Birlik jyry

– Birlik, qaıda barasyń? – Erteńgi kúnin oılaǵan, Toıyn da birge toılaǵan, Kıeli rýhyn joımaǵan, Tatý elge baramyn! – Birlik, qaıda barasyń?! – Sanasy taza bulaqtaı, «Soǵys» sózin unatpaı, Jetim-jesirin jylatpaı Júrgen elge baramyn! – Birlik, qaıda barasyń? – Halqymen baryn bólisken, Babadan mıras jer úshin, Jan berip, qan tógisken, Batyr elge baramyn! – Birlik, qaıda barasyń? – Jer asty, ústi baılyǵyn, Jeıtin as, isher shaılyǵyn, Ońdy, soldy shashpaǵan, Alpaýyttar aldynda, Oılanbaı jaq ashpaǵan, Baıypty elge baramyn! – Birlik, qaıda barasyń? – Adaldyq pen tazalyq, Úlgili ispen maqtanǵan, Jat ádetten saqtanǵan, Imandy elge baramyn! – Birlik, qaıda barasyń? Salt, dástúrin saqtaǵan, Ata-baba úmitin, Eńbekpen adal aqtaǵan, Erlerin qoldap, jaqtaǵan, Kórgendi elge baramyn! – Birlik, qaıda barasyń? – Erleri etpeı kúnde eges, Birin biri kúndemes, Jan jylýyn syılaıtyn, Jamandyqqa qımaıtyn, Izetti elge baramyn! – Birlik, qaıda barasyń? Ádepsiz ispen basynsa, Tártipke salar jasynsha, Jaqsy iske erigen, Samarqannyń tasynsha, Uıymshyl elge baramyn. – Birlik, qaıda barasyń? – Jarqyraǵan juldyzy, Inabatty ul, qyzy, Kóńilindeı ashyq aspany, Oıyna da almaıtyn, Izgilikten basqany, Shattyqqa toly ár kúni, О́rlegen damý qarqyny, Tynysh elge baramyn! Uly Dala eliniń, Yntymaq bolǵan urany, Birligi ketpeı máńgilik, Taýsylmaǵaı jyr, áni! Senbek SANSYZBAIULY ASTANA