«Astana Tazalyq» JShS
Elorda • 10 Maýsym, 2025
Tazalyq tabaldyryqtan bastalady
Astana ǵalamdyq mólsher merziminde alsaq az ýaqytta eldiń basty ordasy bolýymen qatar jahandyq jıyn, mádenı maıdan oshaǵyna aınaldy. Sondyqtan Qazaqstannyń kelbettik kórsetkishiniń taza ári jaıly bolýy – múddeli meje. Bas shahar bul turǵyda qanatyn qomdap, qarqynyn údetip keledi. Alǵashqy oń nátıjeler taıǵa tańba basqandaı aıqyndalyp, elorda tazalyǵy álemdik reıtıngter retine ilige bastady. Máselen, buǵan deıin «The Telegraph» basylymy álemdegi ekologııalyq eń taza qalalardyń tizimin tizbektegende Astana ozyq otyzdyń qatarynan tabyldy. Mundaı bıik belester qarapaıym qadamdar men jumysshy mamandardyń mańdaı terimen baılanysyp jatqany sózsiz.
