«Shyǵys» kenshileri balalar úıiniń aýlasyna 70 túp aǵash ekti.

EKIBASTUZ. 27 sáýir. Eýrazııalyq Top (ERG) quramyna kiretin, «Eýroazıattyq energetıkalyq korporasııasy» aksıonerlik qoǵamy «Shyǵys» kenishiniń ardagerleri ata-ananyń qaraýynsyz qalǵan balalarmen birge 50 qaraǵaı men 30 qaıyń otyrǵyzdy. Bul jaıynda kásiporynnyń baspasóz qyzmetine silteme jasaǵan egemen.kz tilshisi habarlady. Qaladaǵy «Úmit» balalar úıiniń aýmaǵyna aǵashtar otyrǵyzýdy «Shyǵys» kenishiniń ardageri E. Borovıkov usyndy. Kásiporynnyń ardagerler uıymy men kásipodaq komıteti bul usynysty qoldaıdy. Bul jaqsy úrdis, dástúr. Balalar úıiniń tárbıelenýshiler endi aǵashtardy sýaryp, kútip baptaıdy. «Endi bizdiń úıimizdiń aýlasy budan da ádemi ári jaıly bolady», – deıdi balarlar úıiniń tárbıelenýshisi Sabına Lekonseva. Kenshiler balalar úıiniń aýlasyna 6 oryndyq jáne qoqys salatyn jáshikter ornatty. «Shyǵys» kenishi 15 jyl boıy «Úmit» balalar úıiniń qamqorshysy, demeýshisi. Olar árdaıym balalardy qoldaıdy. Balalarmen birlesip is-sharalar ótkizedi, qaırymdylyq aksııasyn uıymdastyrady, al eń bastysy balalar úshin eń senimdi dostar. Farıda Byqaı. Derek, foto: egemen.kz.