Petropavlda «Halyq markasy» jobasy tanystyryldy

PETROPAVL. 3 mamyr. Soltústik Qazaqstan oblysynda jergilikti kásipkerlerge «Halyq markasy» jobasy tanystyryldy. Bul týraly týrızm jáne kásipkerlik basqaramasynyń baspasóz qyzmetine silteme jasaǵan egemen.kz tilshisi habarlady. Astana qalasynan arnaıy kelgen «Halyq markasy» jobasynyń avtory Rımma Tájibaeva jergilikti kásipkerlermen kezdesip, otandyq taýar óndirýshilerdi qoldaý maqsatynda uıymdastyrylatyn jármeńke-kórmeniń ótkizilý barysyna keńinen toqtaldy. Jobanyń basty maqsaty – otandyq taýar óndirýshilerdi qoldaý jáne óz ónimimizdiń básekege qabilettiligin arttyrý. Rımma Tájibaevanyń aıtýynsha, ústimizdegi jyldyń 6 shildesi kúni Astana qalasynda Memleket basshysynyń qatysýymen jármeńke-kórme ótedi. Otandyq kásipkerlerdiń farmasevtıka, turmystyq zattar men týrızm, azyq-túlik, qolóner buıymdary boıynsha 7 seksııada óz ónimderin jurtshylyq nazaryna usynýǵa múmkindikteri bar. Qatysýǵa nıetti kompanııalar «Halyq markasy» belgisin alýy tıis. Jármeńke-kórmede satylatyn ónimder qazaqstandyq tutynýshylarǵa qoljetimdi bolmaq. Kórme bir jyl boıy ótedi. Soltústikqazaqstandyq kásipkerlerdi kórmege shaqyra kelgen joba avtory búgingi tańda bizdiń óńirden 50 kompanııa bul sharaǵa ynta bildirgenin, negizinen, jeńil ónerkásip pen azyq-túlik ónimderin óndiretin, jıhaz jasaýmen aınalysatyn kompanııalar tarapynan qyzyǵýshylyq basym ekenin jetkizdi. О́mir Esqalı. Derek: Soltústik Qazaqstan oblysy týrızm jáne kásipkerlik basqarmasynyń baspasóz qyzmeti. Foto: etoday.kz.