterinde tıisti sanıtarııalyq-karantındik baqylaýdy tıisti júrgizý maqsatynda QR QM MKK: 1) osy Qaǵıdaǵa 2-qosymshaǵa sáıkes aı saıyn QR UEM TQQK-ǵa málimetterdi usynady; 2) sanıtarııalyq-karantındik baqylaýdy júzege asyratyn memlekettik kirister organdarynyń laýazymdy tulǵalarynyń KOK sheshimine sáıkes sanıtarııalyq-karantındik baqylaý boıynsha esepke alý qujattamasynyń júrgizilýin qamtamasyz etedi; 3) KOK sheshimimen bekitilgen nysan boıynsha, sondaı-aq Keden odaǵynyń syrtqy shekarasyndaǵy avtomobılmen ótý pýnktteri bóliginde jıyntyq aqparatty QR UEM TQQK-ǵa usynýdy qamtamasyz etedi; 4) aýrý adamdy nemese Tehnologııalyq shemaǵa sáıkes aýmaqtyń sanıtarııalyq kúzeti boıynsha is-sharalardyń ótkizilýin talap etetin aýrýmen aýyrady dep kúdik týdyrǵan adamdy anyqtaǵan kezde Keden odaǵynyń kedendik shekarasy arqyly avtomobılmen ótý pýnktterinde QR UEM TQQK men QR QM MKK aýmaqtyq bólimsheleriniń jedel ózara is-qımylyn qamtamasyz etedi. Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý qaǵıdasyna 1-qosymsha Keden odaǵynyń kedendik shekarasy arqyly avtomobılmen ótý pýnktterinde ózara is-qımyldyń tehnologııalyq shemasy 1. Keden odaǵynyń kedendik shekarasy arqyly avtomobılmen ótý pýnktterinde memlekettik kirister organdarynyń laýazymdy tulǵalary naýqasty nemese ınfeksııalyq aýrýmen (parazıtarlyq) aýyrady dep kúdik týdyrǵan adamdy anyqtaǵan kezdegi áreketi: 1) Keden odaǵynyń kedendik shekarasy arqyly aýmaqtyq memlekettik kirister organynyń avtomobılmen ótý pýnktiniń basshysyn Keden odaǵynyń kedendik aýmaǵyna kelgen adamdardyń aýrýmen aýyratynyna kúdigi týraly habarlaıdy; 2) jarııalaý shemasyna sáıkes sanıtarııalyq kúzet boıynsha aldyn alý is-sharalaryn júrgizýdi talap etetin aýrýlardyń jaǵdaılary týraly TQQK aýmaqtyq bólimshelerine habarlandyrý; 3) Keden odaǵynyń kedendik shekarasy arqyly aýmaqtyq memlekettik kirister organynyń avtomobılmen ótý pýnkti basshysynyń sheshimi boıynsha kólik quralyn sanıtarııalyq alańǵa ornalastyrýdy uıymdastyrady; 4) kólik quraly boıynsha ótkizýdi jáne júrgizýshiniń, jolaýshylardyń shyǵýyn, bagajdyń, júkterdiń túsýin toqtata turý; 5) shekaralyq jáne kedendik baqylaý júrgizýdi toqtata turý; 6) epıdemıologııaǵa qarsy is-sharalardyń ótkizilýi aıaqtalǵanǵa deıin kólik quralynyń jáne ondaǵy adamdardyń kúzetin qamtamasyz etýdi uıymdastyrady; 7) naýqasty nemese ınfeksııalyq aýrýmen (parazıtarlyq) aýyrady dep kúdik týdyrǵan adamdy anyqtaý orny boıynsha nemese odan ári emdeý-profılaktıkalyq kómek kórsetýmen aınalysatyn mekemege (uıymǵa) aýrý dıagnozyn joıýǵa qajetti merzimge, ol rastalǵan kezde tolyq emdelgenge deıin emdeýge jatqyzýdy uıymdastyrýmen ýaqytsha oqshaýlaýǵa arnalǵan úı-jaıǵa dereý ýaqytsha oqshaýlaý; 8) epıdemıologııalyq kórsetkishter boıynsha sanıtarııalyq-karantındik