Parlament

Jurtshylyqpen jumys babyndaǵy júzdesýler Parlament Májilisi Tór­aǵasynyń orynbasary Vladı­mır Bojko men Májilis depýtaty Iýrıı Tımoshenko Almaty oblysynyń jurtshylyǵymen júzdesti. Tekeli qalasyndaǵy slavıan etno­mádenı birlestigi ókilderimen, jas­tar qoǵamdyq keńesi múshelerimen, sondaı-aq, Kóksý aýdanyndaǵy birqatar etnomádenı birlestikter ókilderimen jáne jalpy halyqpen Máńgilik El taqyryby aıasynda keleli áńgime órbidi.  * * * Keshe Kókshetaý qalasyna Parlament Májilisiniń depýtaty Murat Temirjanov jumys saparymen keldi. «Nur Otan» partııasynyń partııalyq tizimimen joǵary ókilettik organǵa saılanǵan jerlesimiz kezdesýdi Abaı Myrzahmetov atyndaǵy ýnıversıtetten bastaýy kóńilge jylylyq uıalatty. О́ıtkeni, «Máńgilik Eldiń» jalaýy bolashaqtyń, elimizdiń irgesin nyqtaıtyn jastardyń qolynda ekendigi belgili. Parlamenttik deńgeıdegi mártebege budan buryn eki ret oblystyq máslıhattyń depýtaty bolyp saılanyp, óz mindetin adal atqarý arqyly joǵary senimge ıe bolǵan jas jigit óz sózin Elbasy N.Nazarbaevtyń «Máńgilik El» ıdeıasyn júzege asyrýdyń asqaraly mindetterinen bastady. «Kúni keshe úlken rýhanı qýatpen atalyp ótken Qazaqstan halqynyń birligi kúni bizdiń kópultty halqymyzdyń mereıli murattar jolynda berik toptasqandyǵyn bildiredi, – dedi Májilis depýtaty. Májilis depýtaty kelesi kezekte jerge qatysty áńgime qozǵady.  Onyń aıtýynsha, sheteldikterge jer eshqashan satylmaıdy. Birikken kásiporyndaǵylarǵa belgilikti merzimge jalǵa berý burynǵy kodekste de qarastyrylǵan edi. Budan halqymyz zııan kórip otyrǵan joq. Endigi jerde shetelden ınvestısııa quıylǵan jaǵdaıda aýyl turǵyndary qarsy bola qoımaıdy. Aldymen jer tozbaıdy, bastysy áleýmettik jaǵdaı kóteriletini anyq. Depýtatqa qoıylǵan suraqtar da salmaqty boldy dep oılaımyz. Máselen, jerdi jalǵa berý merzimine qatysty máselege qaratyp, ol elimizdiń bas gazetinde jarııalanǵan aqmolalyq Eńbek Eri Ivan Saýerdiń pikirin ortaǵa saldy. Jerdi burynǵydaı 10 jylǵa emes, 25 jylǵa berý tıimdi. Jerdi 3-5 jyl ıelengen adamda bereke bolmaıdy. Al qazba baılyqtary jerlerin tereń zertteý-barlaýǵa múmkindigi barlar kedergisiz paıdalana alady. * * * Parlament Senatynyń depýtaty Murat Baqtııaruly Qyzyl­orda oblysyna jumys saparymen baryp, Qazaly jáne Aral aýdan­darynyń jurtshylyǵymen kezdesti. Kezdesý barysynda, M.Baqtııaruly «100 naqty qadam» Ult Josparynyń aıasyndaǵy bes ınstıtýttyq reformany iske asyrý barysy týraly áńgimeledi. Senator jınalǵan turǵyndardy Jer kodeksine engizilgen ózgeristerdiń mazmunymen tanystyrdy. Jumys saparynyń baǵdarlamasy aıasynda Murat Baqtııaruly Syrdarııa jáne Jalaǵash aýdandaryndaǵy sharalarǵa qatysatyn bolady. * * * Parlament Senatynyń depýtattary Qaırat Ishanov pen Sár­sen­baı Eńsegenov aımaqtarǵa sapar aıasynda Atyraý oblysynda boldy. Senatorlar Mahambet aýdanyndaǵy Aqtoǵaı aýyly men Inder aýdanyndaǵy О́rlik aýylynda bolyp, aýdan basshylyǵymen, aýdandyq máslıhat depýtattarymen jáne birneshe sharýa qojalyqtarynyń eńbekkerlerimen kezdesti. Júzdesý barysynda Memleket basshysynyń «Nurly Jol» baǵdarlamasy men bes ınstıtýttyq