Úsh maıdanger
Taǵzym • 23 Jeltoqsan, 2023
Úsh maıdangerdiń súıegi elge jetkizildi
Ekinshi dúnıejúzilik soǵysta qaza tapqan úsh jaýyngerdiń súıekteri arnaıy avıabortpen Astanaǵa ákelindi. Qarsy alý rásimi QR Qarýly Kúshteriniń Ulttyq áskerı-patrıottyq ortalyǵynda Ortalyq áskerı orkestr mýzykanttary, Tý toby jáne Qurmet qaraýyl rotasy áskerı qyzmetshileriniń qatysýymen ótti. Atalǵan rásimge Qarýly Kúshterdiń áskerı qyzmetshileri men ardagerleri, «Atamnyń amanaty» QB, Memlekettik áskerı-tarıhı mýzeıdiń ókilderi, «Jas sarbaz» balalar-jasóspirimder áskerı-patrıottyq qozǵalysynyń tárbıelenýshileri men qaza tapqandardyń týystary qatysty. Is-sharaǵa Atyraý, Jambyl, Qyzylorda oblystary ákimdikteriniń, qorǵanys isteri jónindegi departamentteriniń ókilderi beınekonferensbaılanys arqyly qosyldy, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.
