«Saǵan keldim atajurt…»

«Saǵan keldim atajurt…»

Beısenbi, 6 jeltoqsan 2012 7:23 

Bıyl Alataý baýraıynda dema­lý­dyń sáti túsken edi. Jaqsy demaldyq, jańa dostar taptyq. Júrekteri lú­pil­dep, arman qanatyna ilesip, ata­jurtqa taban tiregen Jylqybaevtar otbasymen de osy saparymyzda ta­nystyq. Bul ot­ba­syn Qytaı Halyq Respýblıkasynan ata­mekenge degen saǵynysh jetelep kel­gen eken. Erli-zaıypty Qalmıet pen Bahardyń Qa­zaq­stanǵa qonys aýdar­ǵandaryna bes jyldyń júzi bolypty. Otaǵasy Qal­mıet kásipkerlik salada qyzmet etse, zaıyby Bahar – Almaty qalasyndaǵy aýrýhanada bedeldi dá­ri­ger, óz isiniń bilgir mamany.

Beısenbi, 6 jeltoqsan 2012 7:23 

Bıyl Alataý baýraıynda dema­lý­dyń sáti túsken edi. Jaqsy demaldyq, jańa dostar taptyq. Júrekteri lú­pil­dep, arman qanatyna ilesip, ata­jurtqa taban tiregen Jylqybaevtar otbasymen de osy saparymyzda ta­nystyq. Bul ot­ba­syn Qytaı Halyq Respýblıkasynan ata­mekenge degen saǵynysh jetelep kel­gen eken. Erli-zaıypty Qalmıet pen Bahardyń Qa­zaq­stanǵa qonys aýdar­ǵandaryna bes jyldyń júzi bolypty. Otaǵasy Qal­mıet kásipkerlik salada qyzmet etse, zaıyby Bahar – Almaty qalasyndaǵy aýrýhanada bedeldi dá­ri­ger, óz isiniń bilgir mamany. Alty jasar Arlan men bir jasar Elarys atty uldary qulyn-taıdaı tebisip ósip keledi. «Týǵan jerge kelýimizdiń basty sebebi, uldarymnyń tili qazaqsha shyǵyp, ana tilin, ata-saltyn, ulttyq ádet-ǵu­ryp pen dástúrlerin saqtasyn, Abaı men Muhtardyń kim ekenin bilmeı ósse, qalaısha qazaq bolmaq? Qazaqsha oılap-jazý árbir adamnyń tól mindetine aı­nalýy kerek. Sóıtip, urpa­ǵy­myzdyń bo­lashaǵyn oıladyq», dep Qalmıet aǵy­nan jaryldy. Otanǵa degen sar­qyl­mas saǵynyshtary men máńgilik ma­hab­battaryn uldarynyń sanasyna sińirip, elge, jerge degen súıispenshilikke, týys­qa degen baýyr­maldylyqqa tár­bıe­lep jatqandaryn kórip, sheksiz rıza boldyq.

Qııannan oralǵan qandastarymyz­dyń Otanǵa degen patrıottyq sezimderi zor, ana tilin, dinin, tarıhyn, salt-dástúri men ónerin saqtap qal­ǵan. О́z elinde júrip ana tilin jat­synyp, ana tilinde sóıleýge arla­na­tyn, onyń qa­dir-qasıetin bilmeıtin jastarymyz qan­shama?! Olar óz sóz­derinde: «Ata-ba­bamyzdyń kindik qa­ny tamǵan jerge kelip, týǵan topy­raqqa taban tirep, Táýelsizdik týy­nyń astynda beıbit te berekeli tirlik keshýdiń mańdaıǵa ja­zyl­ǵanyna shú­kir­shilik etemiz», deıdi.

Arlan sekildi qarshadaı balanyń týǵan jerge degen óleńderin tyń­da­ǵan­da, tula boıyń shymyrlap, erekshe sezimge bólenesiń. Onyń ár sózinen týǵan jerge degen mahabbat lebi esedi.

«Saǵan keldim atajurt,

Qaıdan kelgen ul deme.

Qańǵyryp júrgen tul deme,

Qyzyqpaımyn úldeń menen búl­deńe.

Saǵan qaraı súıreıdi,

Qanymdaǵy birdeńe».

nemese:

«Elimniń atyn aıtsam – Qazaqstan!

Jerimniń atyn aıtsam – Qazaqstan!

Qoınaýy qazynaǵa tolǵan meken,

Baılyǵym, atyn aıtsam – Qazaq­stan».

Mine, kishkentaı Arlannyń jattap ósken óleńderi. Eriksiz oıǵa qal­dyryp, kózińe ystyq jas úıiriledi.

Bala – balǵyn tal, eresek adam baǵ­ban desek, balanyń týǵan jerge, Otanǵa, eline degen súıispenshiligin arttyryp, patrıottyq sezimin oıatyp, otanshyldyqqa baýlý – ata-ananyń bas­ty muraty. Osy maqsatty bul ot­basy qaltqysyz atqaryp keledi. Qal­mıet pen Bahar «El bolam deseń, be­si­gińdi túze» degen naqyldy júrek­terine myq­tap túıgen-aý dep rıza boldyq.

Júzimgúl jáne Gúljúzim IZTILEÝOVALAR.