«Real» Chempıondar lıgasynyń fınalyna shyqty

ASTANA. 5 mamyr.   Búgin tún aýa Madrıdtiń «Real» klýby Chempıondar lıgasynyń jartylaı fınalynyń ekinshi matchtynda «Manchester Sıtı» komandasyn 1:0 esebimen utyp, kezekti ret fınalǵa shyqty. Bul týraly egemen.kz tilshisi habarlady. Kezdesýde jalǵyz doptyń avtory bolyp jasyl alańda «Real» jeıdesinde birneshe jyldan beri ter tógip kele jatqan ýelstik Garet Beıl atandy. Ol 19 mınýtta oń qaptaldan sýyrylyp shyǵyp, qaqpanyń sol jaqtaǵy joǵarǵy buryshyn  dál kózdep, esepti ashty. Osy goldan keıin «Manchester Sıtıdiń» oıynshylary da qol qýsyryp otyrmady. Olar da alań ıeleriniń qaqpasyna qaýipti jaǵdaılar jasady. Alaıda, oıyn sońyna deıin tablodaǵy esepti ózgerte alǵan joq. Endi Chempıondar lıgasynyń fınalynda Madrıdtiń qos komandasy ekinshi ret kezdesedi. Olar fınalda 2014 jyly oınaǵan bolatyn. Sol kezde «Real» jerlesterin 4:1 esebimen jeńip, Chempıondar lıgasynyń bas júldesin ıelengen. ÝEFA Chempıondar lıgasy 1/2 fınalyndaǵy qarsylastardyń ekinshi matchy. 4 mamyr. Madrıd. «Santıago Bernabeý» stadıony.   Tóreshi: Skomına Damır. «Real» (Madrıd): Navas, Pepe, Ramos, Marselo, Karvahal, Kroos, Modrıch (Kovachıch 88’), Isko (Rodrıges 67’), Ronaldý, Beıl, Hese (Vaskes 56 «Manchester Sıtı: Hart, Sanıa, Kompanı (Mangala 10’), Klıshı, Otamendı, Fernando, Navas (Ihenacho69’), De Brıoıne, Fernandıno, Týre (Sterlıng 61’), Agýero Eskertý aldy: Vaskes 83’– De Brıoıne 30’, Fernando 71’, Otamendı 90’ Gol: Beıl 19’ Dastan Kenjalın. Derek, foto: eurosport, euro-football.ru, EPA/URG Vıdeo: vkontakte áleýmettik jelisi.