Qoǵam • 27 Maýsym, 2019
Jumystan qashpaǵan adam jerde qalmaıdy
Memleket basshysy Qasym-Jomart Toqaev ulyqtaý rásiminde sóılegen sózinde halyqty jumyspen qamtý, tabys kólemin arttyrý máselelerin basymdyq beriletin baǵyttardyń biri retinde aıtqan bolatyn. «Tórtinshi baǵyt. Jańa jumys oryndaryn ashý jáne halyqty laıyqty jalaqymen qamtý. Ulttyq tabysty ádil bólý máselesi bul – strategııalyq mańyzdy dúnıe. Memlekettik bıýdjettiń qarajatyn, eń aldymen keleshegi zor maqsattarǵa jáne jańa jumys oryndaryn ashýǵa bólý qajet», degen bolatyn Prezıdent.
Ekonomıka • 27 Maýsym, 2019
Transkaspıılik baǵdar boıynsha júk aǵyny ulǵaıady
Nur-Sultan qalasynda Transkaspıılik halyqaralyq kólik baǵdaryn damytý boıynsha jumys tobynyń kezekti otyrysy jáne «THKB» halyqaralyq qaýymdastyǵynyń jalpy jınalysy ótti.
Aımaqtar • 27 Maýsym, 2019
«Soıyl kúshin basqa túsken biledi» degendeı, Arystaǵy aýyrtpalyqtyń ahýalyn, árıne arystyqtardan artyq eshkim sezinbegen bolar. Dese de, kúlli el bolyp, kómek qolyn sozyp jatqan tusta qamyqqannyń jubanatyny, taryqqannyń qýanatyny anyq. Halqymyz da «Ornynda bar ońalar» demeı me?! Sondyqtan bul kúnde «Arys, biz birgemiz» jalpyulttyq aksııasy aıasynda qazaqstandyqtar aıanyp qalyp jatqan joq. Qoldarynan kelgen kómekti kórsetip, biri qarjylaı, biri zattaı jyly kóńilmen jylýǵa úles qosqan aǵaıynnyń aýyzbirligine qarap otyryp, qandaı qıyndyqqa da qarsy turýǵa bolatynyn baǵamdadyq. El ekenimizdi, biriksek bizden qýatty kúsh, bizden meıirimdi qaýym bolmaıtynyn baıqattyq. Osy oraıda tilshilerimiz el óńirlerinen Arysty betke alǵan gýmanıtarlyq kerýenge qoldaý kórsetýshilerdiń kóbeıe túskenin habarlap otyr.
Qoǵam • 27 Maýsym, 2019
Qýansa, ana qýansyn, qýansa, bala qýansyn!
«Jaqsynyń ózi de jaqsy, sózi de jaqsy» degendeı, Memleket basshysy Qasym-Jomart Toqaevtyń el azamattarynyń borysh júktemesin azaıtý týraly Jarlyǵy barsha qazaqstandyqtardy qýantqan, ásirese balalaryn jetkizý, emdetý jolynda turmys taýqymetimen basyna tartqan kórpesi aıaǵyna jetpeı, kóz jasyn bulap júrgen ata-analarǵa aıtarlyqtaı demeý berip, kóńilderin jadyratqandaı boldy. Iá, qýansa, ana qýansyn! Qýansa, bala qýansyn! Álbette, «Qudyǵyna qaraı qaýǵasy, bazaryna qaraı saýdasy» bolǵan naryq zamanynda nesıesiz tirshilik etý de ońaı emes. Sondyqtan Prezıdenttiń bul pármeni halyqtyń áleýmettik tobyna qaryzdy pulsyz berip, qunsyz alǵandaı óte qolaıly tıgeni jasyryn emes. Iаǵnı kóp balaly, asyraýshysynan aırylý jaǵdaıyna baılanysty tólem alatyn, múgedek balalary bar jáne ataýly áleýmettik kómek alatyn otbasylar men ata-anasynan aırylǵan jáne ata-ana qamqorlyǵynsyz qalǵan balalardyń 300 myń teńgege deıingi tutynýshylyq bereshegi keshirilmek. Bul – qoǵam tarapynan «Áleýmettik qamqorlyq» baǵdarlamasy aıasyndaǵy memlekettiń qoldaýyn keshendi ete túsetin izgi qadam retinde baǵalanyp otyr.
Aımaqtar • 27 Maýsym, 2019
24 maýsym. Arys. Toǵyz aı anasynyń qursaǵynda jatqan náresteniń jaryq dúnıege talpynysy tań qylań bere bastaldy. Aı-kúni tolǵan áıel ádettegideı aýrýhanaǵa jetkizildi. Sútpisirim ýaqyt ótpeı aınala álem-tapyryq boldy da ketti. Qatty jarylystan aýrýhana terezesiniń byt-shyty shyǵyp, esikteri syndy. Tolǵaǵy jıilegen kelinshek akýsher Naǵımamen birge jan saýǵalap, qala syrtyna qalyń qaýymmen birge qasha berdi. Snarıadtar qulasa qulaqtaryn basyp, jer baýyrlap jata qalady. Balabaqshada qalǵan 3 jasar qyzyn eske alǵan saıyn ana júregi qars aıyrylyp, kóz jasyna erik beredi. Bul 23 jastaǵy Kenjeniń qıyn sátte qasynda bolǵan qaıyrymdy jandardyń áńgimesi.
