Qunarly jer ıesin tapsyn

Elimiz táýelsizdigine ıe bolyp, derbes memleket bola bastaǵan 1992 jyly sharýa qojalyǵyn qurǵan edim. Sol kez­diń qazirgideı emes, biraz qıyndyqtary bar edi. Alǵashynda memleketten 250 myń teńge sýbsıdııa aldym. Osy qarjyǵa 10 sa­ýyn túıe satyp alyp, sharýa­shylyq ju­my­syn bastaǵan edim. Sodan bergi kezeńde sharýa­shy­lyqty jetil­dirý ju­mys­taryn júrgiz­dik. Árıne, ońaı bolma­dy, biraq shyn nıeti­men eń­bektengen adam qa­shan­da tabysqa jete­ti­nin dáleldep kelemiz. Qazir bizdiń sharýa qoja­ly­ǵymyzda tehnıkalarymyz jetkilikti, jumys jasaıtyn adamdar qatary kóbeıdi. Mahambet aýdanynda sút, shubat, qaımaq, súzbe jáne et satatyn arnaıy dúkenimizdi ashtyq. Jeke ıeligimizde 600 gektar jerimiz bar. Buǵan qosa 1 myń 400 gektar jer aýmaǵyn 49 jylǵa jalǵa alyp otyrmyz. Endi jalǵa alǵan jerimdi 50 paıyzdyq jeńildikpen satyp alýyma jańa múmkindik ashylyp otyr. Bul men sekildi jer­diń qadirin biletin, aýyl sharýashylyǵy salasyn damytýdy maqsat etip, nyq qadam jasaǵan barsha sharýagerlerge qoldaý dep esepteımin. О́ıtkeni, bul másele kóp jyldar boıy osy salaǵa bar kúsh-qýatyn jumsaǵan sharýashylyq ıeleriniń kókeıinde júrgeni de daýsyz. Sonymen birge, jastardy osy salaǵa bet burýǵa yntalandyrýǵa da septigin tıgizedi. Jaqynda bizdiń sharýa qoja­lyǵy­myzǵa eki jas otbasy kelip, jumys jasaýǵa ynta tanytty. Olardyń bul qadamyna qýandym, ári qoldaý bildirýdi ózimniń paryzym dep uǵyndym. Buǵan bólek, Atyraý agrotehnıkalyq kolledjimen kelisim jasap, stýdentterdiń bizdiń sharýashylyqta óndiristik tájirıbeden ótýine qoldaý jasap otyrmyn. Árıne, sharýa qojalyǵyn basqaramyn, tórt túlik malym bar. Tehnıkalar da jetkilikti, alaıda, men sonshalyqty baı adam emespin. Soǵan qaramastan, turmysy tómen eki otbasyna qamqor­lyq tanytýdy qolǵa aldym. Olardyń malyna qys­tyq pishendi daıyndap beremin, qýanyshy men qıyn­dyǵyn birge bólisemin. Tórt túliktiń ónim­derin qoljetimdi baǵamen usynamyn. Meniń basty maqsatym – elimniń tynyshtyǵy men yntymaǵy berik bolýyna, ekonomıkalyq órkendeýine ıneniń jasýyndaı bolsa da úlesimdi qosý. Eń bastysy, ata-babadan qalǵan ulan-ǵaıyr jerimizdiń el ıgiligine qyzmet etkenin qalaımyn. Bizdiń jerimiz bos jatar bolsa oǵan qyzyǵýshylar da, qyzǵanyp qaraýshylar da kóbeıedi. Sol sebepten, aýyl sharýashylyǵy salasyndaǵy qunarly jerlerdiń óz ıesin tapqany jón dep oılaımyn. Máselen, men endi aldaǵy ýaqytta 49 jylǵa jalǵa alǵan jerimdi jeke ıeligime menshikteıtin bolsam, sol jerge kópten oıymda júrgen jylyjaı qury­lysyn júrgizer edim. Sóıtip, sapaly aýylsharýashylyq ónimderin óndirýge batyl kirise alamyn.  Jeńisbaı DOSQAIYROV,  «Dosqaıyrov» sharýa qojalyǵynyń jetekshisi Atyraý oblysy, Mahambet aýdany