Egemen Qazaqstan • 29 Qańtar, 2024
Memleket basshysy Qasym-Jomart Toqaev «Egemen Qazaqstan» gazetine bergen suhbatynda: «Naýryz – jańarý men jańǵyrýdyń sımvoly. Sondyqtan tól merekemizdiń mazmunyn baıytyp, ony barynsha erekshelep, jańasha atap ótýimiz kerek. Bul qadam qoǵamdy uıystyryp, ulttyq biregeıligimizdi aıshyqtap, el birligin nyǵaıta túsýge yqpal etedi dep senemin», dep aıtqan edi. Osy oraıda qoǵamdy tutastandyrýdyń salmaqty ózegi, ulttyq birlik pen tatýlyqtyń aıryqsha arqaýy – Naýryz meıramyn jańasha sıpatta atap ótýdiń jolyn keńesý maqsatynda bilikti mamandardy shaqyrdyq. «Qazaq gazetteri» seriktestiginiń bas dırektory Dıhan Qamzabekuly moderatorlyq etken bul jıynǵa etnolog, tarıh ǵylymdarynyń doktory, professor Jambyl Artyqbaev, Parlament Májilisiniń depýtaty, «Amanat» partııasy fraksııa jetekshisiniń orynbasary Juldyz Súleımen, naýryztanýshy Serik Erǵalı, Astana qalasy ózbek etnomádenı ortalyǵynyń tóraǵasy, Ulttyq quryltaı múshesi Sherzod Pýlatov, R. Baǵlanova atyndaǵy «Qazaqkonsert» memlekettik akademııalyq konserttik uıymynyń kórkemdik jetekshisi Erlan Rysqalı, «Halyq qazynasy» ulttyq óner ortalyǵynyń jetekshisi Jasulan Naýryzbaıuly qatysyp, oı-pikirlerin ortaǵa saldy. Basqosýda myna máseleler kóterildi: Naýryzdy qazirgi zaman formatyna saı qoǵamnyń tutastyǵy men birligine qyzmet etetindeı uıymdastyrýdyń joly qandaı? Naýryz meıramynyń mazmunyn salt-dástúrdi, eldik, etnostyq qundylyqtardy nasıhattaýmen birge nemen tolyqtyrýǵa bolady? Naýryzǵa qatysty óńirlik erekshelikterdi birizdendirý, normalaý týraly pikirińiz. Naýryz meıramyn elimizdegi túrli etnos ókilderiniń yntymaǵyna, berekesine aınaldyrýdyń tetigi. Naýryzdyń mazmuny – «tatýlyq meıramy», osy úrdisti eldik dástúr deńgeıine kóterýdiń mańyzy. Keńestik ıdeologııanyń Naýryz meıramyn shekteýiniń astarynda derbestik, demokratııalyq negizdi kórgeni baıqalady, endeshe búgingi sanadaǵy túrli qıyndyqty saýyqtyrýǵa, salamattandyrýǵa Naýryz qundylyqtaryn paıdalanýdyń joly qaısy?
Eńbek • 29 Qańtar, 2024
Izdene bilgenniń isi de ónimdi
Kásiptiń kózin tabý úshin aldymen adamda ynta bolýy shart. Áıtpese, isińizge bereke uıalamaıdy. Máselen, Jetisýda biri kir sabyn óndiretin, biri sút óńdeıtin qos seh ashyldy. Buǵan muryndyq bolǵan – qarapaıym aýyl turǵyndary. Qos óndiris ornynyń ıeleri bala kúngi armanyn jeke kásippen ushtastyrǵan. Memlekettiń qoldaýy nátıjesinde ekeýi búginde isin dóńgeletip otyr.
Qoǵam • 29 Qańtar, 2024
О́zge de óńirlerdegideı Shyǵys Qazaqstan oblysynda zeınetkerlerge bıyl 1 qańtardan bastap «2024-2026 jyldarǵa arnalǵan respýblıkalyq bıýdjet týraly» zańǵa sáıkes bazalyq zeınetaqyny 7%-ǵa, yntymaqty zeınetaqyny 9%-ǵa arttyrý kózdelgenine baılanysty tólemder ulǵaıdy.
Halyq • 29 Qańtar, 2024
Sheshen azamatynyń ımandylyq ónegesi
Atbasar aýdanynda sheshen azamattary Han Kene batyrlarynyń biri Qarabaı qurmetine meshit turǵyzyp berdi. Yntymaq uıyǵan, yrys quıylǵan aýyldyń tirshiliginen janashyr jurttyń aýyzbirligi, shúleńger azamattardyń sharapaty ańǵarylyp turady. Osyndaı úlgili kóriniske Atbasar aýdanynyń Sergeevka aýylynda kýá boldyq. Qansha ýaqyttan beri kóptiń tileýinde júrgen jańa meshittiń qurylysy bastamashyl azamattardyń aralasýymen aıaqtalyp, jyl basynda ashyldy.
Qoǵam • 29 Qańtar, 2024
Bas basylymnyń «Egemenge elden keldi» aıdarymen Kazatkom aýyly turǵyndarynyń shaǵymyna baılanysty «Aýyl aýyz sý qubyryn tartýǵa narazy»(№51, 2019 jyl) atty maqala shyǵyp, onda sýy bar elge taǵy qosymsha sý jelisi tartylyp, orynsyz memleket aqshasynyń shashylýyna sanaly túrde jol berilgeni atap kórsetilgen edi. Topalańnan ólgen mal ólekseleri kómilgen aımaqtan ótken jańadan tóselgen sý qubyrlary qazirgi istep turǵan ózimizdiń sýǵa jalǵanbaı, odan beri 5 jyldaı tynyshtyq ornaǵan sııaqty edi. Biraq olaı emes eken, biz umyta bastaǵanmen ákimder umytpapty. Bul másele oblystyq «Alataý araıy» basylymynyń byltyrǵy №17 sanynda jarq etip qaıta kóterildi.
