Qazaqstan Respýblıkasy Aýyl sharýashylyǵy mınıstrliginiń buıryǵy №18-05/246 2015 jylǵy 19 naýryz,  Astana qalasy

  Balyq sharýashylyǵy sý aıdyndaryn jáne (nemese)  ýchaskelerin erekshe qundy obektilerge jatqyzý, olardyń shekaralaryn belgileý qaǵıdalaryn bekitý týraly «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 73) tarmaqshasyna sáıkes buıyramyn: 1. Qosa berilip otyrǵan Balyq sharýashylyǵy sý aıdyndaryn jáne (nemese) ýchaskelerin erekshe qundy obektilerge jatqyzý, olardyń shekaralaryn belgileý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártipte: 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on kúntizbelik kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy mınıstrliginiń vıse-mınıstrine júktelsin. 4. Osy buıryq alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi. Mınıstr A. Mamytbekov Qazaqstan Respýblıkasy Aýyl sharýashylyǵy mınıstriniń 2015 jylǵy 19 naýryzdaǵy № 18-05/246 buıryǵymen bekitilgen Balyq sharýashylyǵy sý aıdyndaryn jáne (nemese) ýchaskelerin erekshe qundy obektilerge jatqyzý, olardyń shekaralaryn belgileý qaǵıdalary 1. Osy Balyq sharýashylyǵy sý aıdyndaryn jáne (nemese) ýchaskelerin erekshe qundy obektilerge jatqyzý qaǵıdalary (budan ári - Qaǵıdalar) «Janýarlar dúnıesin qorǵaý, ósimin molaıtý jáne paıdalaný týraly» 2004 jylǵy 9 shildedegi Qazaqstan Respýblıkasy Zańynyń (budan ári – Zań) 9-baby 1-tarmaǵynyń 73) tarmaqshasyna sáıkes ázirlengen jáne balyq sharýashylyǵy sý aıdyndaryn jáne (nemese) ýchaskelerin erekshe qundy obektilerge jatqyzý, olardyń shekaralaryn belgileý tártibin anyqtaıdy. 2. Osy Qaǵıdalarda mynadaı uǵymdar paıdalanylady: 1) janýarlar dúnıesin qorǵaý, ósimin molaıtý jáne paıdalaný salasyndaǵy ýákiletti memlekettik organ (budan ári – ýákiletti organ) – janýarlar dúnıesin qorǵaý, ósimin molaıtý jáne paıdalaný salasyndaǵy basshylyqty, sondaı-aq óz ókilettikteri sheginde salaaralyq úılestirýdi júzege asyratyn ortalyq atqarýshy organ; 2) aýmaqtyq bólimsheler – ýákiletti organ vedomstvosynyń aýmaqtyq bólimsheleri. 3. Balyq sharýashylyǵy úshin erekshe qundy mańyzy bar, olarda sharýashylyq jáne ózge de qyzmettiń retteletin rejımi belgilenetin sý obektileri nemese olardyń bólikteri, irgeles jaǵalaý aýmaǵymen shekteýli akvatorııalar (serýendeý oryndary, qystaý shuńqyrlary, ýyldyryq shashatyn jáne janýarlar túrleriniń tabıǵı jaǵdaılarda tabıǵı jolmen kóbeıý oryndary) balyq sharýashylyǵynyń erekshe qundy sý aıdyndary jáne (nemese) ýchaskeleri bolyp tabylady. 4. Erekshe qundy balyq sharýashylyǵy sý aıdyndary jáne (nemese) ýchaskeleri mynadaı maqsattardy iske asyrý úshin belgilenedi: 1) balyqtardyń kásipshilik túrleriniń jáne basqa da sý janýarlarynyń tabıǵı molaıýyn qoldaý; 2) balyqtardyń jáne basqa da sý janýarlarynyń bıologııalyq ártúrliligin saqtaý; 3) sırek kezdesetin jáne quryp ketý qaýpi tóngen balyq túrlerin jáne basqa da sý janýarlaryn saqtaý; 4) serýendeý, ýyldyryq shashý oryndaryn, óris aýdarý joldaryn, qystaý shuńqyrlaryn saqtaý. 5. Balyq sharýashylyǵy sý aıdyndaryn jáne (nemese) ýchaskelerin erekshe qundylarǵa jatqyzý jáne olardyń shekaralaryn belgileý, sondaı-aq ýchaskelerdiń bekitilgen shekaralaryn túzetý, ózgertý jóninde usynystar ázirleý úshin aýmaqtyq bólimshe komıssııa (budan ári – Komıssııa) qurady. Kórsetilgen Komıssııanyń quramyn jáne onyń qyzmet tártibin aýmaqtyq bólimshe aıqyndaıdy. Komıssııa quramyna aýmaqtyq bólimshelerdiń, jergilikti atqarýshy organdardyń, qoǵamdyq birlestikterdiń, ǵylymı jáne tabıǵat qorǵaý uıymdarynyń ókilderi engiziledi. Bekitilgen balyq sharýashylyǵy sý aıdyndaryn jáne (nemese) ýchaskelerin erekshe qundylarǵa jatqyzǵan jaǵdaıda Komıssııa quramyna balyq resýrstaryn paıdalanýshylardyń ókilderi engiziledi. 6. Komıssııa otyrysynyń nátıjeleri Komıssııa otyrysynyń hattamasymen resimdeledi, oǵan qatysyp otyrǵan múshelerdiń barlyǵy qol qoıady. 7. Balyq sharýashylyǵy sý aıdyndaryn jáne (nemese) ýchaskelerin erekshe qundylarǵa jatqyzý jáne olardyń shekaralaryn belgileý tıisti ǵylymı uıymdar bergen bıologııalyq negizdemeniń negizinde júzege asyrylady. 8. Ýákiletti organ Komıssııa usynymdary men bıologııalyq negizdeme negizinde mynadaı: 1) balyq sharýashylyǵy sý aıdyndaryn jáne (nemese) ýchaskelerin erekshe qundy obektilerge jatqyzý, olardyń shekaralaryn belgileý týraly; 2) belgilengen shekaralarda sharýashylyq jáne ózge de qyzmettiń retteletin rejımin belgileý jóninde sheshimderdi qabyldaıdy. 9. Qabyldanatyn sheshimder aýmaǵynda osy sý aıdyny ornalasqan jergilikti atqarýshy organdarmen kelisiledi. 10. Erekshe qundy balyq sharýashylyǵy sý aıdyndarynyń jáne (nemese) ýchaskeleriniń belgilengen shekaralary belgili bir jaıylym, ýyldyryq shashý, ósirý oryndary, qystaý shuńqyrlary oryndarynyń ataýlary jáne geografııalyq koordınatalary kórsetilgen karta-shemada belgilenedi. 11. Erekshe qundy balyq sharýashylyǵy sý aıdyndarynyń jáne (nemese) ýchaskeleriniń shekaralary belgili bir jaıylym, ýyldyryq shashý, ósirý oryndaryn, qystaý shuńqyrlary sheginde balyq sharýashylyǵyn júrgizýge bólingen bir nemese birneshe balyq sharýashylyǵy ýchaskelerin qamtýy múmkin. Buıryq Qazaqstan Respýblıkasynyń Ádilet mınıstrliginde 2015 jylǵy 17 sáýirdegi Normatıvtik quqyqtyq kesimderdi memlekettik tirkeýdiń tizilimine №10755 bolyp engizildi.