ESCAP-tyń Almatydaǵy basqosýy

Ál-Farabı atyndaǵy QazUÝ-diń «Ǵylymı kitaphanasynda» Qazaqstan Respýblıkasy Tuńǵysh Prezıdenti – Elbasynyń qory men ál-Farabı atyndaǵy Qazaq ulttyq ýnıversıtetiniń qoldaýymen BUU-nyń Azııa jáne Tynyq muhıt aımaǵyndaǵy ekonomıkalyq jáne áleýmettik keńesiniń (ESCAP): «Azııa jáne Tynyq muhıt aımaqtarynda ekonomıkalyq jáne áleýmettik zertteýdi iske qosý: 2016 jyl»  atty dóńgelek ústel ótti. Ekonomıkalyq turǵydan ma­ńyzdy bul is-shara, tek bizdiń elimizde ǵana emes, buǵan deıin Azııa­nyń birqatar elderinde ótkizil­genin atap ótýge tıistimiz. ESCAP BUU-nyń álemdik aımaq­tar­daǵy ekonomıkalyq jáne áleý­met­tik salany qamtıtyn bes uıy­mynyń biri sanalady.  Shtab-páterleri Bangkokta (Taıland) ornalasqan. Jıyn barysynda, Qazaqstan Respýblıkasy Tuńǵysh Prezıdenti – Elbasy qorynyń atqarýshy dırek­tory Almaty bólimshesiniń oryn­basary Sergeı Toktarov,  Birikken Ulttar Uıymynyń jalpy jáne ESCAP-tyń hatshysy Shah­mad Aktar arnaıy daıyn­dalǵan beınematerıaldar álem jáne Azııa aımaǵyndaǵy elder­diń búgingi ekonomıkalyq hal-ahýa­ly týraly baıandady. Soltús­tik jáne Ortalyq Azııa aımaǵyn­daǵy ESCAP bıýrosynyń keńes­sh­isi Nıkolaı Pomoshnıkov, Qazaq­stan Respýblıkasy Syrtqy ister mınıstrliginiń Alma­ty qalasyndaǵy ókili Dıdar Já­kenov, Almaty qalasy ákimdiginiń «Al­maty qalasyn damytý orta­lyǵy» AQ-tyń vıse-tóraǵasy Aıdos Jeksenbaı, Qazaqstan Res­pýb­lıkasynyń Ulttyq banki zertteý jáne statıstıka departamentiniń dırektory Vıtalıı Týtýshkın  baıandama jasap, esep berdi. Qazirgi Qazaqstan ekono­mı­kasynyń qaryshty alǵa basýyna álemdik daǵdarys keri áserin tıgiz­beı jatqan joq. Osy týraly ortaq pikirler nazarǵa usy­nyldy. Kórshiles Qytaı jáne Reseı memleketterimen ekono­mı­kalyq baılanystardyń kókjıe­gine sholý jasaldy. Sonymen qatar, Azııa elderiniń mádenı jáne ekonomıkalyq tyǵyz baıla­nysta bolýy qandaı da bir qıyn­shy­lyqtardy joıýǵa múmkindik beretindigi týraly da keleli oılar ortaǵa salyndy. Qymbat TOILYBAI, jýrnalıst