Abyz
Ádebıet • 07 Aqpan, 2022
Keshe Almaty jurtshylyǵy kórnekti qalamger, Qazaqstannyń Eńbek Eri, Halyq jazýshysy, Uly Otan soǵysynyń ardageri Ábdijámil Kárimuly Nurpeıisovti sońǵy saparǵa shyǵaryp saldy. Qaraly jıynǵa Memlekettik hatshy Erlan Qarın qatysyp, Prezıdent Qasym-Jomart Toqaevtyń kóńil aıtý jedelhatyn oqyp berdi.
Rýhanııat • 05 Jeltoqsan, 2021
1999 jyly «Arys» baspasynan Ǵarıfolla Ánestiń jaýapty redaktorlyǵymen shyqqan Á.Kekilbaevtyń «Dúnıe ǵapyl. О́leńder men drama» kitabyndaǵy onyń aqyndyq qyrymen qatar, ár jyldardaǵy jazylǵan osy óleńder jınaǵynyń «Tańǵy kálımadan» bastalyp, «Túngi kálımamen» aıaqtalatyndyǵyna kóńil aýdarǵym keledi. Osylaısha kemeńger Ábish Kekilbaıuly adamnyń ómirge kelýi men ómirden o dúnıege ketýin «tań men túnge» teńep, 60 jasqa tolar aldyndaǵy óziniń oıyn túgendep, qorytqanǵa uqsaıdy.
Rýhanııat • 23 Qarasha, 2021
Klara Shaıyr aýylyndaǵy mekteptiń jetinshi klasynda oqyp júrgende oqýshylardyń mekteparalyq festıvaline qatysady. Orys tilinde óleń oqyp, ekinshi orynǵa ıe bolady. Sol kezde esiktiń aldynda úsh-tórt balanyń arasynda turǵan Ábishtiń kózine túsedi. Klýbtyń ishi salqyn bolsa kerek, onyń jeńil kıingenin kórgen Ábish: «Apyrym-aı, myna qyz tońyp qalmasa eken» depti. Keıinnen segizinshi klasqa jetkende, Klara Úshtaǵanǵa kóshedi. Sondaǵy Taýshyq mektep-ınternatynda aýdannyń 13 kolhozynan kelgen balalar oqıtyn bolady. Solardyń ishinde Ábish te bar edi. Osylaısha, bular Taýshyqta taǵy kezdesip, bir mektepte oqı bastaıdy. Ábekeń ınternatta turyp oqysa, Klara týys aǵa-jeńgesiniń úıinde turady. Klara Ábishten bir klass tómen oqyǵan. Sol kezden bastap ekeýi bir-birine kóńil aýdara bastaıdy. Ábish komsomol uıymynyń hatshysy, al Klara – uıymnyń múshesi. Osylaısha, 9-klasta Ábish júris-turysy da, ózi de sulý, qos jýan burymy kóıleginiń eteginen túsken alasa boıly qyzǵa ǵashyq bolyp qalady.
