Sý qoımalaryna 24 mıllıon rıpýs tuqymdy shabaq jiberildi

PETROPAVL. 4 mamyr.  «Veısa» apparatynda rıpýs tuqymdy dernásilder jasandy jolmen uryqtandyrylyp,  alty aıdan keıin  sýǵa jiberilip otyrady. Bul týraly egemen tilshisi habarlady. «Búgingi kúni  sıg tuqymdy 55 mıllıon  shabaq ósirilip, onyń 48 mıllıony Sergeev sý qoımasyna jiberildi», –  deıdi Petropavl balyq pıtomnıginiń dırektory Erjan Jumabaev. Onyń sózine qaraǵanda,  bıyl óńirdegi ózen-kólderge tuqy jáne albyrt tuqymdy 96 mıllıon dernásildi taratý josparlanǵan. Bul jumystardy atqarýǵa  el qazynasynan 58 mıllıon teńge qarajat bólingen. Basty maqsat – sý asty jándikteriniń sanyn kóbeıtý. Soltústik Qazaqstan oblysyndaǵy «Qazaq balyq sharýashylyǵy ǵylymı-zertteý ınstıtýty» fılıalynyń zerthana meńgerýshisi Vıktor Fefelovtiń  aıtýynsha, rıpýs tuqymdy balyqtar óte ósimtal ári  naryqta baǵaly. О́ńirde sýly da nýly jerler kóp. Bul shabaqtardyń ómir súrip ketýlerine qolaıly. Petropavl balyq pıtomnıgi memlekettik tapsyrys aıasynda óńirdegi sý qoımalaryna 40 mıllıon karp shabaqtaryn jiberýdi de kózdep otyr. О́mir Esqalı. Derek: egemen.kz. Foto: azattyq.org.