Bizde irgetasy myqty birlik bar

Ár merekeniń ózin­dik ereksheligi bar. Biz­diń bala kezimiz­de 1 ma­myr Eńbekshiler­diń halyqaralyq yn­ty­maqtastyǵy kúni retin­­de atalyp ótetin edi. Beıbit sherýler ótkizý dástúri qalyp­tasqan-tyn. Al elimiz táýel­sizdigin alǵan soń, meıramdar men eleýli datalar jańa turǵyda alynyp, arnaıy zań qabyldandy. Aıtalyq, 2001 jylǵy 13 jel­toqsanda qabyldanǵan «Qazaqstan Respýblıkasyndaǵy merekeler týraly» zańnyń 3-babynda memlekettik merekeler atap kórsetilgen. Sonyń ishinde 1 mamyr – Qazaqstan halqynyń bir­ligi kúni merekesi ekeni naqty jazýly tur. Men muny dostyq pen yntymaqtyń, baılyq pen berekeniń, ultaralyq tatýlyq pen qoǵamdyq kelisimniń meıramy dep esepteımin. О́ıtkeni, osy uǵymnyń bári eldiń birliginen týyndaıdy. Jalpy, ár otbasy úshin Qazaq­stan halqynyń birligi merekesiniń orny bólek. Bul – janymyzǵa shýaq, boıymyzǵa qýat syılaıtyn, árbir azamattyń patrıottyq sezimin arttyratyn meıram. Birlik kúni degenniń maǵynasyn qazir tipten tereńirek uǵyna tústik. О́ıtkeni, biz – 130-dan astam ult pen ulysty birtutas halyqqa aınaldyra bilgen memlekettiń azamattarymyz. Elbasymyz el­diń birligi barlyq bastamanyń, jetistikterdiń, eren eńbekterdiń eń basty negizi, irgetasy ekenin únemi atap ótedi. Negizinen bir ulttyń ókilderi turatyn elderde kóp qıyndyq týa qoımaıtyny belgili. Sol eldegi halyqtyń tili, salt-dástúri, dini qalyptasqan jaǵdaıda damı beredi. Mysaly, Koreıada solaı. Al bizde 130-dan astam ult pen ulystyń ózindik salt-dástúri, dinı kózqarastary ártúrli, dili basqa, tipti, ómirdiń bolmysyn qabyldaýda ózindik erekshelikteri bar, nanym-senimderi árqalaı, minez-qulyqtary da bir-birine uq­samaıdy. Sondaı alýan túrli ultty bir shańyraqtyń astyna jınap, Qazaq eliniń birtutas halqyna aınaldyrý ońaı sharýa emes. Bul – úlken eńbekpen, tereń zerdelengen ıdeologııa­nyń negizinde qol jet­kiziletin tabys. Qazaqstan Prezıdenti N.Á.Nazarbaev usyn­ǵan «Máńgilik El» ıdeıasynyń negizgi maq­saty – bolashaǵy birtutas eldi qalyp­tastyrý. Bizde beıbitshilik, kelisim, birlik bar, bir otbasyndaı tatý ómir súrip jatyrmyz. El tarıhy úshin eleýli barlyq mereıtoılardy, halyqtyq jáne memlekettik merekelerdi birge atap ótemiz. Sondyqtan biz úshin halyq birligi kúni erekshe meıram. Mamyrdyń jaımashýaǵyndaı jylylyq syılaıtyn osy merekeniń júrekke qýanysh quıatyn qasıetin sezine bilýimiz qajet. Qazir jumys ornymyzda ártúrli ult ókilderi syılastyqpen birge qyzmet jasaımyz. Dastarqanda birge otyramyz. Balalarymyzdy da keńpeıildi, úlkendi syılaýǵa, adamdy qurmetteýge tárbıelep kelemiz. Urpaǵymyz órkenıetti elde baqytty ómir súrgenin qalaımyz. Birlik, tatýlyq ózinen ózi kele qalmaıdy. El tynyshtyǵyn saqtaýǵa baǵyttalǵan jumystar aı saıyn, kún saıyn, saǵat saıyn toqtaýsyz júrgizile berýi kerek. Ol úshin bizde myqty qalanǵan yntymaqtyń irgetasy bar. Sol irgetasymyzǵa eshqashanda syzat túspesin dep tileımiz. Táýelsiz memleketimizdiń jar­qyn bolashaǵy jolynda bir­tutas halqymyz aıanbaı eńbek etip, birligi arqyly jasampazdyǵyn dáleldep, shyn máninde 2050 jylǵa qaraı álemniń damyǵan 30 eliniń qataryna qosylýyna izgi tilegimizdi bildiremiz. Bizdiń armanymyz da, maqsatymyz da – osy! Roman KIM, Parlament Májilisiniń depýtaty, «Qazaqstan koreıleri qaýymdastyǵy» RQB prezıdenti, Qazaqstan halqy Assambleıasy Keńesiniń múshesi