Pavlodarda Kembrıdj arheology zertteý júrgizýde

PAVLODAR. 10 mamyr. S. Toraıǵyrov atyndaǵy Pavlodar memlekettik ýnıversıtetine jumys saparmen Kembrıdj ýnıversıtetiniń arheologııa doktory Mılıana Radıvoevıch keldi. Kezdesý barysynda doktor Mılıana bizdiń elimizdiń, Kereký óńiri- Pavlodar jeri erekshe geomádenı muraǵa baı ekenin aıtyp ótti. Bul týraly egemen.kz tilshisi habarlaıdy. Arheolog Mılıananyń bizdiń óńirimizdi zertteýine – qazaq dalasynda burynǵy zamandarda meken etken kóshpendi taıpalardyń tynys-tirshiligi sebep bolypty. Taıpalardyń sol kóne dáýir kezinen-aq metaldy óndirý jáne óńdeýdiń kóne ádisterine ǵalymdarmen birge Mılıananyń da qyzyǵýshylyǵy oıanǵan. О́zi arnaıy saparmen kelgen oqý ornyndaǵy «Arheologııalyq ortalyqtyń» jáne ortalyq jetekshisi Vıktor Merstiń zertteý jumystaryn erekshe baǵalaýda. Sheteldik ǵalymnyń pikirinshe, Mers sekildi ǵalym zertteýshi, arhelogtar-batystyq ǵylymı ortada ýnıversıtettiń bedelin qalyptastyrady. Bizdiń jerlesmiz Vıktor Mers te Kemrıdj syndy álemge áıgili ýnıversıtettegi áriptesteriniń joǵary baǵasyn alýda. Myna sýretter óńirdegi Maı aýdanynan Mers tapqan dúnıeler. Qazir doktor Radıvoevıch professor Merspen birlesip óńirdi aralaıtyn ǵylymı-zertteý ekspedısııasyn uıymdastyrý jobasyn jasaýda. Olardyń birlesken bul jobasy taǵy da tyń arheologııalyq jańalyqtar ashady degen oıdamyz. Farıda Byqaı. Derek, foto: egemen.kz.