Dostyq úıindegi dıdarlasý

Qaraǵandyǵa arnaıy jumys saparymen kelgen Qazaqstan Respýblıkasy Parlamenti Májilisiniń depýtattary «Máńgilik El» Patrıottyq aktisin túsindirý boıynsha qaladaǵy Dostyq úıinde Qazaqstan halqy Assambleıasynyń oblystyq aktıvimen kezdesti. «Máńgilik El» Patrıottyq aktisi Qazaqstan halqy Assam­bleıasynyń HHIV sessııasynda qabyldanǵan bolatyn. – Bul sessııa – tarıhı sessııa boldy, – dedi kezdesý barysynda Májilis depýtaty Narıne Mı­kaelıan. – Táýelsizdigimizdiń 25 jyldyǵynyń qarsańynda biz «Máńgilik El» Patrıottyq akti­sin qabyldadyq. Búgingi kezdesýde biz bul tarıhı qujattyń mańyzy men qundylyǵyna taǵy bir tereń úńilmekpiz. Kezdesý barysynda sóz al­ǵan oblystyq «Erebýnı» armıan etnomádenı birlestiginiń tór­aǵasy Artýr Navasardıan bylaı dedi: «Qazaqstanda 130-ǵa tarta ult ókilderi turady. Bul jaǵdaıda bizdiń árqaısymyz tynyshtyqty kózdiń qarashyǵyndaı saqtaýdy jete túsinýimiz kerek. Kelisim men dostyqty saqtaı bilsek, elimiz ósip-órkendeıdi. 1991 jyly KSRO qulaǵanda kóptegen elderde qantógister boldy. Al bizde bári de kerisinshe boldy: jappaı qurylystar júrgizilip, alǵa qaraı arshyndy qadam bastyq. Tipti, az ǵana ýaqyt ishinde Astanany salyp tastadyq. Bul – tek Otanymyzdaǵy tynyshtyq pen tatýlyqtyń arqasynda múmkin boldy». Kezdesýge qatysýshylar arasynda Bolashaǵy Birtutas Ult týraly áńgime qozǵalyp, Qa­zaq­stanǵa básekege qabi­letti, oı-órisi damyǵan, «Biz – qazaq­­standyqtarmyz!» dep maqta­nysh­pen aıta alatyn ult kerek­tigi basa aıtyldy. Jıyn qory­tyn­dysynda qazaqstan­dyqtar burynǵydan beter birige túsýi qajet degen baılam jasaldy. Qaırat ÁBILDINOV, «Egemen Qazaqstan» QARAǴANDY