Rýhanııat • 27 Qazan, 2020

Ulttyq murattarǵa umtylys

Elbasy kitaphanasy mýzeıiniń jańa ǵımaratynda belgili keskindemeshi, Qazaqstan Sýretshiler odaǵynyń múshesi, Qazaqstan Respýblıkasynyń eńbek sińirgen óner qaıratkeri Qazaqbaı Ájibekulynyń «О́ner shyńyna umtylys» atty jeke kórmesiniń saltanatty ashylýy ótti.

Ekonomıka • 27 Qazan, 2020

Baqylaýda tur

Qyzylorda oblysynda azyq-túlik baǵasynyń retsiz qymbattap ketpeýi jergilikti bıliktiń nazarynda tur. Oblystyq aýylsharýashylyq basqarmasy men «Baıqońyr» áleýmettik-kásipkerlik korporasııasy» AQ tarapynan áleýmettik mańyzy bar azyq-túlik ónimderiniń qoryna monıtorıng jasalyp, baǵany turaqtandyrý sharalary júıeli túrde iske asyrylyp otyr.

Aımaqtar • 27 Qazan, 2020

Baǵany jármeńke «tusaıdy»

Jyl basynan beri álemdi ábigerge salǵan koronavırýs indetiniń salqyny azyq-túliktiń baǵasyna da keri áserin tıgize bastady. Saldarynan keı óńirlerde alypsatarlar baǵany negizsiz kóterip, qara halyqtyń qaltasyn qaǵa túsýde.

Aımaqtar • 27 Qazan, 2020

О́zimizdiń ónimder de qymbattap barady

Negizgi azyq-túliktiń 90%-y basqa oblystardan nemese basqa elderden ákelinetin Mańǵystaýda azyq-túlik baǵasy qubylmaly. Qubylmaly bolǵanda, arzandap jatqan azyq baıqalmaıdy, kerisinshe tıyn da bolsa jamap, qıt etse qymbattaýǵa beıim turatyny bar.

Tanym • 27 Qazan, 2020

Joshy ulysy

(Jalǵasy. Basy 204-nómirde) Batý bastaǵan ásker Oka ózeniniń boıymen Kolomnaǵa bettedi. Vladımır­diń uly knıaz Iýrıı Vsevolodovıchtiń uly Vsevolod bastap kelgen qoly Rıa­zan qosyndarynyń qalǵan-qutqan si­lem­derimen Kolomnany qorǵamaq bol­ǵan áreketinen eshteńe ónbedi. Rıazan knıazi Roman Igorevıch ólip, Vsevolod shaǵyn qosynymen Vladımırge qashyp qutyldy. Sodan keıin mońǵol qoly, Djýveınıdiń aıtýynsha «M.k.s.» degen qalaǵa bettedi, orys ǵalymdary «M.k.s.»-tiń Máskeý ekenine kúmán kel­tirmeıdi. Ol Vladımır knıazdigine ba­ǵynyshty jańadan salynǵan qala bol­ǵanmen, halqy óte kóp edi. Djýveını: «Halqy qumyrsqadaı, bolmasa shegirt­kedeı qaptaǵan qala edi, aınalasy saz balshyq jáne ný orman, ormanynyń qalyńdyǵy sonshalyq – jylan jyljyp óte almastaı edi. Mońǵol patshazadalary qalany jan-jaǵynan qorshap, aǵashtardy otap shaýyp, qatarynan úsh-tórt arba ótetindeı ǵyp jol salyp, sol jolmen tas atatyn qarýlaryn súırep ákeldi. Birneshe kúnnen keıin qalanyń ózi joq, aty ǵana qaldy. Hanzadalar qolǵa túsip tutqyn bolǵandardyń oń qulaǵyn kesýge jarlyq shyǵardy. 270 myń adamnyń qulaǵy kesildi», dep hı­kaıalaıdy (Ata-Malik Djývaını. Tarıh-ı Djahangýshaı // Istorııa Kazahstana v persıdskıh ıstoch­nıkah. T.IV. A-ty, 2006. 59-59 bb.). Ra­shıd-ad-dınniń málim­deýinshe: Más­keýdi «bes kúnde jermen jeksen etti».