baqylaýdy júzege asyratyn memlekettik kirister organdarynyń laýazymdy tulǵalaryna shuǵyl jeke profılaktıkany júrgizedi; 9) QR UEM TQQK aýmaqtyq bólimshelerine jáne Emdeý-aldyn alý mekemelerine (budan ári - EPM) shuǵyl habarlaý jáne shaqyrtýdy uıymdastyrady; 10) dezınfeksııany, jándikter nemese kemirgishter anyqtalǵan kezde – kólik quraldardyń, júkterdiń jáne bagajdyń deratızasııasyn, dezınseksııasyn uıymdastyrady; 11) shetel azamattary emdelýge jatqyzýdan bas tartqan jaǵdaıda odan keıingi sharalar Qazaqstan Respýblıkasynyń zańnamasyna sáıkes júzege asyrylady; 12) Keden odaǵynyń kedendik shekarasyn kesip ótetin kólik quralyndaǵy adamda aýrý anyqtalǵan, ne aýrýlardyń qozdyrǵyshtarymen lastanýyna kúdigi bar júkti tapqan jaǵdaıda memlekettik kirister organdarynyń laýazymdy tulǵasy basqa eldiń azamattarynyń (naýqas jáne olarmen baılanysta bolǵan adamdardyń) kirýine, tranzıtpen ótýine, ne óz aýmaǵyna baqylaýǵa jatatyn taýarlardy (ónimderdi) ákelýge tyıym salý týraly sheshim qabyldaıdy; 13) Halyqtyń sanıtarııalyq-epıdemıologııalyq salaýattylyǵyn qamtamasyz etý salasyndaǵy buzýshylyqtardy anyqtaǵan kezde, sondaı-aq ınfeksııalyq aýrýlardyń jáne jappaı ınfeksııalyq emes aýrýlardyń (ýlanýlardyń) naqty týyndaý jáne taralý qaýpi kezinde О́tkizý pýnktterin monıtorıngteýdiń óńirlik basqarmasyna (budan ári – О́PMО́B) dereý habarlaıdy. 2. Kólik quraldaryna jáne jeke tulǵalarǵa sanıtarııalyq-karantındik baqylaý, sondaı-aq qajettilik bolǵan kezde sanıtarııalyq-epıdemıologııaǵa qarsy is-sharalar aıaqtalǵanda, óz fýnksııalaryn júzege asyrý úshin basqa memlekettik baqylaý organdarynyń laýazymdy tulǵalaryna kirýge bolady. 3. Keden odaǵynyń kedendik shekarasyndaǵy ótkizý pýnktterine sanıtarııalyq kúzet boıynsha is-sharalar ótkizýdi talap etetin aýrýdan qaıtys bolǵan kólik quraly kelgen kezde sanıtarııalyq-karantındik baqylaýdy júzege asyratyn laýazymdy tulǵa: aýmaqtyń sanıtarııalyq kúzet boıynsha is-sharalar ótkizýdi talap etetin aýrýlardyń oqıǵalary týraly jarııalaý shemasyn, jáne sanıtarııalyq-epıdemıologııaǵa qarsy is-sharalardyń jedel josparyn qoldanady; jarııalaý shemasyna sáıkes tasymaldaýdyń erekshe sharttaryn saqtaı otyryp, máıithanadan máıitti alýdy jáne tasymaldaýdy uıymdastyrý úshin tıisti qyzmetke habardar etedi; osy Tehnologııalyq shemanyń 1-tarmaǵynda kórsetilgen is-sharalardy júrgizedi. 4. QR UEM TQQK aýmaqtyq bólimsheleriniń áreketi: 1) aýrýdyń epıdemııalyq oshaǵy týyndaýynyń sebepteri men jaǵdaılaryn belgileý, sondaı-aq naýqaspen baılanysta bolǵan jáne (nemese) aýrýǵa (zalaldaný) kúdigi bar adamdardy anyqtaý maqsatymen epıdemıologııalyq tergeý júrgizedi; 2) kelý nemese oqshaýlaý sátinen bastap aýrýdyń ınkýbasııalyq kezeńi ishinde jolaýshylardy, kólik quralynyń júrgizýshilerin, ótkizý pýnktteriniń memlekettik