hımııalyq jáne bıologııalyq qorǵaý
Aıbyn • 02 Shilde, 2025
Qoǵamda kózge kórinbeıtin qaýipter bolady. Olar myltyqsyz soǵys salyp, adamzattyń ómirine tótenshe qater tóndiredi. Osyndaı jaǵdaıda kómekke keletin – radıasııalyq, hımııalyq jáne bıologııalyq qorǵaý (RHBQ) áskerleri. Bul qurylymnyń jaýyngerleri kózge kórinbeıtin jaýmen kúreste aldyńǵy shepte júredi. Olar – beıbit kúnniń batyrlary. Búginde Qarýly Kúshterdiń quramyndaǵy erekshe mindet júktelgen bul qurylym óz tarıhyn 1992 jylǵy 2 shildeden bastaıdy. Dál osy kúni elimizdiń Qorǵanys mınıstrligi quramynda radıasııalyq, hımııalyq jáne bıologııalyq qorǵaý bólimi qurylǵan bolatyn. Ýaqyt óte kele zaman talabyna saı jańǵyryp, 2020 jyly radıasııalyq, hımııalyq, bıologııalyq qorǵanys jáne ekologııalyq qaýipsizdik áskerleri departamenti bolyp qaıta quryldy. Bul olardyń mańyzyn arttyryp, jaýapkershilik aıasyn keńeıte tústi, dep jazady Egemen.kz.
