Qazaqstandyq aspazshylar

AQSh-ta ótken ulttyq taǵamdar festıvaline qatysty AQSh-tyń Nıý-Iork qala­synda ulttyq taǵamdar festıvali uıymdastyrylyp, sharaǵa elimiz­diń barmaǵynan bal tamǵan aspazshylary qatysyp qaıtty. Olar festıvalda qazaqtyń dámdi ári qunarly alýan túrli ulttyq taǵam­daryn daıyndaǵan. Qazy-qarta men jal-jaıa asqan. Sondaı-aq, baýyrsaq pisirip, sheteldikterge usynǵan. Tipti, olar qazan-qazan qýyrdaq ta jasapty. Degenmen, aspazdarmyzdyń bul sapary synaqqa toly bolǵanǵa uqsaıdy. – AQSh pen Qazaqstandaǵy azyq-túlik pen kókónisterdiń arasyn­da aıyrmashylyq jeterlik eken. Tuzy tatymsyz, qanty dámdi, buryshy ashy emes. Al et pen balyqtan shópterdiń dámi shyǵady. Bizde ettiń de, balyqtyń da dámi basqasha. Biz úshin bastysy un boldy. Bul jaqtyń uny da bólek. Qınalǵanymyzdy bilseńizder! Aqyrynda unnyń birneshe túrin alyp baýyrsaq pen shelpek, ettiń qamyryn ılep kórdik. Tyrysyp baqtyq, – deıdi Syrtqy ister mınıstrliginiń bas aspazy Elmurat Ysqaqov. Aspazshylarymyz baıqaýda 8 túrli ystyq, 12 salqyn tamaq, salattyń 4 túrin ázirlegen. So­nymen qatar, sirne, ystalǵan qozy­nyń eti, bekire daıyndap, qa­zaqtyń qonaqjaılylyǵyn, ult­tyq taǵamdarǵa baı ekenin kór­setken. Aıtpaqshy, olar qurt, jent, irimshik sekildi sút ónim­derin de kópshilikke usynýdy umyt qaldyrmapty. Bir qyzyǵy, shet­eldikter qazaqstandyqtardyń qolymen ázirlengen taǵamdaryna súısinip, 2017 jyly elimizde ótetin EKSPO kórmesine kelip, Qazaqstandy kózimen kóretinderin jasyrmapty. Talǵat RAIYMBEK, «Egemen Qazaqstan»