baqylaý organdarynyń laýazymdy tulǵalaryn qosa alǵanda, naýqaspen baılanysta bolǵan adamdarǵa medısınalyq qadaǵalaýdy anyqtaıdy, oqshaýlaıdy jáne (nemese) uıymdastyrady. Oqshaýlaý jáne qadaǵalaý dıagnozdy alǵan jaǵdaıda joıylýy múmkin; 3) naýqaspen baılanysta bolǵan adamdardy keıinnen kólik quralynan ýaqytsha ızolıatorǵa evakýasııalaý úshin saýalnama júrgizedi; 4) zerthanalyq zertteýler júrgizý úshin naýqastardan (aýrýmen aýyratyn kúdigi bar) jáne naýqastarmen (kórsetkishter boıynsha) baılanysta bolǵan adamdardan bıologııalyq materıaldardyń alýyn uıymdastyrady; 5) kemirgishterdiń ólikteri anyqtalǵan kezde zertteý úshin zerthanaǵa irikteýdi jáne jetkizýdi júrgizedi; 6) Halyqtyń sanıtarııalyq-epıdemıologııalyq salaýattylyǵyn qamtamasyz etý salasyndaǵy Keden odaǵyna múshe memleketterdiń zańnamasynyń buzýshylyqtaryn anyqtaǵan kezde, sondaı-aq ınfeksııalyq aýrýlardyń jáne jappaı ınfeksııalyq emes aýrýlardyń (ýlanýlar) naqty týyndaý jáne taralý qaýpi kezinde, sanıtarııalyq-karantındik baqylaýdy júzege asyratyn laýazymdy tulǵa jasaǵan zertteý aktisiniń negizinde Keden odaǵyna múshe memlekettiń ýákiletti organynyń nemese onyń aýmaqtyq bólimsheniń basshysy (onyń orynbasary) 24 saǵattan keshiktirmeı jaýapty tulǵalarǵa belgilengen merzimde ony mindetti oryndaýy úshin: halyqtyń sanıtarııalyq-epıdemıologııalyq salaýattylyǵyn qamtamasyz etý salasyndaǵy anyqtalǵan zańnamanyń buzýshylyqtaryn joıý týraly; ınfeksııalyq aýrýlarmen aýyrǵan naýqastarmen baılanysta bolǵan adamdarǵa zerthanalyq zertteý jáne mundaı tulǵalarǵa medısınalyq qadaǵalaý júrgizý týraly; jappaı ınfeksııalyq emes aýrýlardy (ýlanýlardy) týdyrtýy múmkin baqylaýǵa jatatyn taýarlardyń baǵalaýyn júrgizý týraly; qosymsha sanıtarııalyq-epıdemıologııaǵa qarsy (aldyn alý) is-sharalardy júrgizý týraly; ótkizý pýnktindegi kólik quralyna dezınfeksııa, dezınseksııa jáne deratızasııa boıynsha jumystar júrgizý týraly uıǵarymdardy beredi. Keden odaǵynyń kedendik shekarasy arqyly avtomobılmen ótý pýnktterinde sanıtarııalyq-karantındik baqylaýdy júzege asyrý qaǵıdasyna 2-qosymsha QR UEM TQQK-ǵa QR QM MKK usynatyn málimetter 1. Jóneltýshi keden organynyń ataýy. 2. Keden beketinde deklarasııalanǵan kúni. 3. Kólik quralynyń nómiri. 4. О́tkizýdiń túri (ımport). 5. Mejeli keden organynyń ataýy. 6. Taýarlardy jóneltýshi eldiń ataýy. 7. Taýardy jóneltýshiniń ataýy. 8. Odaq elderi taýarlarynyń mejeli el ataýy. 9. Taýarlardy alýshynyń ataýy. 10. Júk taýarlarynyń salmaǵy. 11. Taýarlar oryndarynyń sany. 12. Syrtqy ekonomıkalyq qyzmettiń taýar nomenklatýrasy boıynsha taýardyń kody. 13. Taýardyń sıpattamasy. Buıryq Qazaqstan Respýblıkasynyń Ádilet mınıstrliginde 2015 jylǵy 30 sáýirde Normatıvtik quqyqtyq kesimderdi memlekettik tirkeýdiń tizilimine №10915 bolyp engizildi.