reformasyn iske asyrý jónindegi «100 naqty qadam» Ult Josparyn júzege asyrý jónindegi Senattyń zań shyǵarý jumysy týraly tanystyryldy. Sondaı-aq, Qazaqstan halqy Assambleıasynyń sessııasynda qabyldanǵan «Máńgilik El» patrıottyq aktisiniń mańyzy týraly aıtyldy. Depýtattar Atyraý qalasy aımaǵyndaǵy bekire balyǵyn ósirý zaýytynyń ujymymen kezdesý barysynda elimizdiń 2016-2018 jyldarǵa arnalǵan respýblıka bıýdjetine engizilgen ózgerister men tolyqtyrýlarǵa toqtalyp, balyq sharýashylyǵyn órkendetýdiń ózekti máseleleri týraly oılaryn ortaǵa saldy. * * * Parlament Senatynyń depýtattary Asqat Kúzekov, Manap Kóbe­nov pen Vladımır Bobrov Pavlodar oblysynda jumys babyndaǵy sa­parmen boldy. 3 mamyrda senatorlar A. Kúzekov pen M. Kóbenov Baıanaýyl aýdanynda qoǵam qaıratkerlerimen, aqsaqaldarmen, ákimdik qyzmetkerlerimen jáne kásiporyndar basshylarymen kezdesý barysynda Jer kodeksindegi ózgerister týraly áńgimelep, jer qatynastaryna qatysty ózekti máselelerdi túsindirdi. * * * Senator Olga Perepechına Soltústik Qazaqstan oblysy, Qyzyl­jar aýdany, Vodoprovodnyı aýylyndaǵy «Janbaı» jáne Novoka­menka aýylyndaǵy «Karasev jáne K» JShS eńbek ujymdarymen kezdesti. Depýtat kezdesýlerde «Jer kodeksine ózgerister men tolyq­ty­rýlar engizý týraly» zańnyń erejelerin túsindirdi. Kezdesý bary­­syn­da aýyl sharýashylyǵyna arnalǵan jerlerdi tıimdi jáne jańa­shyl­dyqpen paıdalaný, jer telimin paıdalaný maqsatyn almastyrý rásimderin ońaılatý sekildi máseleler egjeı-tegjeıli talqylandy. Senator eńbekkerlerge «100 naqty qadam» Ult Josparyn iske asyrý aıasynda Parlamenttiń zań shyǵarý jumysy týraly da aıtty. Depýtat, sondaı-aq, Ulttyq banktiń Soltústik Qazaqstan oblystyq bólimshesiniń basshylyǵymen jáne aımaqtyq «Tutynýshylar men kásipkerlerdi qorǵaý assosıasııasynyń» tóraǵasymen kezdesti. Júzdesýler barysynda «Kollektorlyq qyzmet týraly», «Qazaqstan Respýblıkasynyń keıbir zańnamalyq aktilerine kollektorlyq qyzmet máseleleri boıynsha ózgerister men tolyqtyrýlar engizý týraly» zań jobalary, sondaı-aq Jer kodeksiniń negizgi erejeleri sóz boldy. * * * Parlament Senatynyń depýtaty Bektas Beknazarov Jambyl oblysyna jumys saparymen baryp, oblys sýdıalarynyń keńesine qatysty. Shara barysynda Memleket basshysy  Nursultan Nazarbaevtyń  «100 naqty qadam» Ult Josparynyń aıasynda sot-quqyq júıesin jań­ǵyrtý máseleleri talqylandy. B.Beknazarov óz sózinde reformalar azamattardyń  quqyqtary men bostandyqtaryn qorǵaýǵa baǵyttal­ǵanyn, zańdardy saqtaýdyń jáne quqyqtyq tártipti nyǵaıtýdyń qajet­tigin atap ótti. Senator Parlamenttiń Ult Jospary aıasynda jańa  Qylmystyq is júrgizý kodeksin  jáne «Joǵary Sot Keńesi týraly» zań­dy qabyldaǵany, «Sot júıesi men sýdıalar mártebesi týraly» Konstı­týsııalyq zańǵa, Azamattyq is júrgizý kodeksi men Ákimshilik quqyq buzýshylyq týraly kodekske ózgerister engizilgenin habarlady. B.Beknazarov, sondaı-aq, ishki ister departamentinde jáne Jambyl oblystyq prokýratýrasynda ótken kezdesýlerge qatysty. Senator jumys sapary aıasynda Jýaly aýdanynyń jurtshylyǵymen de kezdesedi, dep habarlady Senattyń baspasóz qyzmeti.