Búgin aýdan ákimi Baqyt Asanov Túrkııa memleketiniń Antalııa qalasynda ótken álem chempıonatynda qol kúresten álemniń chempıony atanǵan aýdan turǵyny Nasyr Mahambetovty qabyldady, dep habarlaıdy Maqtaaral aýdany ákiminiń baspasóz qyzmeti.
«Túrkııa elinde, Antalııanyń tórinde qazaqtyń ánurany shyrqalyp, elimizdiń kók týyn jelbiretkeniń úshin aýdan ákimdigi atynan alǵysymdy bildiremin. Árqashan elińniń maqtanyshy bola ber!» - dedi Baqyt Násirhanuly.
Aýdan basshysy sportshyǵa óz atynan arnaıy syılyq berip, alǵys hatyn tabystady. Marapattaý rásimine jınalǵan aýdan aktıvi chempıonǵa qurmet bildirip, qoshemetterin kórsetti.
Mahambetov Nasyr Ahmetuly 1985 jyly OQO, Maqtaaral aýdany, Dostyq aýyldyq okrýginde týylǵan. 2005 jyldan beri sporttyń qol kúres túrimen shuǵyldanyp keledi. Sol jyly О́zbekstan Respýblıkasynyń Tashkent qalasynda ótken halyqaralyq jarysta birinshi oryndy ıelendi.
2006 jyly Tájikstan memleketinde, 2007 jyly Qyrǵyzstanda ótken Orta Azııa chempıonatynda jáne Bolgarııa memleketinde ótken álem chempıonatynda júldeli oryndardan kóringen.
2009 jyly Almaty qalasynda ótken Orta Azııa chempıonatynda úshinshi oryndy jeńip alǵan. Al, 2011 jyly dál osy arý Almatyda ótken álem chempıonatynda úshinshi orynnan kórindi. 2016 jyly О́zbekstanda ótken jarysqa qatysyp bas júldeni jeńgen. Sondaı-aq, 2017 jyly Qyrǵyzstannyń Bishkek qalasynda ótken Orta Azııa memleketteri arasyndaǵy jarysta birinshi oryndy ıelengen.
Nasyr Mahambetov jaqynda ǵana Túrkııa memleketiniń Antalııa qalasynda ótken álem chempıonatyna qatysyp, álem chempıony atandy. Bul jarysqa álemniń 56 memleketi qatysqan bolatyn.