ALMATY. 1 mamyr. Tolassyz jaýǵan jańbyrdan keıingi sý basqan Alataý aýdanynyń aýmaǵynda qalypqa keltirý jumystary odan ary jalǵasý ústinde. Bul týraly Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady.
Sý basqan aýmaqtyń zardabyn joıýǵa Almaty qalasy boıynsha tótenshe jaǵdaılar departamentiniń órt sóndirý jáne apattyq-qutqarý jumystary qyzmetinen 40 adam, azamattyq qorǵanystyń sýmen qamtý qyzmetinen 46 adam, azamattyq qorǵanystyń ınjenerlik qyzmetinen 26 adam, jylýmen qamtý qyzmetiniń 50 ókili, joldar men kópirler qyzmetinen 120 adam, 20 tehnıka, «Almaty ákimdigi janyndaǵy qutqarý qyzmetinen (109) barlyǵy 30 adam, 8 tehnıka, qurylyqtaǵy áskerler áskerı ınstıtýtynan 161 adam, 5 tehnıka jumyldyryldy.
Zardap shekken aýmaqta budan tys barlyǵy 342 adam men 13 tehnıka birligi jumys istedi.
Jaǵdaı turaqtaldy, sý tolyǵymen ketti. Kósheler tazartylyp, Esentaı ózeni men Qarǵaly ózenderiniń jaǵasyna ınertti materıaldary bar qapshyqtar qoıyldy.
Talǵat Súıinbaı.
Derek, foto: Ishki ister mınıstrligi tótenshe jaǵdaılar komıtetiniń baspasóz qyzmeti.
