Biri jaryq óndirip, biri taýyq ósirmek

Jasyratyny joq, Jambyl óńirine keńinen tanymal «Knaýf­GıpsTaraz» JShS ótken jyly 383,3 mln. teńgeniń gıps ónimderin shyǵaryp, óndiris kólemin bir­shama tómendetip aldy. Bul Se­meı jáne Buqtyrma sement zaýyt­tarynyń gıps alýdan bas tartý saldarynan oryn aldy. Alaıda kásiporyn osy óńirdegi Hantaý sement zaýytymen kelisimshartqa otyryp, 6,2 myń tonna gıps jóneltti jáne basqa da ónim ótkizý múmkindikterin izdestirýde. О́ndiristiń bul salasynda tyń­nan túren salý qajet ekenin túsingen «KazÝpakTreıd» JShS Jambyl aýdanynyń Bektóbe aýylynda gıps zaýytyn salý jobasyn qolǵa aldy. Zaýyttyń jobalyq quny – 1 mlrd. 022 mln. teńgeni quraıdy. Jyldyq qýaty – 180 myń tonna nemese táýligine 450-500 tonna qurylys gıpsin jáne 100 myń tekshe metr gıpsokarton óndiredi. Búginde zaýyt qurylysynyń jobalyq-smetalyq qujattary ázirlenip, memlekettik saraptamasy ekinshi kezeńnen ótti. Zaýyttyń irgetasy qalanyp, metall qurylymdaryn qurastyrý jumystary júrgizilýde. Qazir tabys kilti óndiriske ja­ńa teh­nologııa engizýde bolsa kerek. Oblys ortalyǵymen irgeles jatqan Jambyl aýdanynda «Asa-DAMU» JShS zamanaýı qus fabrıkasyn salyp, jumystaryn osy baǵytta úılestirip jatyr. Kól­­qaınar aýyldyq okrýgi aý­maǵynda ornalasqan bul kásip­oryn bir mezette 316 myń bas taýyq jáne 84 myń bas balapan ósirip, jylyna 90 mln. danaǵa deıin jumyrtqa shyǵaryp, 280 ton­naǵa deıin qus etin óndirýdi kózdeýde. – Osynyń arqasynda «Kaz­ÝpakTreıd» JShS – 70, al, Asa-DAMU» JShS 95 jańa jumys ornyn ashady, – deıdi Jambyl aýdanynyń ákimi Máden Musaev. – «Bıznestiń jol kartasy-2020» baǵdarlamasy sheńberinde óndiris ınfraqurylymyna quny 574,4 mln. teńgeniń jobalyq-smetalyq qujattary men memlekettik saraptamasy ázirlenip, oblystyq aýmaqtyq úılestirý keńesiniń qa­raýyna usynyldy. О́tken jyly aýdanda jalpy tirkelgen 4581 kásipkerlik nysandarynda 6652 adam jumyspen qamtylǵan. Barlyq shaǵyn kásipkerlik salasy boıynsha óndirilgen ónim kólemi 22 mlrd. 905,3 mln. teńgeni qurady. Sondaı-aq, «Jasyl ekonomıkany damytý» tujyrymdamasy sheńberinde Túrksib aýylynda «Kógenhan» JShS 100 MVt-lyq kún elektr stansasynyń qurylysyn bastap ketti. Qazirgi tańda ınvestor tarapynan elek­tr energııasyn óndirýge kvota alyn­ǵan. Jobanyń quny 153,0 mln. eýrony quraıdy. Kelesi jyldyń mamyr aıynda paıdalanýǵa beriletin bul stansada 70 jańa jumys orny ashylatyn bolady. Oralhan DÁÝIT, «Egemen Qazaqstan» Jambyl oblysy