ASTANA. 3 mamyr. Almatyda qazaq kúresinen «Almaty barysy» týrnıri aıaqtaldy. Oǵan 24 palýan qatysty. Bul týraly egemen.kz tilshisi habarlady.
Týrnırde dzıýdodan 2014 jylǵy Qazaqstan chempıony Vıktor Demıanenko (105 kılo) «Almaty barysy» atandy. Ol fınalda qazaq kúresinen sport sheberine úmitker, 2013 jylǵy jastar arasyndaǵy Qazaqstan chempıonatynyń júldegeri Baýyrjan Qabaıdy jeńdi. Týrnır sońynda oǵan Almaty qalasynyń ákimi, qalalyq qazaq kúresi federasııasynyń prezıdenti Baýyrjan Baıbek altyn belbeý men Lada Priora avtokóliginiń kiltin tabys etti. Kúmis júldeger Baýyrjan Qabaıǵa 1 000 000 teńge tabys etildi. Úshinshi oryndy 2011 jylǵy dzıýdodan Qazaqstan chempıonatynyń júldegeri Aqjol Medetov (110 kg) ıelendi. Oǵan 500 000 teńge syıaqy berildi.
Endi Vıktor Demıanenko men Baýyrjan Qabaı Astana qalasynda ótetin «Qazaqstan barysy» týrnırine qatysatyn bolady.
Dastan Kenjalın.
Derek, foto: Almaty qalasynyń dene shynyqtyrý jáne sport basqarmasy.
