olımpıadashylar
Sport • 14 Shilde, 2021
Sanaýly kúnderden keıin Japonııanyń bas shahary – Tokıoda XXXII jazǵy Olımpııa oıyndarynyń jalaýy jelbireıdi. Eki aptaǵa sozylatyn tórtjyldyqtyń basty dodasynda Qazaqstannyń 95 sportshysy (96 joldama) sporttyń 27 túri boıynsha el namysyn qorǵaıdy. Aldyńǵy Olımpıadalarmen salystyrar bolsaq, árıne, bıylǵy kórsetkish kóńil kónshitpeıdi. Tokıodaǵy jarys – Qazaqstannyń Olımpııa oıyndary tarıhynda eń az sportshy qatysqan báseke bolmaq. Buǵan deıingi eń tómengi kórsetkish – Atlanta Olımpıadasy bolatyn. Táýelsizdik alǵannan keıingi tuńǵysh Jazǵy Olımpıadada bizdiń eldiń 96 sańlaǵy baq synaǵan edi.
