Jumysshy mamandyqtar jyly • 13 Tamyz, 2025

Kerneýli toktyń tilin tapqan maman

Prezıdent qaýlysymen bıylǵy jyl «Jumysshy mamandyqtar jyly» dep jarııalanǵany belgili. Tirshilik úshin taptyrmas mamandardyń mańdaı terin, eren eńbegin nanymdy nasıhattaýǵa arnalǵan jyldyń jeti aıy da artta qaldy. Ýaqyt mashınasy oza túskenmen, jumysshy mamandardyń jemisti eńbegi eskerilip, bedeli bıiktep keledi. Jyl qurǵaq sózben syrǵymaý úshin jumysshy mamandardyń áleýmettik áleýetin áldendirýge nazar aýdarylyp jatyr. Aýyz toltyryp aıtatyn negizgi jańalyq tehnıkalyq mamandardy baspanamen qamtýǵa baǵyttalǵan – «Naýryz jumysker» baǵdarlamasy. Bastama ónerkásip, energetıka, kólik, aýyl sharýashylyǵy jáne sý resýrstary salalary qyzmetkerlerin úıli etýge úles qosady. Budan bólek jumysshy mamandardyń mártebesin belgileý,  salalardaǵy syndarly tusty saraptaý, tehnıkalyq jáne kásiptik bilim berý júıesiniń reformasyn júzege asyrý syndy júıeli jumystar ataýly jyl aıasynda atqarylyp jatyr. Bastysy qoǵam jumysshy mamandarǵa qajettilikti tereń túısinip, turmys turalamaý úshin etip júrgen eńbegine qurmetpen qaraýǵa beıil bildirip keledi.