Kerýen jyrdyń kúımesinde
Mádenıet • 12 Maýsym, 2025
Jyr baqshasynyń jańa jaýqazyny
Astana qalasynda jyrshy Uldana Nurtýǵanqyzynyń «Kerýen jyrdyń kúımesinde» atty jeke konserti ótti. Qazaq ulttyq óner ýnıversıtetin bıyl támamdaǵan jas ónerpaz Syr óńirindegi Jıenbaı jyraý mektebiniń ókili. Qazir onyń zerdesinde Balqy Bazar, Turmaǵambet, Shoraıaqtyń Omary syndy syr sańlaqtarynyń murasynan bastap, Kóruǵly, Edige batyr syndy epıkalyq shyǵarmalardyń úlken qory bar. Rasynda saf ónerdiń jupary juqpaǵan ásireńki ártisterdiń keýlegen tusynda qyryq myń joldyq dastandardy jadyna toqyǵan jas ónerpazdyń úlken sahnaǵa kóterilýi – el rýhanııatynyń jańa tynysy hám jarqyn qubylysy, dep jazady Egemen.kz.
